ALEX.C〔攝影．玩物．淘樂〕

舊 相相簿重貼，以前多數都單張單張咁分享貼下相，不過時間真係轉眼即逝，原來我係由 2002年開始慢慢真正所謂接觸攝影，初頭都係相識一班攝影朋友講解而接觸單反開始，當年由 Canon 20D 入門，又聽用單反人介紹鏡頭，平價 50/1.8 II 入手，再慢慢一步一步升級咁。 由 於新手入門頭幾年都係一直人像為主，邊影邊學，幾年時間後都識到幾個傾得來，有時都會約下吹水影相，不過本身朋友原來以前一直都有玩影相，再加上朋友跟朋友上關係都對攝影有相同興趣，就由這刻開始毒了我一身，當時 FF 對我來講實在太貴，講咩係 APS-C 同 FF 的分別，加上各大品牌都有自家色彩愛好，Sony Carl Zeiss 聞名而起，但在一場攝影當中極少數人用上 Minolta 相機，傾得來的每次都會攝後分享，坐底吹水睇相等等。 由 Sony 收購 Minolta 的過度期，一支一支 A-mount 鏡頭重新出廠，但複製都只係表面，真正靈魂就完全做唔出，Sony 色水走路線係自家，數碼現代感，後期試水溫再出部 E-mount，經過十幾年時間你而家會真係覺得 Sony 好成功，但就白白把 Sony / Minolta A-mount 打死再放棄而唔再更新。 M inolta 排不上名氣，但靈魂仲係到，Sony 要復刻都係由 A100 到 A900 時代，最後再由 SLT A99II 收尾，確實有點可惜，但唔放棄就唔會有現在最新電子相機 A7M5 / A7R6，經過5代 / 6代不停更新向前，加上一直都有萬能插蘇稱號，真係你有錢就咩事都可能會發生。 鏡 頭係靈魂，機身係外殼，轉接環係交流工具，三合一就係一部意想不到相機，E-mount 鏡以經好成熟，各個焦距都以經追上，仲加上最新 28-70mm & 50-150mm F2 系列，有錢都好難會玩返轉頭，自家 G Master 高級組合，但各人有各人愛好，總有品牌忠粉，但我就由用咗 Canon 7年轉咗 Sony 會一直到現在。 以 前都係以"面書"、"網上相簿" 或 "討論區" 分享，不過有好多連結都死哂，咁用自己少少最後資源來儲存，睇相唔洗下下一張一張咁開，相簿就係有咁好處，方便回憶過去。 都 係要放假先得閒睇返啲舊相，不過睇返真係好多都好有回味，同朋友外出拍攝，心情同喜悅感係...

相 機鏡頭不經不覺玩得太多，今次又唔係咩新事物，又係一支標準鏡頭，不過今次係由 28mm 起跑，似鍾係舊玩物，好難用現今 24mm 起來做個比較，不過網上方間都有好多人用新鏡 (ZA) 同舊鏡 (G) 來做對比，邊支先合你心水，有錢話事啦。 講 真你問我鍾意咩焦距最好，我都係話用定焦最好，不過係一 D 人多場合影相，唔好理佢 2470 又好 2870 都好，定係最終只用天涯鏡都好，一支標準變焦真係只會用得來方便，就係咁簡單，有時鏡呢 D 野真係幾蝦人用，或者叫睇場合用咩鏡，等同睇餸食飯啦，唔知你地又會點選擇呢？ 2 870G 因合焦時間相對長，而又有另其一個別名叫做"慢豬" (合焦慢G鏡)，其實大家都可能以經聽過，不過只係一個名而以，佢最壞處就係成日比人話由 28-70mm 全焦距全開光圈都會走焦或影相會 Fog，其實我真係要親身試過先知真定假，不過可以很定的係，好多人都話一定要先用內建調焦，我自己就調整為 -5 就以經正常哂，由 28-50mm 全開以經 Shanp，而到 70mm 就只係輕鬆 Fog，有人覺得 70/2.8 使用時柔一點影人像係最好不過，真係唔知點睇啦，但要操控呢支鏡有時真係都唔易，因為佢有好獨特兩面用法。 用 過 28-135、24-105、35-105、24-70，到而家 28-70，真係一支不如一支，其實因為都係成像問題而再決定，不過又要輕便又要好，有份量又價值不非，針無兩頭利，要好點都要負出小小代價，天秤所以永遠有高低之分： *28-135 外影 OK，但一入室內等同天變 *24-105 外影色水接受，室內正常，但要成像好就要不停收光圈 *35-105 又係一支幾蝦人用鏡頭 *24-70 唔洗講，最正一支，內外全收，貴同有份量 *28-70 又係怪鏡一支，色水美能達，可其用又不用，24-70 半價左右八成功力，仲想點 C arl Zeiss 為 Sony 打造左支 2470ZA，而上一代 Minolta 時代就打造左支 2870G，網上以經好多人做過兩支鏡頭比較，只可以話各有各好，各有各特色 / 色彩，各有長 / 短處，只可以話 50/50 平手，大家最後又會點決擇呢，我今次就要親身試下呢支 G 鏡，對焦唔係算快，不過內變焦、內對焦系統就唔會再令鏡身拉長變短 (而 ZA 果支 ZOOM 時就會...

