ALEX.C〔攝影．玩物．淘樂〕

N EX 又出相，放左好多個日子都好少用的 CZJ，因為只係 MF 關係，唔算太方便但很愛的一支鏡頭，諗住下雨可以影下行雨，點知只係天陰陰又落唔出，不過當東德 ZEISS 加上 NEX 會出左咩發色咁呢，手動對焦未百發百中，但 Carl Zeiss 品味唔知大家又會否同樣愛上。 唔 理 AF/MF，影到好相就係你叻，器材先決又好，作品後製都好，大家好多時都只為愛一張“靚相＂，但有時味道呢家野就真係好難作準如何是好，有人愛味精、也有人愛淡淡風格，有人鍾意高對比，也有人鍾意淡淡色彩同一道理，所以作品無話有一定規律，做到構圖、采光出色、有主題才算是好作品，這是一個品藝的人。 但 手動對焦每每都會給我一點時間、一點想像，因為每一下快門可以好簡單地按下，但出來的畫像就難以想像，先不要理 F 值，但構圖和對焦要先理會，還有就係快門決定，一張相就是如此想像出來的，用手動鏡雖然係好煩，好浪費時間，但對我來講係好玩，因為好與不好，我都用了一點心機去拍。 CZJ 最後成品，一些簡單設定，最後如此得來會是如下作品！ ALL COPYRIGHT 2012, ALEX CHEN 註：原相直出，不經後期收改 TAG.: Sony, NEX, 7, CARL ZEISS, JENA, 35mm, MF

咁 又一個假期，天氣又係成日都唔係幾好，不過今日天陰陰又見無落雨，獨自一人又再去香公行下，可能昨日落完大雨，無咩好影囉，雀、蜻蜓都好少，又無咩花影，荷花又未有，行下坐下咁就大半日，都好吖，放鬆心情又一天。 今 日再用下部 NEX 隨拍一下，上次試過加支 ZA 玩，今次就加支 STF，不過因為要手動對焦關係無用支 ZA 咁爽，但拍攝過程真係好難估計有咩作品會出到，因為支 STF 光圈只唔算大，天陰陰無防震要用上 ISO400-1600 先有安全快門，不過天陰係一支所謂好鏡頭色彩發揮，但我用細機同手動鏡影相真係慢好多好多，下下都要睇完位先慢慢對焦再慢慢按下快門，今天用了五小時拍攝，雖然影得唔多，但係呢個玩法又有另一種樂趣。 N EX 7 的 2400 萬像數，成像又真係唔睇得少，但網上很多人都話佢 CCD 成像一般 (同 A77 相同)，成像我都知佢唔係 A850/900 級數，不過講真我係接受，要有更好的你又唔俾錢去買，有時真係好難做，價錢作怪姐，唔鍾意 SONY 不如直接玩 NIKON D4 或 CANON 1Ds 啦，唔好成日係到吹呢樣唔好果樣唔好，倒不如影多 D 作品分享下仲好啦，影相無分門派，作品只由心裡欣賞。 有 朋友話用 NEX 拍夜景影像唔多好，好～～　等我找一天得閒去試下手持拍攝夜景睇下係機問題吖、定係鏡頭影響吧！ 個人品評： NEX 無防震功能，下下都要安全快門真係為有用 ISO 保救，不過呢支 STF 用起上來都真係唔易，怕手震影響，怕對唔到焦，如果真係心急小小都死，但用上手有另一種樂趣，就係可以把所手時間都慢慢咁過，因為咩都要慢慢來，如果有機會我想用佢來試下影一輯人像作品。 ALL COPYRIGHT 2012, ALEX CHEN 註：原相 (E沖C) @ 銳化 +1 TAG.: SONY, NEX, 7, 135, STF, 假日行公園, E沖C

姣 婆似鍾係守唔到寡，呢句我一向都明白，因為好明顯我自己都係其中一份子，呢兩個星期來天氣都唔係咁好，唔係雷聲大雨點小就無啦啦落個大雨，都唔知想點，不過天氣就都仲係咁熱，唔係俾雨淋濕就係出汗出到全身一樣濕，都好似無咩分別咁。 第 一次用 NEX-7 落街 SNAPSHOT 都唔習慣，不過相片都唔算有咩特別 (果然唔同人用會有唔同分別)，Ｄ人成日都講買器材就自自然送技術，我係一直都相信，但係如何才能發揮到最好呢，我要先完全了解相機使用 & 設定先得，唔係的話真覺得浪費了，不過又係果句，時間姐，我諗我都可以掛，雖然 A99 全片幅 (FF) 很快全同大見面，但係我要玩 NEX 其實心裡係有掙扎，不過點都好返咗來咪玩下囉。 今 次加支 CARL ZEISS 鏡影下相，不過事先說明，我呢個唔係咩試機試鏡，只係我上手隨拍而以，Carl Zeiss 24/1.8 或 135/1.8 我相信只要大家上網找找就有很多試鏡文章，不過今日我就唔係用 24/1.8，而係用上 135/1.8，當鏡頭插上 NEX，感覺都幾人細鬼大，而今早未六點太陽就升起來，點知七點天文台就發出雷暴警告，仲落到倒水咁，一心諗住今日又白白咁過，食完個早餐又開始天晴，好。。。　去吧... 個人品評： NEX 無左機身防震功能，真係好唔方便，下下都要安全快門，不過當135/1.8ZA用起上來，對焦真係感覺快、狠、準 (手震隨外)，真係唔用唔知咩叫正，仲有就係 NEX-7 就算用 MF 對焦都好用 (可惜我唔識LOCK死做MF)，電子雖然無光學咁好睇，但勝在就係電子科技，就算 NEX 用上 MF (手動對焦) 鏡都很方便。 ALL COPYRIGHT 2012, ALEX CHEN 註：原相直出，不經後期收改 BB 人像 則光單車 TAG.: Sony, NEX, 7, CARL ZEISS, Sonner, T*