ALEX.C〔攝影．玩物．淘樂〕

係 香港有幾耐冇出過夜街，有幾耐冇同家人去行公園，又有幾耐冇去睇過中秋燈飾，問問自己真係都有好幾年事，由其同家人一齊去行街同消費。 今 年提早去行一行，不過就唔知同冇行去今年最人氣世界燈飾果過邊，所以只係到止一遊而以，節日又過去，但點解到而家先貼一張半張相，因為有心煩事情要處理，到而家以經百份百決定咗就可以慢慢放寬心情，為日後日子再努力。 2026, 中秋節快樂. TAG.: 2026, 中秋花燈, 維多利亞公園

創 業難、守業更難，我相信大家都聽過唔少例子，2019年真係人生最大轉接點，以前繁華盛世吃喝玩樂日子以經不再，再加上時間一年一年咁過去，人年紀都大不少，環境急速轉變，睇住每一個每一個老闆都經營不再，真係慢慢睇住步人寒冬時代，身邊各位行家都開始轉型，我都頂住到今年真係身心都好累，因為係前者創業，而我係咁環境都守不唔住，倒不如直接給家人退休生活，我再去努力跑數仲好。 有 時好多嘢都會好唔捨得，心裡當然有啲難受，但不得不去做一個決定，放棄唔係真係放棄，而係當環境以改變，人都要學識去轉變。 只 係係呢短短幾年，發生好多嘢都返唔到轉頭，而我就太多唔好事都發生係身上，但係.. 過去以成過去，錢財身外物，只希望家人身體健健康康，健康係有錢都買唔到。 最後. 祝各位blog友 >> 中秋節快樂，團團圓圓 << 2026, ALEX CHEN TAG.: 創業難, 守業更難, 中秋節, 2026

近 來忽然又停咗整理舊相更新，因為近來太多事要做，第一要翻新屋企同清千年垃圾，一搞就搞咗一個月多幾日，而家一般都完成99%，跟住老頭子一隻舊 HDD 老化又要救佢，到而家都仲未救完，到咗今日，自己用咗八年 M.2 240GB 終於開始出問題，唔係讀寫問題，而家主板找不到硬體，有時開機就硬體故障，又要自行修復但問題都同樣出現，今日開隻用過幾次新 SSD CLONE DISK，用咗差唔多一個鐘時間，最後都好彩冇出現問題，今日正式由 M.2 降級到行返 SSD，鬼咩而家半導體價到飛天。 等我又再一步一步搞返所有事先再有時間更新舊相作品，而家翻新完屋企都要開返多啲日子工作，洗錢真係好易，搵就... 唔洗講啦。 製作過程中 成功 CLONE (M.2 to SSD)  其 實有時間最好都係由0開始，咁個系統先至最少垃圾，之不過我真係冇咁多時間，只用一個鐘內就 COPY 一個系統同使用中軟件，仲有唔洗重新設定系統，CLONE DISK 係一個最快、靚、正好方法。

好 多時拍攝完都只係分享一下好幾張覺得好作品，係6月尾再出動拍攝後，心一諗不如重新整理一下自己由 2002 年開始所謂接觸攝影，當初由一部 400 萬像素 KODAK DX4900開始，當年只得19歲的我，對我來講以經係好貴，佳因我仲未識搵錢，記得當年第一部相機去到邊都帶出去，影下生活照為主，好似去唱K，去踏單車咁，去 Bar，唔睇返真係好多嘢都唔記得，一睇回憶就返哂來。 不 過呢個 BLOG 由 2008年05月22日先慢慢開始，都係做一下個人日常記錄或日記，唔睇就唔覺，一睇返話咁快以經 18 年，雖然有啲連結作品都以經睇唔到，我都冇去整理，過去由佢過去，所以我今日重新整理19年前 (2007年) 前的照片。 一 直都覺得人地影相好靚，自問自己冇咁錢財同技術，經過兩年後2004年第一次接觸單反，對我來講真係好吃力，由 20D Kit-Set，再步入當年好熱門各人區人像影會，慢慢開始睇雜誌教學講解由BB學起，攝影基本知識，ISO 是什么，F 原理，真係冇人教。 由 於新屎坑永遠都係香，影會人像差唔多每星期都有，而且費用唔貴，就做作我當年成日都去影人像 (囡囡)，因為當中好多師兄都係用單反，可以從當中慢慢學，點解你影得咁好咁靚，技術先唔在講，第一期就介紹第一支定焦 50mm 鏡頭，定焦比變焦成像好等等介紹，講真千鬆啲又唔太大壓入，就入咗人生第二支鏡頭，其後想影遠又入支 70-300mm，想影 Wide 又入咗 20mm 等等，就開始咗所謂人生攝影時期。 年 紀細同冇影齡真係咩都唔識，有各師兄人版同講下講下就去買鏡玩，因為冇技術，所以總係覺得咩都影唔好同影得唔靚，明明大家器材都差唔多，但作品就分別就差天共地 (原來我未有後製?)，定係咩原因總有一日會明，Canon 影友咩係金圈，咩係紅圈，對我來講有錢人才會明白。 我 一直以原相實拍為主，以鏡頭實拍為實，由開至今都未改過性格，無錯執係可以有更大空間，但如果冇一張原想又何來又後期作品，因為睇返同整理舊相真係好浪費時間，所以今日我先直接將2004~2007年前，個人倉低照片分享，自己睇返以人像為主，一啲隨拍，仲有啲上過攝影雜誌，女像、影樓等等。 相簿分類為： Sigma AF Lens ( 相簿超連結 ) 2005~2008 以停止更新 AF 20mm f/1.8 EX DG ASPHERICAL RF AF 70-300...