不 經不覺原來都走向 Sony 近六個年頭，影相除左係個人興趣／同樂趣之外，就係比器材玩的倒轉人生時期，因為科技只會向前而不會後退，人大左，慾望同樣自然多。 好 多人都只會話呢樣貴果樣貴，係今時今日物價指數咩都高事後，食個甜品都要四五十蚊上落，個同樣不少人都愛不停口，今年不知從那來的，除了 300/2.8G，仲有 200/4G M，這是每個人都同樣想品嚐的，但只是吃不到的葡萄是酸的，第一次試玩呢支所謂甜品，唔知點解無咩網站介紹，不過真係好少見，佢真身真係好正，就算網上見佢的相或照片都唔多，介紹就真係無幾可。 M acro 都叫玩過各品牌 30mm / 50mm / 90mm / 100mm & 105mm 各焦距，不過好明的係，一支難用過一支，而 100mm 以上 TELE MACRO 就未試過，今次都係第一次試玩，大家可能覺得會重同更難用，不過我無意見了。 仲 有只找到佢話似 COPY Nikon 同樣 200/4 Macro 設計，真假我就唔知，不過 Nikon 支 200/4 Macro 全新都係9.5K 左右，但係 SONY / MINOLTA 版雖然係複製版，但係因為以經無再比 SONY 重新推出市面，搞到炒價炒到飛天，唔知而家兩支 Nikon 價錢買唔買到呢？不過點都好，用家只會買來用，玩家只會買來玩，而收藏家只會買來收藏，不過係香港我都聽講有師兄有，都見過佢貼相，真係想死，以而家咁個天價，真係唔知幾多人想有或會試下咁。 2 00G 可以話又可以人像，又可以虫蟲，一鏡兩用其實都唔錯吖，不過佢成色又如何，真係要一試至知。 簡單回憶一下以前拍攝過的相 視角 (對角) 12.3° 鏡片組 8組13片 光圈葉片數 9 最大光圈 f/4 最小光圈 f/32 最近對焦距離 (米) 0.5米 放大倍率 1x 濾光鏡尺寸(毫米) 72毫米 鏡長 x 最大直徑 (毫米) 195 x 79毫米 重量(克) 1140克 附註： *內對焦系統 *對焦保持按鈕 *對焦範圍限制 *可拆卸的三腳架接環 *Minolta AF 200mm f/4 Macro APO G (已停產)   Minolta AF 200mm f/4 Macro APO G 2026年新增 200MG ...

