ALEX.C〔攝影．玩物．淘樂〕

今 日分享下自12年後賞荷圖鏡頭對比，2014年所影荷花同今年所影基本分別唔算太大，只係用咗唔同鏡頭，但係同樣焦距 200mm 所影，唔知你又會鍾意邊張多啲呢。 呢 兩支都係老品 Minolta「G」系列鏡頭，同樣擁有 APO 變色差鏡片，不過一支就係 70200mm 全能鏡，另一支就係定焦 200mm 微距鏡，雖然呢兩支唔同定位，但我係倉底搵到同樣用 200mm 所拍攝而搵返出來分享。 使用器材對比： Minolta AF 70200/2.8 G D APO SSM 「大三元」之一 Minolta AF 200 APO MG「長焦微距鏡」 呢兩張都同樣用咗橫倒影，分別一張硬光，一張柔光： 2014年拍攝 ( 硬光 Low-Key) 2026年拍攝 ( 柔光 Under) 7 0200G 好明顯係遠攝變焦鏡頭，最近對焦為1.2m，而 200MG 係微距鏡頭，最近對焦為0.5m，不過 200MG 重量差唔多係 700200G 減半，長時間用起來一定比較好唔少。 以下兩張所用直倒拍攝： 2014年拍攝 ( 硬光 Low-Key) 2026年拍攝 ( 柔光) 不 過兩支係唔同定位，200MG 微距可以玩比較更多，雖然冇 f/2.8 大光圈，所以 70200G 好多更細節都唔會影到，而 70200G 有大一級光圈，吸光同Bokeh當然就更加正，最後睇完糖水相後，唔知你覺得邊支鏡影好啲，不防分享各下意見，同批評一下作品。 TAG.: 賞、荷圖, 鏡頭對比, Minolta, AF, 70-200mm, f/2.8, SSM, 200mm, f/4, Macro, APO, G

話 時話有幾耐冇真真正正咁咩住咁鬼重器材去影相，上周心血來潮不如比自己休息多一日，咁星期六就可以去行大半日，累就放假休息都唔錯，不過因為都好幾年冇咩住咁一直行，真係體力透支到極點，由其腰同對腳真係可以話行到痛 (一路咩住器材影)。 月 尾比自己鬆一下去見下朋友吹下水，行下傾下影相話題，順便帶啲多年冇用過鏡頭去 SnapShot 一下，連同一支 TELE 去公園影下荷花，真係玩下咁就一日。 一 日玩兩種，第一先四維 Snap，見咩影咩，隨心想影。  . . . 第 二就去咗公園影下荷花，荷花呢家嘢我又係好多年冇去影過，要影得好當然要技術，我冇技術就平平冇其，影下便係娛樂。 . . . TAG.: 2026, 閒影, 攝日, SnapShot, 荷花, Minolta, 35G RS, 200 Macro APO G

Docker 部署 呢個記係個人連結分享 會不停慢步更新... 只會一直更新 連結 歡迎留言交流，個人用處等，如果有好用資源都會備份一下 或 你有好用資源都可以介紹俾我試吓 文章由 新至舊 排列 Vaultwarden 密碼管理工具 (網頁版 x APP / 瀏覽器功能) ( 超連結 ) OmniBox (v2.x.x 更新版 & 設定) ( 超連結 ) SPlayer 音樂播放器 (網頁版介面) ( 超連結 ) Solara 音樂播放器 (網頁版介面) ( 超連結 ) Immich 相簿 (如何更新 Docker 版本) ( 超連結 ) Droppy 檔案管理與分享 (網頁版介面) ( 超連結 ) OmniBox (一站式影視與資源合併平台) ( 超連結 ) Youtube Download Web UI (網頁版下載介面) ( 超連結 ) VERT 檔格式轉換器 ( 超連結 ) Web SSH (網頁版 SSH 工具) ( 超連結 ) Immich 私雲相簿 ( 超連結 ) ezBookkeeping (個人記賬應用)  ( 超連結 ) Docker (容器) 鏡像倉庫 ( 超連結 ) TAG.: Alex, Blogger, Docker, 部署, Compose

今 日得閒貼下圖先，唔知可唔可以叫作品啦，影得月亮太細為有CROP 圖，攝影對我來講就係用器材去拍攝另一種表達，攝影都係光與影合成，今次就用黑色底加上一點點不同光色彩，只留紅月，不留背影。 紅月 @ 5/31 COPYRIGHT 2026, ALEX CHEN TAG.: 紅月, 5/31, 光色彩, 2026