今 日分享下自12年後賞荷圖鏡頭對比，2014年所影荷花同今年所影基本分別唔算太大，只係用咗唔同鏡頭，但係同樣焦距 200mm 所影，唔知你又會鍾意邊張多啲呢。 呢 兩支都係老品 Minolta「G」系列鏡頭，同樣擁有 APO 變色差鏡片，不過一支就係 70200mm 全能鏡，另一支就係定焦 200mm 微距鏡，雖然呢兩支唔同定位，但我係倉底搵到同樣用 200mm 所拍攝而搵返出來分享。 使用器材對比： Minolta AF 70200/2.8 G D APO SSM 「大三元」之一 Minolta AF 200 APO MG「長焦微距鏡」 呢兩張都同樣用咗橫倒影，分別一張硬光，一張柔光： 2014年拍攝 ( 硬光 Low-Key) 2026年拍攝 ( 柔光 Under) 7 0200G 好明顯係遠攝變焦鏡頭，最近對焦為1.2m，而 200MG 係微距鏡頭，最近對焦為0.5m，不過 200MG 重量差唔多係 700200G 減半，長時間用起來一定比較好唔少。 以下兩張所用直倒拍攝： 2014年拍攝 ( 硬光 Low-Key) 2026年拍攝 ( 柔光) 不 過兩支係唔同定位，200MG 微距可以玩比較更多，雖然冇 f/2.8 大光圈，所以 70200G 好多更細節都唔會影到，而 70200G 有大一級光圈，吸光同Bokeh當然就更加正，最後睇完糖水相後，唔知你覺得邊支鏡影好啲，不防分享各下意見，同批評一下作品。 TAG.: 賞、荷圖, 鏡頭對比, Minolta, AF, 70-200mm, f/2.8, SSM, 200mm, f/4, Macro, APO, G

話 時話有幾耐冇真真正正咁咩住咁鬼重器材去影相，上周心血來潮不如比自己休息多一日，咁星期六就可以去行大半日，累就放假休息都唔錯，不過因為都好幾年冇咩住咁一直行，真係體力透支到極點，由其腰同對腳真係可以話行到痛 (一路咩住器材影)。 月 尾比自己鬆一下去見下朋友吹下水，行下傾下影相話題，順便帶啲多年冇用過鏡頭去 SnapShot 一下，連同一支 TELE 去公園影下荷花，真係玩下咁就一日。 一 日玩兩種，第一先四維 Snap，見咩影咩，隨心想影。  . . . 第 二就去咗公園影下荷花，荷花呢家嘢我又係好多年冇去影過，要影得好當然要技術，我冇技術就平平冇其，影下便係娛樂。 . . . TAG.: 2026, 閒影, 攝日, SnapShot, 荷花, Minolta, 35G RS, 200 Macro APO G

Docker 部署 呢個記係個人連結分享 會不停慢步更新... 只會一直更新 連結 歡迎留言交流，個人用處等，如果有好用資源都會備份一下 或 你有好用資源都可以介紹俾我試吓 文章由 新至舊 排列 飛牛音樂 (網頁版介面) ( 超連結 ) Vaultwarden 密碼管理工具 (網頁版 x APP / 瀏覽器功能) ( 超連結 ) OmniBox (v2.x.x 更新版 & 設定) ( 超連結 ) SPlayer 音樂播放器 (網頁版介面) ( 超連結 ) Solara 音樂播放器 (網頁版介面) ( 超連結 ) Immich 相簿 (如何更新 Docker 版本) ( 超連結 ) Droppy 檔案管理與分享 (網頁版介面) ( 超連結 ) OmniBox (一站式影視與資源合併平台) ( 超連結 ) Youtube Download Web UI (網頁版下載介面) ( 超連結 ) VERT 檔格式轉換器 ( 超連結 ) Web SSH (網頁版 SSH 工具) ( 超連結 ) Immich 私雲相簿 ( 超連結 ) ezBookkeeping (個人記賬應用)  ( 超連結 ) Docker (容器) 鏡像倉庫 ( 超連結 ) TAG.: Alex, Blogger, Docker, 部署, Compose