標 準鏡頭其實要如何選擇，係 SONY 品牌之中真係無幾多支可以選擇，一係好入門，一係就玩到最高級 CARL ZEISS 鏡頭，不過因為13年浪費左大量金錢，好多野都做唔到 (錢作怪)，所以只好慢慢重新等收成，而方間都仲有兩支平價同兩支中價左右鏡頭選擇，但係邊支叫好，咁就要自己衡量啦，因為我覺得每一支鏡頭都會有本身好/壞之處，就如之前點解我都一直 KEEP SAL1855 SAM，要如何使用才能有最佳成像。 有 時真係一定要留返一支半支鏡頭來做後備，因為當你想用時要用就無得用，真係都幾煩下，但係唔常用我都唔會再打算一步到位，真係有心無力，錢多當然唔係一個問題，如果唔係都係要左計右計。 如 果大家心水清，仲以為係咩好野，其實只係一般貨色，或許大家都會問我，點解唔入 28105 or 28135 這兩支鏡頭，可能你會覺得我係到浪費時間，但我每選擇都會有其一點原因才會使用吧，呢支唔可以話算平，但又唔係話貴，等我得閒試下，等大家睇下作品又比下意見我，等我可以死心，到時再玩下支 CARL ZEISS 24-70 吧。 我 以經多年沒有用 CANON，係 C 家當中都有一支 24105L，不過佢二手價錢就真係高過 Minolta / Sony 一倍或有多，如果真係要用來相比，如果覺得差都唔出其，有句說話叫做一分錢一貨，明白了嗎，但如果大家睇完又覺得值的話，咁 C 家的就真係加上 L 而買貴不少了。 如 果大家上網找找呢支鏡，其實呢支鏡變型都好明顥，接唔受到就真係好睇你個人啦，仲有似鍾都係新 KM 時代，色水唔算太合我心意，不過就係因為由於就係新鏡關係多了支援 D (ADI)，其實對於我唔識玩閃真係方便了不少，最後就係用 S 真係好多選擇，好似 SONY、MINOLTA、ZA、SIGMA、TOKINA、SAM、TAMROM，等都有唔少選擇，不過大家各有愛好，去選擇自己的吧！ 簡單回憶一下以前拍攝過的相 視角 (對角) 23°-84° 鏡片組 11組12片 (非球面鏡片) 光圈葉片數 7 (圓形光圈) 最大光圈 f/3.5-4.5 最小光圈 f/22-27 最近對焦距離 (米) 0.5米 放大倍率 0.18x 濾光鏡尺寸(毫米) 62毫米 鏡長 x 最大直徑 (毫米) 71 x 69毫米 重量(克) 395克 花型遮光罩 ...

留 得青山在，只怕無錢洗，做人真係唔知為咩，不過有錢真係留身好，成日都好想玩呢支輕身鏡，而 SONY 無得選擇，所以只好找回 MINOLTA 鏡，呢支鏡如果同 CANON 200/2.8L 相比，唔知會點呢，不過相只可以網上找，因為我都唔係 CANON 用家好多年囉。 又 係一支超過 20 年鏡頭，真係唔可以睇小佢，點解咁講，除 70200G 之外，呢支真係快靚正，不過價錢就... 覺得好咪比囉，今次又係一支鏡有三代版本，要點分，網上都找到不少佢相關資料，簡單咁分別一下啦，唔識朋友會覺得煩，不過第幾版都好，都一樣咁正。 1986年出產： 第一個版本 - 紅AF字樣 (標準的自動對焦,沒有自動對焦停止按鈕) 1988年出產： 第二個版本 - 紅AF字樣 (加入 HS (HIGH-SPEED意思) 快速的自動對焦、有對焦鎖按鈕、遮光罩貼上貼子) 1989年出產： 第三個版本 - 白AF字樣 (同期最後加上 APO HS G 為最後期版本) 不 過第二版同第三版只係分 AF 字樣，不過咩版又好、點改都好，外表簡單一睇無對焦鎖按鈕就是第一版，有對焦鎖按鈕的就係新版囉，不過唔理佢呢支鏡有幾多個版本都好，三代鏡頭都係共同特點：就係光學設計沒有任何改變，只有外觀，新版就改左快速的對焦齒輪和新的 IC ROM。 呢 支鏡真係花臣多多，我係網上試過找到一些資質，唔知大家又有無會去留意一下，MINOLTA 第一版都有 HS 版本 (真定假呀)，係 MINOLTA 原廠把內部對焦齒輪換左 (再係遮光罩貼上HS貼子)，但相反新版都有慢對焦版本(我見過2次)，有時大家見到網上有人放新版，但係遮光罩上又無HS貼子 (唔係除去)，可能就是這慢對焦版本，仲有就係要分就是紅/白 AF 字樣，只有最後期第三個版本才是白 AF 字樣，仲有就無對焦鎖 MINOLTA 金牌係係鏡左邊，而有對焦鎖 MINOLTA 金牌就係右邊，唔知大家又有無留意呢。 講 真都成廿幾年鏡，不過寶刀未老，我還未有能力發揮其最佳表現，不過如果當用上係 FF 機之上，我相信會有更佳對焦速度同景深，因為似鍾係 FF 鏡，不過如果用上係 APS-C 上又可作另一用途，就係長炮 SNAPSHOT 啦，輕便加上對焦快 TELE 最佳不二之選。 簡單回憶一下以前拍攝過的相 視角 (對角) 12...