近 日忽然搵返踢踏舞來睇，其實真心幾鐘意呢啲音樂劇、舞蹈劇等等，一睇返就諗起以前一到假日就去旺角睇下有咩新嘢，仲記得當時好多DVD店鋪，有意冇意之間見到火焰之舞 (Feet of Flames)，因為當年 (1998) 仲細買一隻正版DVD都講更幾百蚊，要儲好耐零用錢先買到心頭好，仲記得當年一買嘢返屋企都唔係好敢比父母知。 火焰之舞@1998    大 河之舞係2020年原來有個25周年纪念演出，不過都以經唔再買碟睇，而家好多都係數碼化，即網上睇或下載返來睇，我而收藏咗個4K版本，而家咁年代真係好注重聲音同話晝質，係我又重新發掘之際，又搵到火焰之舞數碼收正4K版 (以經有DVD)，咁就一齊收藏係個HDD內，因為而家家中搞咗個自家 NAS，所以一放入外置 USB-HDD 就自己搜刮簡介，又可以唔洗用電腦一個個目錄咁打開去睇，真係方便到你唔信，如果好似我家中有幾個資源 HDD，想重溫舊電影/劇集真係做到一插即睇。 簡介 《大河之舞》（Riverdance）與《火焰之舞》（Feet of Flames）雖然同屬愛爾蘭踢踏舞，但兩者在風格定位、視覺規模及藝術呈現上有顯著的分別： 1. 藝術風格與定位 大河之舞： 更偏向文化藝術與傳統展示。它最初起源於 1994 年歐洲歌唱大賽的中場表演，隨後發展成結合愛爾蘭傳統、俄羅斯民間舞蹈及美式踢踏的綜合表演。其表演較為優雅典雅，強調民族音樂的厚度與純粹性。 火焰之舞： 是純粹的商業大型娛樂秀。它是舞王麥可·佛萊利（Michael Flatley）在離開《大河之舞》後創立的《舞王》（Lord of the Dance）之進化版。風格更接近搖滾演唱會，充滿爆破效果、燈光特技與強烈的表演張力。 2. 敘事結構 大河之舞： 主要是一連串主題舞蹈的集合，並沒有核心劇情，更多是展示愛爾蘭文化的演變。 火焰之舞： 是一部有完整故事情節的「舞劇」。講述了光明與黑暗力量的對抗（由舞王對決黑魔王 Don Dorcha），包含了愛情、背叛與正義勝利等情節，戲劇性極強。 3. 舞台規模與視覺 大河之舞： 舞台設計相對內斂保守，演出通常在劇院內舉行。 火焰之舞： 追求極致的視覺震撼。1998 年的首演使用了壯觀的 4 層機械升降舞台，並動員了超過 100 位舞者同時在場上呈現「萬人跳舞」的磅礴氣勢。 4. 關鍵人物角色 ...

時 間日子只會向前而唔會倒數，同樣電子科技只會不停更新，必定一代比一代更好，日記就係留比自己一個記錄，原來我最後一買一部相機以經係 2013年尾 (Sony SLT α99v)，仲記得當時買都超過2萬多，如今雖然少咗影相，不過部機仲有唔錯表現，十幾年 SLT 機，真係冇可挑剔。 係 2013年10月，我第一次去咗無反發佈會，就第未出機親身感受一下 Sony 的未來黑科技，老實講我轉咗用 Sony 以經好多年，不過似始終玩更 Minolta 舊鏡色水現代鏡係比唔到我，所以就一直停留係呢到而唔去更新相機，反正我都唔係影相搵食，影下相興趣班咁啦。 ALL BOX SET 再 經過2年後2015年又再去咗個 Sony α7 II 人像工作坊，更直接體驗 α7 II 代一啲改進，同時又可以影下人像咁，其實由第1代發佈全新無反上過手後，心中係有好衝動時刻去買一部來玩，但考合係當時2011年中比賽勝出，而2012年 NEX-7 真的手到，所以點解我一直冇入手 α 系列 FF 就係咁解，而我當時都直接送咗比家人一直用到而家 (以經2026年了)。 其 實佢點用我都唔會點理，不過4年前2022年尾，佢唔知邊到聽人講話要買 A7R V，像數高唔代表作品好，買機又唔一定送技術 (結婚都唔會送BB啦)，當時因為我轉更工同冇時間，所以一直無點理會，不過因為當時由於定價太高，佢自己又唔拾得 (仲未計配件一機一鏡又5皮)，所以就一直咁無了期等待。 交 朋友係好，不過都唔知交咩朋友，自己有冇能力係一個問題，平有平玩，貴有貴玩，唔係人有你都要有，你朋友可能一個月過十皮，我一個月都係得一皮，仲要其它開支，而家咁環境更加難搵錢，點可以亂用，如果有空閒錢先再講，年頭唔知你去咗邊又邊到聽人講 Sony 新相機，我係 Sony P會員點會唔知，Sony 最怕我唔買，有咩新嘢我都即時收到電郵，不過今個月4月休完息後 Sony 又來新搞作活動，就呢呢次 Sony α7V x FE 4/20-70 G，好啦，Sony 你好嘢，今次我都上頭啦，α7v 代更新對焦系統，基本以經係半專業之上，我想要快、很、準，入手吧，同樣都係送比家人一機一鏡，俾你自由發揮吧。 S ony α7V x FE 4/20-70 G 無可否定，器材以在手，技術我就送唔到比你，呢次我都唔上手...

