ALEX.C〔攝影．玩物．淘樂〕

舊 相相簿重貼，以前多數都單張單張咁分享貼下相，不過時間真係轉眼即逝，原來我係由 2002年開始慢慢真正所謂接觸攝影，初頭都係相識一班攝影朋友講解而接觸單反開始，當年由 Canon 20D 入門，又聽用單反人介紹鏡頭，平價 50/1.8 II 入手，再慢慢一步一步升級咁。 由 於新手入門頭幾年都係一直人像為主，邊影邊學，幾年時間後都識到幾個傾得來，有時都會約下吹水影相，不過本身朋友原來以前一直都有玩影相，再加上朋友跟朋友上關係都對攝影有相同興趣，就由這刻開始毒了我一身，當時 FF 對我來講實在太貴，講咩係 APS-C 同 FF 的分別，加上各大品牌都有自家色彩愛好，Sony Carl Zeiss 聞名而起，但在一場攝影當中極少數人用上 Minolta 相機，傾得來的每次都會攝後分享，坐底吹水睇相等等。 由 Sony 收購 Minolta 的過度期，一支一支 A-mount 鏡頭重新出廠，但複製都只係表面，真正靈魂就完全做唔出，Sony 色水走路線係自家，數碼現代感，後期試水溫再出部 E-mount，經過十幾年時間你而家會真係覺得 Sony 好成功，但就白白把 Sony / Minolta A-mount 打死再放棄而唔再更新。 M inolta 排不上名氣，但靈魂仲係到，Sony 要復刻都係由 A100 到 A900 時代，最後再由 SLT A99II 收尾，確實有點可惜，但唔放棄就唔會有現在最新電子相機 A7M5 / A7R6，經過5代 / 6代不停更新向前，加上一直都有萬能插蘇稱號，真係你有錢就咩事都可能會發生。 鏡 頭係靈魂，機身係外殼，轉接環係交流工具，三合一就係一部意想不到相機，E-mount 鏡以經好成熟，各個焦距都以經追上，仲加上最新 28-70mm & 50-150mm F2 系列，有錢都好難會玩返轉頭，自家 G Master 高級組合，但各人有各人愛好，總有品牌忠粉，但我就由用咗 Canon 7年轉咗 Sony 會一直到現在。 以 前都係以"面書"、"網上相簿" 或 "討論區" 分享，不過有好多連結都死哂，咁用自己少少最後資源來儲存，睇相唔洗下下一張一張咁開，相簿就係有咁好處，方便回憶過去。 都 係要放假先得閒睇返啲舊相，不過睇返真係好多都好有回味，同朋友外出拍攝，心情同喜悅感係...

由 D-SLR 慢慢轉為 SLT，再由 SLT 重組無反，雖然係無心入佢返來，不過都要器材點點重組，其實只係比直口自己大機換細機，都唔係D咩特別野，呢排都無咩點影相，工作忙的關係吧，不過家中個大雪櫃真係無哂位，只好放棄舊器材 (有點貪新忘舊)。 今 次係再度、第三次入支 18-55mm 焦距鏡頭，點算講還第三次？因為經過 CANON EF-s 18-55mm、SONY DT 18-55mm、而今次就係 SONY SEL 18-55mm，我自己行得就新的相對比舊的好，唔知大家又係唔係咁睇啦，我之次用過的 SONY 就比 CANON 好囉，今次就要再一賞 KIT 鏡之味。 一 支 KIT 鏡會比大家大咩體會，價錢平? 成像差? 定還是用過就算呢? 其實好多人都總會留支係身邊，一來價錢最化算，打風落雨用 KIT 鏡必定係首選，因為好多人一係唔影，影果 D 九成九都唔會用最貴鏡頭去同水鬥，你唔好話我話吖啦。 我 又重新初學起，再由 18-55mm 再次隨意亂拍，睇下大家會對一支所謂 KIT 鏡有咩品評，不過係 NEX 系列中，防震技術同 CANON 一樣做係鏡身而不是機身，而家就搞到我用開機身防震轉用 NEX 就成日手震震，真係 Oh My GOD. 簡單回憶一下以前拍攝過的相 視角 (對角) 28°50' - 76° 鏡片組 8組11片、3片非球面鏡片 光圈葉片數 7 光圈 f/3.5-5.6 最小光圈 f/22-32 變焦系統 轉鏡 最近對焦距離 (米) 0.25米 放大倍率 0.3x (1:33.3) 濾光鏡尺寸(毫米) 49毫米 鏡長 x 最大直徑 (毫米) 62 x 60毫米 重量(克) 194克 遮光罩 連花型 附註： *標準變焦鏡頭 *4級OSS (Optical Steady Shot) 防震 Sony E 18-55mm f/3.5-5.6 OSS (Sony SEL1855 OSS) All Photo Copyright 2012, Alex Chen **re-SIZE 原相直出 TAG.: Sony, E, 18-55mm, f/3.5-5.6, OSS, SEL1855, OSS, AF, 實拍, 器材, 攝影