M inolta 35G 都唔算話太常見，但 RS 就更難找，有機緣貴一貴真的要反一反，不過何機何時了，有錢不如上 FF，因為唔洗等，但當有果時你就身痕但無錢，真係都幾煩下，因為全因錢作怪，如有我都會反一支來收藏也好，但有幾多人會真的去浪費時間影相，我係其中一個，不過係無學識同自學之下，就算只係拿起 DC 按按快門我都一樣快樂，係每個假期我都會外出走走，SNAPSHOT、人像、風景、亂拍都以經成為我假日過日子的玩意。 M inolta 係 Sony 前身大家都知，不過當年真的不太會去了解 Minolta，直至 Sony 品牌效應吧，才一一再次由零開始，今次又係一支 35mm 定焦鏡頭，如果大家還記得的話，我都以經上過手，有咩唔同，可以只話外表不一，但內裡相同的第二代鏡頭，我上手玩玩第一感覺其給引外表，而作品在相同相機使用之中，色水明顯有點不同，不會再偏多冷，這就是我第一種感覺，而其表現都很難發揮得好，可能色調不同而影響我睇相能力，仲有你唔好問我什麼色邊紫邊，就算 35L 同樣全在，財力可帶回家，但能力要如何發揮才是一個問題。 3 5mm 似鍾係要用在 FF 上才能發揮其表現，但可惜我現在財才還無能為力，所以只好乖乖一直使用 APS-C 系統，但經過半年時間，原來 35mm 係我器才之中，使用率都幾高下，如果我真的上了 FF，我諗佢會成為我相機鏡頭蓋了。 簡單回憶一下以前拍攝過的相 視角 (對角) 63°4" 鏡片組 8組10片 (9片圆形光圈) 光圈葉片數 9 最小光圈 f/22 最近對焦距離 (米) 0.3米 放大倍率 0.2x 濾光鏡尺寸(毫米) 55毫米 鏡長 x 最大直徑 (毫米) 76 x 76毫米 重量(克) 490克 對焦系統 RF後對焦 遮光罩 連花型 附註 (G)： *光圈葉片為九片圓形光圈 *一重點保持按鈕 (1 focus hold button) *使用浮動鏡片設計 *Minolta AF 35mm f1.4 G RS (已停產) 重新設計的 RS 版鏡頭分別： *鏡頭上的自動對焦鎖 *圓形光圈可達 f/5.6 2026年新增  35G RS 相簿 ( 實拍圖片連結 )   All Photo Copyright 2012, Alex Ch...