人生第一次“勞工處”追欠薪 (2025) 前言： 2 021年５年前，香港工作環境都以經慢慢放緩，個人都要出返來打工，係當年有意冇意的一個晚上，就去咗試工，其實當時都係一樣做返以往差唔多工作，送吓貨呀搬吓磚呀咁，都係擔擔抬抬工作，所以冇咩大要求，最大問題係我一向都行得唔係幾好，所以係再前一份工就係以呢個理由就唔用我，其實我一啲都唔介意呢個問題，東家唔打去打西家。 不 過我就真係冇諗到係呢份工一做就做咗3年2個月，我當初都諗住我頂唔頂得順做唔做得來人，風雨不改，就連病痛都返，咁就過咗3年多2個月，人生就係咁，做咩事起初都風平浪靜，當總有人係公司搞啲自身利益的時候，冇風冇雨就唔會有波浪，但當有起風浪就好難平靜落來。 打 工就係咁，你出糧比我我就要做，我做嘢好多時從來都唔會點同人計較，什至一直我比人做得更多都冇半點聲言，默默耕耘係磨練一種經歷，有好多人都話我傻，但係做任何嘢下下都要計算先去做，我自己做唔到，能幫就幫，我相信總有回報。 決定開始追討： 係 2024年11月離職後，本來一直都相信僱主會出返啲糧，起初都話點樣畀同幾時畀，其實我人都會心軟，咁好啦，你話OK又畀到我就OK，點知，兩三個月後態度開始改變，用不同藉口推搪，應承咗又做唔到，往我一直都信你，其實知道公司都有同事被公司拖糧，但佢地一直都冇諗過去勞工處，有啲就好似我咁相信會慢慢還錢，因為大家以經各自離職，所以唔知道大家情況，有時都係信息保持聯絡交流，傾下有冇出糧咁，先知道原來我地一直畀僱主忽悠，由此刻起，我雖然唔知可唔可以追返餘下糧，但我就算當冇人工追唔到都好，我決定人生第一次去勞工處追討欠薪。 2025/４/8 去勞工處： 因 為一直都要返工，定好休息日早上做好哂自己嘢，等一個同事就直接上去。 到勞資審裁處取籌排隊 等到左籌號就到櫃檯登記，填表，簽文件等 我 地以經搵唔到僱主，所以基本冇得再傾，就算見到傾咩基本都係完全空投支票，所以最後要求勞資審裁處法庭幫忙。 當 完所有手續後，就同另外欠薪同事講我地去咗開檔案，其後一齊加入。 2025/４/23 預約勞資審裁處： 第 一次去勞資審裁處先欠登記所有人，登記完再上一層主任會分開見每個一人，跟住要將所有表格填好同交文件，點知我地文件同表格填寫唔齊全，主任再比時間我地重新準備，順延至下次。 2025/５/8 重新交文件： 自 預約當日因為文件不足同資料未齊所以只好順...