K it 鏡，就是買機組合鏡頭，由玩單反或無反開始，手頭上咩都無就要買 Kit Set 組合相機，因為很多時都唔知咩係好，當用落就會慢慢再去了解一下其它鏡頭分別，我同大家都係一樣，當年都係由 Kit Set 用起，再經朋友慢慢講解同介紹就會知道更多分別，但係就要負出金錢了，很多人都唔會去了解鏡頭特性，不過玩單反好多時都係因為景深影響給引着，為了景深，就會去追求大光圈鏡頭。 當 好多人唔再鐘意 Kit 鏡時，就會先放一邊，或二手出售，如果真係要作比較，我可以話 Sony 支 Kit 會比 Cnaon Kit 鏡好，雖然 Sony 色水偏暖，但有時影落都好有味道，當你覺得光圈不足夠時，就會當作太場鏡 (即有陽光才會使用)。 其 實而家影相好多相機都有內置 FILTER，可用作一點創作，或不用色彩表達，其實真係玩多好多野，最緊要就係平，打風落雨我最經常用的，呢支因為 Kit Set 買入，所以唔好問我點解會有呢支鏡，有都好平常姐，不過除左新手外，真係唔知有幾多會用呢支鏡影相貼相囉。 簡單回憶一下以前拍攝過的相 視角 (對角) 28°50' - 76° 鏡片組 7組8片 光圈葉片數 7 最小光圈 f/22-32 對焦系統 SAM 變焦系統 轉鏡 最近對焦距離 (米) 0.25米 放大倍率 0.34x (1:2.9) 濾光鏡尺寸(毫米) 55毫米 鏡長 x 最大直徑 (毫米) 69.5 x 69毫米 重量(克) 210克 Sony DT 18-55mm f/3.5-5.6 SAM (Sony α SAL1855) All Photo Copyright 2011~2012, Alex Chen **re-SIZE 原相直出 TAG.: Sony, DT, 18-55mm, f/3.5-5.6, SAM, α, SAL1855, 實拍, 器材, 攝影

今 次又返一支原廠 SONY 鏡，點解我今次又買回重覆焦距，其實係因為為左三月份打算而入，因為出外而唔想或不可能帶所有鏡頭，而入多一支又唔平的二手鏡頭，真係有點壓力，其實家中以有一支天涯鏡 18-250mm，不過因為似鍾高變焦問題，過 200mm 打後成像就有小小難道，所以才決定入多支二手 16-105mm。 但 大家唔知重記唔記得我都入過 CANON 支 EF-s 17-85mm，可以又係 DT 關係，都以經好少人見用呢支鏡，或大家對它成像唔理想，玩 CANON 起馬都要有紅邊先叫係鏡，哈～～～但我對它評價就中肯，一支不錯的鏡頭。 呢 支鏡頭可以話係 SONY 第一支天涯鏡，16mm 起頭的鏡真係少之又少，一係就要找其它品牌的鏡頭，但是對 SONY 來說又是一個問題，因為它的接環很難才找到，有的話貨源都有限，不過小弟聽說呢支鏡有少少問題，係咩問題 (我不能直說)，以免找來不必要麻煩，但大家可以嘗試找找吧！ D T 鏡個個都未必＂想用＂或＂試用＂，因為經常聽了別人說成什麼成像又不好等等問題，就算買了回來心理都會有無形壓力，不過老實點說，就算用回 MINOLTA 而不是 DT 鏡，成像一樣未必是最好 (或有可能更差)，似鍾 APS-C 鏡都有佢本身的全在價值，就以最簡單的說，SONY 就有一支 CARL ZEISS (DT) 鏡吧，DT 鏡又如何，我古計都有唔少人用愛用它吧。 簡單回憶一下以前拍攝過的相 視角 (對角) 83°~15° 鏡片組 15組11片 　　***色散鏡片 1 　　***非球面鏡片 玻璃模造 2 光圈葉片數 7 (圓形光圈) 最小光圈 f/22-36 最近對焦距離 (米) 0.4米 放大倍率 0.23x 濾光鏡尺寸(毫米) 62毫米 鏡長 x 最大直徑 (毫米) 72 x 83毫米 重量(克) 470克 距離編碼器 - 有 花形遮光罩 ALC-SH105 Sony DT 16-105mm f/3.5-5.6 (Sony α SAL16105) ALL PHOTO｜DT 16-105 COPYRIGHT 2010, ALEX CHEN (注：原拍相片未經任何收改) TAG.: Sony, DT, 16-105mm, f/3.5-5.6, α, SAL16105...

