鏡頭拍攝作品分享 ©ALEX CHEN

舊相相簿重貼，以前多數都單張單張咁分享貼下相，不過時間真係轉眼即逝，原來我係由 2002年開始慢慢真正所謂接觸攝影，初頭都係相識一班攝影朋友講解而接觸單反開始，當年由 Canon 20D 入門，又聽用單反人介紹鏡頭，平價 50/1.8 II 入手，再慢慢一步一步升級咁。

由於新手入門頭幾年都係一直人像為主，邊影邊學，幾年時間後都識到幾個傾得來，有時都會約下吹水影相，不過本身朋友原來以前一直都有玩影相，再加上朋友跟朋友上關係都對攝影有相同興趣，就由這刻開始毒了我一身，當時 FF 對我來講實在太貴，講咩係 APS-C 同 FF 的分別，加上各大品牌都有自家色彩愛好，Sony Carl Zeiss 聞名而起，但在一場攝影當中極少數人用上 Minolta 相機，傾得來的每次都會攝後分享，坐底吹水睇相等等。

由 Sony 收購 Minolta 的過度期，一支一支 A-mount 鏡頭重新出廠，但複製都只係表面，真正靈魂就完全做唔出，Sony 色水走路線係自家，數碼現代感，後期試水溫再出部 E-mount，經過十幾年時間你而家會真係覺得 Sony 好成功，但就白白把 Sony / Minolta A-mount 打死再放棄而唔再更新。

Minolta 排不上名氣，但靈魂仲係到，Sony 要復刻都係由 A100 到 A900 時代，最後再由 SLT A99II 收尾，確實有點可惜，但唔放棄就唔會有現在最新電子相機 A7M5 / A7R6，經過5代 / 6代不停更新向前，加上一直都有萬能插蘇稱號，真係你有錢就咩事都可能會發生。

鏡頭係靈魂，機身係外殼，轉接環係交流工具，三合一就係一部意想不到相機，E-mount 鏡以經好成熟，各個焦距都以經追上，仲加上最新 28-70mm & 50-150mm F2 系列，有錢都好難會玩返轉頭，自家 G Master 高級組合，但各人有各人愛好，總有品牌忠粉，但我就由用咗 Canon 7年轉咗 Sony 會一直到現在。

以前都係以"面書"、"網上相簿" 或 "討論區" 分享，不過有好多連結都死哂，咁用自己少少最後資源來儲存，睇相唔洗下下一張一張咁開，相簿就係有咁好處，方便回憶過去。

都係要放假先得閒睇返啲舊相，不過睇返真係好多都好有回味，同朋友外出拍攝，心情同喜悅感係由心而出，不過有啲要走都走了，或有啲人有了家庭都放棄攝影，朋友少了自自然然動力都會除時間慢慢減少，體力都都相對下降。

以前都試過唔少鏡頭，但好多都以經放售咗出去，所以太舊相我都會唔點重整，以下係鏡頭實拍分享，舊相太多，我自己覺得可以分享都上傳相對而鏡頭分類，唔知你會鍾意邊一啲，可以留一下交流心得，講出你所講法。

最後，真正識我朋友都知我唔係好識執相，可能光暗加加少少對比就係咁上下，好相先決從來都係先要有一張拍得好原相。

除咗 35G 同 200MG 有最新 2026 拍攝其它重整後見得人我自己就睇到2010年，2011年打後等我有時間先再睇下有咩好相值得再更新。

以下是以過去使用鏡頭分類，實打實拍作品：

2026/7/11 新增 MINOLTA 35mm & 200mm Macro 相簿分類

2026/7/12 新增 CZJ MC / Sonner T* 135ZA 相簿

2026/7/13 新增 SONY (SAL) 相簿

2026/7/15 新增 CANON 相簿

2026/7/18 新增 SIGMA 相簿

2026/7/25 新增 MINOLTA 24mm 相簿

2026/7/25 新增 MINOLTA 50mm Macro 相簿

2026/7/25 新增 Tokina & Tamron @ Konica Minolta Lens 相簿

2026/7/28 相簿完成更新2010年

2026/8/02 相簿完成更新2011年

• Sigma AF Lens (相簿超連結) (2005~2008, 整理中)
• Sony DT (SAL) Lens (相簿超連結) (更新)
• Canon EF & EF-S Lens (相簿超連結) (2004~2009, FDn is comming)
• Carl Zeiss Jena MC Lens (相簿超連結) (整理中)
• Tokina & Tamron @ Konica Minolta Lens (相簿超連結) (更新)
• Minolta AF 24mm f/2.8 (相簿超連結) (整理中)
• Minolta AF 35mm f/1.4 x G RS (相簿超連結) (整理中)
• Minolta AF 50mm f/3.5 Macro (相簿超連結) (整理中)
• Sony Sonner T* 135mm f/1.8 ZA (相簿超連結) (更新)
• Minolta 135mm f/2.8 [T4.5] STF (相簿超連結) (整理中)
• Minolta AF 200mm f/2.8 G HS APO (相簿超連結) (整理中)
• Minolta AF 200mm f/4 Macro APO G (相簿超連結) (整理中)
• Minolta AF 400mm f/4.5 HS APO G (相簿超連結) (更新)
• Minolta AF 70-200mm f/2.8 G D APO SSM (相簿超連結) (整理中)
• Minolta AF 80-200mm f/2.8 APO (相簿超連結) (更新)

* 舊荷花作品有啲都出過攝影雜誌，我都同樣放出來分享。

* 影樓女像作品同樣出過攝影雜誌，一一分享。

* 照片不是全清晰，原味就是這樣。

* 如果想分享本人 ALEX CHEN 作品請講明出處，唔好偷相當自己用，尊重版權。

TAG.: 相簿實圖分享整合, Sigma, Canon, Minolta, Sony, AF, MF, EF, EF-S, Carl Zeiss, M42, Macro, STF, APO, G, USM, L