清 明時節雨紛紛真係永遠都冇錯，我一生人40多年來從未掃過墓，因為全部都係係老家鄉，孝子賢孫都係每一年必做一事，不過要回到老鄉而家好方便，但因為一直有好多嘢放唔得低，要搵兩餐，以前又唔可放手唔做客人，所以一直從都冇返過。 不 過呢幾年咩都改變哂，以經工作以經冇得返轉頭，仲有大家都知2019之後事情，好多嘢都係人算不如天算，但係過去由得佢過去，而且工都轉過好幾份，由其今年再一次大決定連固定兼職都唔做，倒不如比自己放一個假，跟老頭子回鄉掃墓，順道探親，走走他們小時候的回憶地方，不過係我腦海之中，三十年後以經由一個山區鄉村同樣以經變成一幢幢十多層大樓，回憶只能留在腦海之中一去不返。 在 搜尋後，原來以經是國內二線成市，交通十分方便平兒，但食的好多都就真係追得上香港價錢，始終我唔係生活在老家本地，所以完全唔知要食咩來維持生命。 人 生第一次跟家人掃墓，都係希望保佑安康，順順利利等，有時間同許可之下，都會再回去的。 TAG.: 三十年後, 掃墓, 歸宿

一 年好快又一年，唔覺唔覺花展咁快又一年，上年事情太多，有啲仲係過程之中仲未完事，今年26年開始做返一份工，免得煩人，有時都係一件好事，自己再重新安排過啲時間，有時一星期可以放返3日出來做其它嘢，好似影相咁。 今 年天氣真係太好，仲熱到冇朋友，不過總好過毛毛雨又怕相機鏡頭出事，所以都係一件好事，由於天氣太好，加上好耐都冇出過一身臭汗，呢個感覺真係好正。 同上年一樣有時間就去玩吓，我都冇咩技術啦，只係拍拍拍，咁又一個活動，上年報名費用$60元，今年又加3元，真係咩都加咩都加咩都加，只有人工冇得加，如果可以安安穩穩咁就最好，不過今年大會最遲15:45分先放哂人流，遲開始，但又足一小時，我最後果張係16:50，真係超時啦。 今年唔知藝人係咩名，所以相未有咁快可以出到，如果識或知到藝名希望可以話過我知，等我加返名上去... COPYRIGHT 2026, ALEX CHEN PHOTOGRAPHER, ALEX CHEN DATE 2026/03/19 LOCAL VICTORIA PARK TAG：香港花卉展覽 2026, 花語尋『香』, 細味城市特色, 攝影比賽, 維多利亞公園, 花展 TVB：李尹嫣、楊梓瑤、黃泳嘉、梁超怡、李君妍、李海銅、吳芷靖、鐘翠詩、莫凡、蔡華英 圖片上傳完成... Photo is Uploaded Finish... 睇完可以大家留言交流一下 >>> 人像超連結 <<< TAG.： TVB, 女像. 香港花卉展覽, 2025, 花語尋『香』, 細味城市特色, 攝影比賽, 維多利亞公園, 花展, 李尹嫣, 楊梓瑤, 黃泳嘉, 梁超怡, 李君妍, 李海銅, 吳芷靖, 鐘翠詩, 莫凡, 蔡華英

2026/03/01 人 都過咗大半世，以前經常聽講只有牙齒會伴你一生，呢啲都係由細都聽到大，3月1日，口腔手術日，頂咗咁多年，的起心肝去睇牙，來個大手術，洗牙、補牙、車牙，口腔細菌真係比馬桶多，唔好保護牙週病就只會不停感染隔離鄰舍，最後就無補於事，所以2019至呢幾年大家都知咩事，門口出不得，出門就怕中肺炎。 2 026年嘅開始，的起心肝唔再咁操勞，做返一份工，因為有時以經定好咗嘅計劃，忽然一句叫你唔使返，咁就兩頭都唔到岸，免得麻煩，重新安排工日子開始。 痛 一次好過分開幾次，蛀牙要車床，深層洗牙果種痛真係同剝牙差唔多，但係不停持續，車牙搭橋做假牙，種植牙都好幾隻，希望能用到老，不過醫生話最重要都係注重口腔清潔，經過差唔多兩個鐘，做完清除，植牙，話細菌就正常冇咁快完全消除，但傷口就要更加注意口腔消毒&保持口腔乾淨先最難。 希 望傷口唔會比細菌慼染，咁就少好多麻煩，錢洗咗可以再搵過，一口氣洗咁多錢都係想仲食到嘢同笑容好睇小小，因為真係走風又易破財，必須搞。 代續....牙醫+上牙 2026/03/07 經 過5日洗禮，醫生叫我再返去先上牙，咁我就收工即刻坐車入去，因為我本身啲牙唔直，所以搭橋又要度少少位用咗多少少時間，而家先把左下牙完成，再想方法幫我門牙拉直 (即係箍牙)，經過2日後牙又痛又冇力。 2026/03/08 廿四小時後醫生睇完相話叫我而家即刻去做固定門牙，因為以經貼邊，推牙果種無情力痛到我眼水都出，真係唔知點形容，而家收正返要等一個月先可以用門牙，因為我牙肉問題，怕走回頭位，咁來更一個月可以減肥囉。 代續.... 2026/03/15 差唔多一星期後，前門牙都有輕微返彈，今日再經牙醫用第2次直接用鐵線篐住再用牙膠。雖然來回車程要約4個鐘，不過有心同我搞我就有心去整返好啲牙，返正開始咗就唔返轉頭，直到做完為止，搵個伴就搞完先再算。努力，加油。。 代續.... TAG.: 洗牙, 口腔, 清理, 種牙, 上牙, 箍門牙

