「花語尋『香』- 細味城市特色」攝影比賽 (香港花卉展覽2026)

一年好快又一年，唔覺唔覺花展咁快又一年，上年事情太多，有啲仲係過程之中仲未完事，今年26年開始做返一份工，免得煩人，有時都係一件好事，自己再重新安排過啲時間，有時一星期可以放返3日出來做其它嘢，好似影相咁。

今年天氣真係太好，仲熱到冇朋友，不過總好過毛毛雨又怕相機鏡頭出事，所以都係一件好事，由於天氣太好，加上好耐都冇出過一身臭汗，呢個感覺真係好正。

同上年一樣有時間就去玩吓，我都冇咩技術啦，只係拍拍拍，咁又一個活動，上年報名費用$60元，今年又加3元，真係咩都加咩都加咩都加，只有人工冇得加，如果可以安安穩穩咁就最好，不過今年大會最遲15:45分先放哂人流，遲開始，但又足一小時，我最後果張係16:50，真係超時啦。

今年唔知藝人係咩名，所以相未有咁快可以出到，如果識或知到藝名希望可以話過我知，等我加返名上去...

COPYRIGHT 2026, ALEX CHEN
PHOTOGRAPHER, ALEX CHEN
DATE 2026/03/19

LOCAL VICTORIA PARK
TAG：香港花卉展覽 2026, 花語尋『香』, 細味城市特色, 攝影比賽, 維多利亞公園, 花展
TVB：李尹嫣、楊梓瑤、黃泳嘉、梁超怡、李君妍、李海銅、吳芷靖、鐘翠詩、莫凡、蔡華英

圖片上傳完成...

Photo is Uploaded Finish...

睇完可以大家留言交流一下

>>> 人像超連結 <<<

TAG.： TVB, 女像. 香港花卉展覽, 2025, 花語尋『香』, 細味城市特色, 攝影比賽, 維多利亞公園, 花展, 李尹嫣, 楊梓瑤, 黃泳嘉, 梁超怡, 李君妍, 李海銅, 吳芷靖, 鐘翠詩, 莫凡, 蔡華英

留言

此網誌的熱門文章

SEGA MODEL 3 街機遊戲 - SpikeOut (First Version & Final Edition)

S pike Out 模擬器以出現很久，但係無人知係唔係完美？日前經舊同學來一來個信息，話想當年街機動作遊戲 SpikeOut 模擬器終於出現，等我鬼咁高興即刻下載來試下玩，點知搞來搞去都唔掂，心情由 HIGH HIGH 即刻 DOWN 哂，唔好話我 COPY 人地內容，當年學生時代真係成日偷偷落機舖打機，KOF97~KOF2000 (拳皇97~2000)，仲有一隻經驗玩就係呢隻 SpikeOut 動作遊戲，而家諗返當年真係交唔小學費係呢隻 Games 身上 ($10生命只玩得一次)，可想而知真係洗唔小錢，交過學費日子有功，$10可以坐上成個鐘或以上。 S EGA 設計的 MODEL3 系統系統要求高水準的品質，影像水平輸出方式為 24Khz，MODEL3 本身並沒有 JAMMA 介面，「大型電玩」系統中還用到了 3.3V 的電壓，可想而知當年 SEGA MODEL3 系統有幾大食。個人建議桌上電腦 (PC) 要求： WIINDOWS (XP / 7 / 8.1) - (x86 或 x64) CUP 所有 I 系列 (I3 / I5 / I7 中央處理器) DISPLAY (GT-630 1GB DD3 或更高校能顯示卡) RAM (4GB 記憶體或以上) 講真我自己心有不甘都搞左幾日，點解點解我會玩唔到，網上又無人講個電腦最基本要求係咩，搞到我心思思搞多啲，其實 SpikeOut 真係經典中經典，咩新 Games 可以唔玩，但係 SpikeOut 就真係唔可以唔玩。 SpikeOut 模擬器 (supermodel3 0.2a + UIR 0.3a) 大家要先有 SpikeOut 本身 ROMs，如果無就上網找找，其實有兩個版本，第一個版本係 First Version 、第二個版本就係 Final Edition 。（簡介：1999 年推出的 SpikeOut Final Edition，為 98 年 SEGA MODLE3 底板街機作品 SpikeOut Digital Battle Online 的最終修定版，FE 除了改良了不少舊版的bug，還加插了幾條新路線及 SHIP YARD 一大關，連招上也更得心應手。）當大家有左遊戲 ROMs 檔後，就要找一個 Supermodel3 Emulator (模擬器)，我自...