有 心玩鏡、無心攝影，以前經常外出拍風景，呢數年來好像以經少了又少，有意買物但無意得物，對上次玩過支 35/1.4G 後，真係無咩挑剔，玩開又玩，但唔知有多少人用過 Minolta 35/2，因為 Sony 沒有重出過，而 Minolta F2 家族系列中唯一有相同焦段鏡頭。 其 實 Canon 都有支 35/2 相同焦距鏡鏡頭，我就唔知光學係唔係一樣，不過我自己睇就色水有少少唔同， 或者係我個 MON 問題吧，EF 係市場上都係一值有新貨，相比鍾情 Monilta 影友就無咁好福份，因為一來生產少，二來當年就算平而家都以經炒到天花龍鳳，真係有心買來用家都會停一停、諗一諗，但佢又唔捨得直上 35/1.4G、由如完全同 Canon 35/1.4L 過萬一樣，但值得嗎? 價值在你心中！ S ony 接手後有 35/1.4G，35/2 可能完全給 DT 35/1.8 取代，不過我相信不會，因為這小廣角標準鏡頭設計是不同的，DT 35/1.8 是為 APS 設計的標準鏡頭，而 35/2 是 FF 可使用的鏡頭，不過有人說 35/2 銳利度會比 35/1.4G 好，這就不得而知，所以都係要用家去親身試過才知，由因 35/2 流通極量少 (２手市場都很小見)，所以好多時都係去看看鏡頭的測試網站吧。 這 焦距 35mm f2 有兩支，第一支就係 35/2 囉，即經常都聽到 OLD (舊版)，出產於1987年，而第二支就叫做 35/2 RS，光圈改動更新鏡頭版，RS 又名為 NEW (新版)，出產於1999年，由於 NEW 版比 OLD 版產量更少，好多時 NEW 版就算２手價都比 OLD 版來得貴，某種程度來說，物以稀為貴，有錢你又會否心思思咁呢。 簡單回憶一下以前拍攝過的相 視角 (對角) 63°4" 鏡片組 6組7片 光圈葉片數 7 (圓形光圈葉) 最小光圈 f/22 最近對焦距離 (米) 0.3米 放大倍率 0.17x 濾光鏡尺寸(毫米) 55毫米 鏡長 x 最大直徑 (毫米) 48 x 54毫米 重量(克) 240克 遮光罩 連花型 Minolta AF 35mm f/2 RS All Photo Copyright 2012, Alex Chen **re-SIZE 原相直出 ...

M inolta 系統的鏡頭之中，有四支名為怪鏡，3x~1x、100 SOFT、135 STF、500 RF，而今次係當中其中一支，就是 135 STF，135mm 係我有生之中，只用過 Canon 135L、135ZA、CZJ 135 這三支定焦鏡頭，無話邊支特定好，不過 135L 同 135ZA 係有 AF 的，而今次講下就除左舊東德菜 (CJZ) 係 MF 外，第二支 MF 就係原裝 Minolta 時期 135 STF，其實係咩東東我都係第一次見，朋友有之外但未見過佢帶過比我玩過，不過今次有機會試用這支不明來歷鏡頭，真係就算手動都要試下，而 STF 係 f/2.8 大家都知，但其後 T4.5 又係有咩意思？ 呢 支鏡好詭異，就係有 AF 接環但只提供 MF (手動對焦) 的鏡頭，而看看鏡內就可看到真正擁有兩個光圈鏡頭 (一般鏡頭只有一個光圈)，而 Minolta STF 鏡身上標明 STF 的全名就是 Smooth Trans Focus，STF 意義是提供完美的景深 (叫散景/Boken)，轉動[T]環 (可調整 T4.5~6.7)，呢支鏡有兩個光圈？原先的光圈是由十枚葉片組成的圓形光圈，散景為 f/2.8，而[T]光圈值才表示光圈 (但擁有 f/2.8 通光亮) ，其實一句到尾呢支 STF 就是以「散景」而生。 S TF 詭異有5個電子接點，不支援ADI，不支援自動對焦，亦不支援合焦顯示，用起上來會否難用呢？真是一個迷，不過當年要15萬日幣，而家都以經又上返天價，睇完實拍覺得值的話就買來用吧 (不過現今有 SONY 版唔洗咁貴)，覺得值唔值真係好個人想法，不過有句話：千金難買心頭好 (有時係有錢未必買得到)。 有 人睇相愛睇色，有人睇相愛感覺，但有人睇相愛睇景深，真係無其不有，之不過你係邊一種人都好，好多時睇人家的相總會比自己影得更好，呢個唔知咩道理，不過，如果有相同器材而沒有一個共通觀點，大家有時會好難有哄鳴，一支鏡如果比人講到天花龍風，佢身價必會攀升，就好似 Minolta RF 250 咁，現今都以經近過萬，如果值就當然唔洗諗，所以價值觀係你個心到，器材係幫了我一個好大忙，因為係我腦海/思想之中，景深係要用錢買回來，但。。。要發揮一支鏡頭功力、相片質素、相機設定、這就是錢不能買回來的。 簡單回憶一下以前拍攝過的相 視角 ...