免 費永遠係最貴呢句一世唔會錯，免費比你用，你仲想有咩要求，對我來講有得用就得，一係你買個NAS用佢本身但OS咁，不過呢個 OS 我由 v0.8 開始用，慢慢學吓睇下同了解吓呢個 OS，雖然 Linux 我唔係好識 command 指令，不過而家有 AI 問都好方便。 呢 個 FnOS 更新都好頻密，短短4個月都多次大更新，初頭仲更新到死機，搞到要重新安裝同設定，而最近一次大更新就2026/1月尾，更新到 v1.1.18，過幾日仲更新 v1.1.19。 v1.1.18 前版本 - 安全漏洞與風險 存在 路徑穿越漏洞，導致敏感檔案在未授權情況下可被存取，等於讓隱私文件「裸奔」。 系統長期存在 root 權限漏洞，攻擊者能取得最高權限並持續控制設備。 黑客針對 OTA 升級機制發動對抗性攻擊，導致部分設備無法接收修補程式，甚至出現木馬變種持續感染的情況。 有受感染設備可能被納入 僵屍網絡 不 過最後都係最好一直更新，直至真係要收費再決定日後事都唔遲，因為更新一定係收正好多 BUG 或者一啲問題，所以基本其實都唔洗諗，除非你唔用佢姐，又或者你唔會用公網就可以一直唔洗更新，之但係佢用法真係唔可以唔出公網，內聯網用係方便家庭，而放出公網就方便分享同去到任何地方，只要有瀏覽器都可以自由任意使用。 飛牛OS v1.1.19 更新後重設 SSH 系統設置 → SSH → SSH 功能 (打開/開關)，並確認端口（預設 22） 更新 v1.1.19 後系統會預設 SSH 全部關閉，所以要自己用開啟返 SSH 功能。 系統設置 → 用戶 → 更多 → 啟用 SSH #註：必須係管理員先可以使用 SSH 以前版本一直都只係開啟 SSH 功能就可以正常登入，不過而家更新後佢仲會收改用戶本身設定，所以當你用 SSH 登入佢會自動 Close (登出)，唔比你登入。 手動把 SSH 開啟後，就可以正常用返 WebSSH 或 Windows PowerShell 或其它 SSH 工具登入。 更新 v1.1.19 後可能令 Windows PowerShell 無法連接 如 果見到嘅警告訊息，係 SSH 主機金鑰（host key）改變造成嘅，可能係重裝過飛牛OS，我地係後者升級後系統重新生成咗新的 SSH 金鑰，所以會出現〝 WARNING: REMOTE HOST IDENTIFI...

2 025 咁就過去，大家覺得今年自己又過得點，唔好事一定多過好事，呢幾年真係身心都好攰，環境就一年比一年放下，真係唔知可以點，不過攰都要頂硬上，只要有氣有力都要做到盡，因為過多十年我都可能步入中老年，雖然讀書唔多，但我個人名語就係做到就做，着數比你都冇所謂，為求過得安穩，有回報就最好，冇就當做善事。 原 來唔覺唔覺我咁就踎咗一年，而家開的都叫做還可，不過26年網約車橫行後真係唔知環境又會變成點，可能到時我又要轉行，而家叫做吓做吓搵兩餐，不過一到大時大節真係仆哂街，唔好話人去玩，冇生意我連自己都不如放下假去玩仲好。 除 夕一過，聽日又新一年，我都好似冇哂目標咁，冇一件事做得成，好煩，但都唔想去煩，事情太多只好慢慢去解決，問題天天都多，天天都要解決問題。 2 025年我都冇點出動去影相，自3月份影完後原來又以經差唔多十個月，連電池都汗硬化，本來琴日想去曬吓太陽，就係因為冇電又放棄咗，只好用 NEX-7 SNAPSHOP 幾十張，不過由於聖誕除拍用電話影，用返相機 SNAP 睇返相係有返感覺多啲，電話相就記錄而以。 而 家自己開咗個"私家 Blogger"，係方便我自己打下日記同記錄行程分享，如果大家相交流都可以去我個人"私家 Blogger"留言同分享大家的士做法等，我只係單頭司機一個，冇人教冇人射單比我，搵幾多食幾多就由天注定。 Alex Blogger (私人網誌) https://blog.alexnas.dpdns.org/ TAG.: 2025, 玩完