飛牛 fnOS (自建網路儲存伺服器 NAS)

呢期月尾電腦展，我都以經好多年無去過，因為冇咩特別雖要去買，但係成日見分享呢個點平果個點平，呢啲節日又做特價咁，而上星期休息無聊係枱底囉返部N年前舊電腦出來，第一部開到機可能舊 (2012年)，過一陣就着唔返，搞唔到轉頭就電子垃圾，再係枱底囉第二部出來 (仲舊)，係當年2手買返來本來放係廳用，因為 2022 換左自己部主機，上一部就換返放左係廳用，而再次多一部電子垃圾，咁舊同慢真係唔知有咩好用。係淘X見到 NAS 都要幾百蚊，雖然機身唔大，但幾百蚊果啲又話冇呢樣冇果樣，搞得來又要咁多線，不過細心一諗，可以試吓用電子垃圾加隻 500GB HDD (仲要用唔到 USB 開機)，又要燒 DVD 來安裝，真係唔知幾多年冇玩過裝新系統，問題係又要燒碟＞安裝＞設定等花上大量時間，差唔多等同以前安裝完 Windows 後再更新幾個鐘咁上下，好彩到最後都成功安裝，一心只諗住用下"相簿"同"影視"。私網 NAS 網上相簿，要出公網先可以係街到分享到比人，搞來搞去得個吉，又要設路由器又要設 DDNS，睇左好多介紹同點設定，開頭都只係做到 50/50，即係一時得一時又唔到，可能我同時用更兩隻路由器關係，TP-LINK 真係好簡單開個 DDNS 打返個 PORT 位就得，而 ASUS 就點搞都出唔到街。我用咗咩舊電子垃圾，E6550@2.3GHz (2008年出品)，4GB Ram，好彩個 DVD 仲用到，當年以經有 1GB LAN，自己再加返隻 500GB HDD，唔好講咁多，開始開工安裝飛牛 fnOS NAS 系統。係我下載返來時，版本係 v0.9.21@2.13GB，因為本身有自家 APP，可以好簡單咁用返個 APP 就直接話控制，或者用返本身個播放器睇電影咁，係街就睇返自己屋企內部影片，唔伯冇嘢睇，只怕你冇數據。不過我冇諗到係，原來佢仲可以直接網上更新系統至最新版本，出文之前我以經更新咗 v0.9.22。雖然係國內系統，你可能問我會唔會好唔安全，講真就算買其它港版大品牌都成日話出好多問題，其實咪又係一樣，我又唔係放重要文件，都係有時想分享一下啲相呀，文件等等，有自家 NAS 就真係方便好多，就算你估放咗上雲端又好安全咩，咪又係人地個伺服器，你刪除後知唔知佢有冇留渣係到咁咪又係一樣唔知，不過我試過有啲上傳咗分享...

老舊光碟/燒碟機 (CD-RW / DVD-RW) + 燒錄軟件

曾幾何時，燒碟係其中一個樂趣，由CD-RW、DVD-RW，當年真係燒咗唔少錢，燒碟機都買過唔少部，不過而家嘅電腦用 USB手指真係平過當年所有燒錢機，因為燒碟始終都係一次性，但係手指就可以不停重複咁用，講實惠方便真係追唔上時代潮流。而家都2025年，係哩個年代我都冇惗住係櫃桶底抄返部燒碟機同啲CD-R出來，係我印象之中我都仲有過百隻吉碟，當然當中都仲有少部份係DVD。因為今年有啲特別事又要燒碟，但由於以經一早更新新咗 Win11，所有好多老舊版本軟件都用唔返，記得當年一直最好用就係 Nero (6.6.1.4)，軟件細又安裝快，簡單又易上手，不過到今時今日電腦原來以經唔支援，以經用唔返，為有只好再努力做下功課去搵一個比軟新版本，而今次搵到Nero Burning ROM 2021 (23.0.1.20)，顧名思義都係2021年所出，不過係 Win11 嘅64BIT系下運行完全冇問題，但檔案大少由當年34MB一下增加到208MB。不過而家都25年，你諗下仲有幾多人會用燒碟機，其實我自己都唔知幾耐冇再用過燒碟機，不過由櫃桶底攞翻出來睇一睇原來部機都15年前，雖然好新淨加少少灰塵，其實心惗都唔知仲用唔用到，始終都唔知自己擺咗幾多年，不過佢都好叻叻正常幫我燒咗8隻 CD-R，雖然每隻得2~5MB 檔案，但係對我來講佢幫咗我就係幫咗我。 TAG.: 光碟機, 燒碟機, CD-R, CD-RW, DVD-R, DVD-RW, Nero, Burning, ROM, Express, 2021, 23.0.1.20, 燒錄軟體

ALEX.C〔攝影．玩物．淘樂〕

搜尋此網誌