今 次又來一支 Sony 原廠鏡，不過呢支鏡都算係數一數二質數，但價錢就．．．真係頭痛，呢支係 Carl Zeiss T* 135mm f/1.8，又名大蔡頭，又係我轉來 Sony 的目標之一，因為不經不覺愛上了蔡司鏡，因為有自對焦，所以用呢支鏡影相可以用三個字來形容，新係 (快、靚、正)，用 Auto-Clutch 設計對焦時對焦環不會轉動，超大光圈加上影像非常銳利，0.72米極近對焦，可謂“影人影物”同時愛不釋手。 2009/05/10 第二次更新： 就 係因為 Zeiss 只有 Sony 才有 AF，而家慘啦，我中“屍毒”仲多深過中“Ｌ”毒，又唔我中六合彩喎，頂．．．～～～．．．～～ 今 天天氣唔算話大好，不過都出開去就帶佢出去打下 D 相返來貼，之不過今日好似唔係好上手咁，影咩都好似影得好一般咁，不過近來不停地找其它資料中，可能影響咗小小掛 (咁講姐．邊會嫁)，又或姐係有其它可能，唔好講咁多，睇相啦都係。 簡單回憶一下以前拍攝過的相 視角 (對角) 18° 鏡片組 8組11片 (ED 鏡 2片) 光圈葉片數 9 (圓形光圈) 最小光圈 f/22 最近對焦距離 (米) 0.72米 放大倍率 0.25x 濾光鏡尺寸(毫米) 77毫米 鏡長 x 最大直徑 (毫米) 88 x 114.5毫米 重量(克) 995克 遮光罩 ALC-SH0003 (約 $1000 元) Sony Sonner T* 135mm f/1.8ZA (Sony α SAL 135F18Z/AE) (R) 2009 - Photo by Alex Chen TAG.: Sony, Sonner, T*, 135mm, f/1.8, ZA, α, SAL, 135F18Z/AE, AF, 器材, 實拍, 攝影

我 都不知不覺轉了 Sony 都成個月有多，第一次用就係用呢支 SAL18250/AE，不過如果要用天涯鏡的話，呢支鏡係首選啦覺得，用上α機又有防手震，真係幾過引，只要推高小小 ISO，250mm f/6.3 都唔係 D 咩大問題，不過大家最怕係咩，更係佢呢 D 咁鬼高光學變焦，又有好多人怕話比你去到 250mm 又唔清 D 相，不過呢 D 都係人講姐，咁你又用過未呀，天涯鏡就係方便大家唔洗成日去左換右換，拍下生活照同去旅行時我就覺得 Very Good 啦。 不 過提一提大家，呢支係 DT 鏡 (即係數碼鏡)，如果要用係 FF 機就不可能啦，講真吖，D 人成日都話人地 D 鏡點好點好，又有聽過人話 DT 鏡成像點差點差，就算係差我覺得都係用果個人的問題，就好似 Canon 果支 Kit 17-85mm 咁，一個話差個個都話差，你有冇用過先，有冇真正試過先，我用又唔覺差得去邊喎，要計分我都比佢合格，點解～因為咁的價錢又做到佢要做的成像，真係好 OK 啦，話差你又唔比錢去返支 17-35mm L，所以而家 D 新人都係網上吹水多過拎住部相機去影相多囉。 簡單回憶一下以前拍攝過的相 對角 (對角) 6.3° - 76° 鏡片組 13組16片，2塊非球面，2塊低色散鏡片 光圈葉片數 7 (圓形光圈) 最小光圈 f/22 - 40 最近對焦距離 (米) 0.45米 放大倍率 0.29x 變焦系統 轉鏡 濾光鏡尺寸(毫米) 62毫米 鏡頭遮光蓋 花形遮光罩 防震功能 內置 適用機種 Sony α APS-C 鏡長 x 最大直徑 (毫米) 75 x 86毫米 重量(克) 440克 Sony DT 18-250mm f/3.5-6.3 (Sony α SAL18250/AE) Photo by Alex Chen TAG.: Sony, DT, 18-250mm, f/3.5-6.3, α, SAL18250/AE, AF, 器材, 實拍, 攝影