12/22日 一 年好快又完結，年尾最後一個活動就係聖誕燈飾聖誕樹，我尋晚就同朋友去咗行咗個圈，只不過靚唔靚就見仁見智啦，尋晚都有少少涼，咁嘅經濟環境總要有少少聖誕氣氛，不過就好明顯好多地方都唔會再大搞特搞，燈飾就... 我 部相機因為冇叉電，同埋都係收工落去行個圈，行完食個飯，不過每一次用電話影，方便係實在太方便，只不過畫質就冇相機咁如意，同埋一直睇慣3:2嘅比例，所以我都要後期裁3:2比例，睇得叫做舒服返，只不過係大芒度睇畫質始終都係冇咁如意。 好 啦影得就唔算多，不過現場環境人就好多，都係你影我我影你，大時大節有咩活動都係咁上下啦，當然相影得唔好都將就下啦，而家直接放上相簿，撳一撳就可以睇到相。 12/26日 收 工前再次同朋友外出走走，今次去尖東，今天氣氛真係好特別，人唔多但天氣明顯轉凍，可能個個都去哂 AIA 嘉年華或西九，尖東一帶可以話完全冇氣氛，同中環相比差天共地，都係行下同隨手影，原來星光大道仲有同遊客影相位，我幾多年冇出過夜街我自己都唔記得，先出去食西北風，再去食個消夜湯飯返屋企，咁又完咗 2025 年最後一個節日，下次明年見啦。 由於都係同一個節日，所以都放同一個連結內。 拍攝：ALEX.C 日期：2025/12/22 & 26 地點：皇后像廣場花園 / 星光大道 器材：小米手機 連結： Merry Christmas, 聖誕手機隨拍夜 TAG.: 2025, x'mas, 聖誕, 燈飾, 手機, 隨拍夜, 中環, 尖沙咀

  W eChat 影音號我諗大家唔唔陌生，不過有時睇到視頻除咗按"讚"或"心"之外，好似冇咩其它方法可以儲存留返下次重睇，或者大家可以找找"小程式"搵影音號下載就會有方間一啲所謂人工號轉發就幫你分享而下載，但係我發現係會有一啲問題，因為佢係會記錄你本身 WeChat 帳號，有啲會頭幾次比你免費試用，跟住就會要你比錢先可以下載，或者有啲又要你先註冊至以可用。 當 你試用過之後，你就全不自然咁問自己，流量你就識，有時就係冇咁多流量先至諗點儲存更方便自己去返睇，以經舊版本每睇完一次都會係電話到留下一啲毛，不過唔知幾時更新後 (咩版本) 開始以經方法以經用唔到，2025年尾啦，我當然又四維嘗試搵吓有咩方法，而唔洗經"小程式"加號，唔洗註冊，唔洗比錢自我任由下載。 STEP by STEP 1) 首先你要安裝 res-downloader，安裝完後用"以系統管理員身份執行" https://github.com/putyy/res-downloader 2) Windows 版 WeChat 然後用手機登入 3) "影音號"時如果你想下載睇更視頻，先按"分享"再SEND比自己 4) 用電腦打開連結，呢個時後res-downloader就會一LOAD影像位置然後自下載即可 能下載相關影音 res-downloader 係一個開 源軟件，同時支持以下程式下載等等. 視頻號 小程式 抖音 快手 小紅書 直播流 m3u8 酷狗 QQ音樂 TAG.: WeChat, 影音號, 下載

2 025年快完，不經又不覺 ACDSee 原來以經更新到 2026 版，我自己就本身仲用更 Pro v3.0 (2009)，呢個版就以經去到 v19.0 (2026)，其實我自己本身好少去更新軟件，但為一直用冇咩事都唔會去再搞佢，除非同 Windows 有衝突先會去更新。 而 家所有新軟件動不動都上GB，修圖功能唔少得，新版本加入 AI https://www.acdsee.tw/products/photo-studio-ultimate#newdam AI 去噪 AI 髮絲遮罩 AI 沖印預設 AI 臉部編輯 AI 天空替換 擴充的活動管理器 不 過大家如果更新前要諗一諗，記得考慮自己本身電腦處理能力，之不過如果又只係用來睇下相，更唔更新有時都以經唔重要，因為睇相又唔係修圖，所以老舊版本其實都冇咩所謂。 TAG.: ACDSee, 圖影工坊, 2026

 一 年話咁快又會過去，自上個月中同一班老友記開飯，有啲都好多年冇見 (真係個個都老哂)，開心時間過得真快，年尾又係一個要不停付 ($) 出日子，簡單啲講咩都要洗錢，不過環境一直不是好方面，仲要加上11月有一個屋苑5級大火，連燒七棟樓，今次直頭燒出國際，有一個地方唔知，但只係死咗百幾人，失蹤？ 家人？工人等等冇人一提，真係好可悲。 再 加加上十二月收到朋友入咗院，心情更加低落，事事又唔順利，低潮人生呀，祝朋友早日康復，家人就更擔心，但朋友可以做到啲咩。 年 中識咗個朋友，不過每次都係單向就好似攝時間，無耐最後都係算，有工作就努力做住，明年環境都覺得好嚴峻，但做人努力過就好，好事無我份，但都睇淡咗，平平安安就好。 TAG.: 2025, 最後一個月, 心情低落, 朋友入院

對 上一次自己買新電腦以經唔覺唔覺係快要4年 (係...咁又4年)，當年12代都算係最新 CPU，對一個以經冇玩電腦遊戲人來講，一般以經係完全足夠，係上個月家中老頭子電腦原來都一直開始出現問題 (大量不明文件)，花了幾天時間清理後原來 HDD 都出現問題，真心以經唔想搞，但當用一啲好簡單軟件都要諗到天荒地老，更唔好話用咩文書/簡單執相軟件等等... 真係想一腳踢落去。 年 尾啦，本來一直係諗住買部平平地 NUC 用來玩 NAS，不過係2個月前成功以經用返部 2008 年舊腦，一部家中影音、日常、生話記帳、IPTV 等等以經成為收工後追劇娛樂，更唔好話一個相簿都成工建成。 今 次唔諗就直接買咗另一部 NUC，不過係買比家中老頭子，細細部機又算再一步到位，有冇買錯就唔知，只係知好多電子產品都以經加返晒價，買嘢好多時都係有買貴就冇買錯，不過今次見到新式洋垃圾，又有幾多人敢買來用，一路睇落去我去試燒下機，又完全冇問題，用落都幾爽，見個價位都係心理關口之上，好... 直接 Ultra 7 工程版到手，如果正正常常可以用返十年八年基本都冇咩問題 (自HIGH)。 到 手後等一感覺就好似買咗個厚版電視盒，NUC 只不過係非一般電腦，其實就係迷你一體機，而 CPU 係 筆記型電腦的行動處理器，不過部機 比我而家用更部 i5 仲要平 (當年入手時)，你話點搞吖。 All in ONE 不明一體機： - Intel® Core™ Ultra 7 Processor 255H 處理器 (ES) - Intel Arc Graphics 140T (8Xe 核心) - AMI MainBoard - DDR5 插槽 x2 - PCIe 4.0 M.2 插槽 x2 - 雙 2.5G LAN - WiFi 6 + BT 5.2 (可自行升級 WiFi 7 + BT 5.4) - USB 3.0 x4 - 4K HDMI 2.1 / DP 1.4 / Type-C USB 4 / OCulink 開始簡單試機 首先必需先安裝 Windows 是常識吧，再安裝所有驅動程式 (呢個搞咗好耐)，不過最後都能下載同成功安裝，最後先慢慢同咩軟件先一個個裝返上去，因為 U7 唔係正式版問題，所以我就用 TEST 軟件去測試，最後全部正常，其中包括 3DMARK 都有試。 魯大師 SYSTEM IN...

話 時話真係好幾年冇同朋友一齊聚會食個飯，要婚都婚了，有咗家庭更加難出來食個便飯，我地呢啲今時今日仲係一支公真係只有工作，而又冇咗娛樂，不過上星期有個朋友真係話好多年都冇聚過，就再有時間就出來食個飯吹吹水，呢啲日子真係回不來。 聚 會係一啲友誼餐，經過好幾年時間，再一會大家年紀以經咁上下，有時真係都幾唏噓，時間不留人，就連我自己都開始有白髮，真的.... 呢 幾年大家都知咩事，聚會跟本係冇咩可能，唔係你怕就我怕你，有小朋友的家庭更加要小心交際，所以基本個個都係可免則免可。 話 咁快又11月中，一年真係好快又一年，朋友齊人食個飯下次真係唔知要幾年後。 TAG.: 朋友聚會, 2025年, 11月

相 信大家都有網購嘅習慣，11.11以前係淘寶/京東一年一度嘅大優惠，你想買嘅產品佢哋都會做補貼或者出更大嘅優惠，不過經過咁多年嚟嘅轉變，吸引力其實已經越放越下，而哩幾年好多人都發覺，係所謂雙十一比之前商品價格都加哂價再俾優惠你，其實已經好冇吸引力，咁多年嚟想買嘅嘢要買嘅始終都要買，唔會等係哩啲所謂大時大節雙棍節先買。 之 不過雙11之後又再演變雙12，其實都係同雙11一樣，以前係哩啲咁嘅時節佢保持住雙11嘅最低優惠，前幾年的確係好吸引，無論價格 / 運費都平，但物價就年年上升，所以好多嘢都慢慢咁一啲一啲咁加價。 不 過係疫程之內，香港嘅經濟實體店真係執咗好多，哩啲都係網購嘅成因，不過網購真係太方便，你惗唔到嘅嘢都可以搵到，而你搵唔到嘅嘢亦都搵到，係年頭，拼多多仲玩埋一件包郵，一1啲人幾蚊都同你包，你都唔好話香港嘅經濟再死都幾沉重。 呢 幾年嚟，我都冇再點關注呢啲咁嘅活動，有需要買始終要買都唔會等到佢限時限刻。 最 後，唔知大家仲會唔會係呢啲日子而買為買呢？ TAG.: 雙十一, 11.11, 網購

呢 期月尾電腦展，我都以經好多年無去過，因為冇咩特別雖要去買，但係成日見分享呢個點平果個點平，呢啲節日又做特價咁，而上星期休息無聊係枱底囉返部N年前舊電腦出來，第一部開到機可能舊 (2012年)，過一陣就着唔返，搞唔到轉頭就電子垃圾，再係枱底囉第二部出來 (仲舊)，係當年2手買返來本來放係廳用，因為 2022 換左自己部主機，上一部就換返放左係廳用，而再次多一部電子垃圾，咁舊同慢真係唔知有咩好用。 係 淘X見到 NAS 都要幾百蚊，雖然機身唔大，但幾百蚊果啲又話冇呢樣冇果樣，搞得來又要咁多線，不過細心一諗，可以試吓用電子垃圾加隻 500GB HDD (仲要用唔到 USB 開機)，又要燒 DVD 來安裝，真係唔知幾多年冇玩過裝新系統，問題係又要燒碟 ＞ 安裝 ＞ 設定等花上大量時間，差唔多等同以前安裝完 Windows 後再更新幾個鐘咁上下，好彩到最後都成功安裝，一心只諗住用下"相簿"同"影視"。 私 網 NAS 網上相簿，要出公網先可以係街到分享到比人，搞來搞去得個吉，又要設路由器又要設 DDNS，睇左好多介紹同點設定，開頭都只係做到 50/50，即係一時得一時又唔到，可能我同時用更兩隻路由器關係，TP-LINK 真係好簡單開個 DDNS 打返個 PORT 位就得，而 ASUS 就點搞都出唔到街。 我 用咗咩舊電子垃圾，E6550@2.3GHz (2008年出品)，4GB Ram，好彩個 DVD 仲用到，當年以經有 1GB LAN，自己再加返隻 500GB HDD，唔好講咁多，開始開工安裝飛牛 fnOS NAS 系統。 係 我下載返來時，版本係 v0.9.21@2.13GB，因為本身有自家 APP，可以好簡單咁用返個 APP 就直接話控制，或者用返本身個播放器睇電影咁，係街就睇返自己屋企內部影片，唔伯冇嘢睇，只怕你冇數據。 不 過我冇諗到係，原來佢仲可以直接網上更新系統至最新版本，出文之前我以經更新咗 v0.9.22。 雖 然係國內系統，你可能問我會唔會好唔安全，講真就算買其它港版大品牌都成日話出好多問題，其實咪又係一樣，我又唔係放重要文件，都係有時想分享一下啲相呀，文件等等，有自家 NAS 就真係方便好多，就算你估放咗上雲端又好安全咩，咪又係人地個伺服器，你刪除後知唔知佢有冇留渣係到咁咪又係一樣唔知，不過我試過有啲上傳咗分享...