ALEX.C〔攝影．玩物．淘樂〕

唔 覺唔覺咁就4月開始，影相真係影相都可以話幾十年，而家環境真係差到無得再差，真係唔知日後點好，為兩餐日日咁搵做，娛樂完全係呢兩年轉變完全停哂，影相、飯局、車友等等完完全無哂，真係悶到無朋友，點生活呢。 我 決定生活先決、攝影滯後 (先放棄)，等環境好一啲先再講，希望到時部相機仲可以用到，家庭生活仲未有，先把壓力減到最少，而工作努力先負出最大，我。。。能活到多久，好人一生平安，祝我好運。 TAG. 生活先決, 攝影滯後, 2022

2 022年咁又過左兩個月，過年過年，過個好年，而家世界不停地變，環境又比病毒搞到無生活，無經濟，無活動，無交流，無朋友，咩都無。。。另一邊又打仗，真系虎虎2022年，大家自求多福吧。 攝 影真呢兩年都停咗咁，環境唔同咗，工作又轉咗，娛樂一啲時間都無，有時間都系搵嚇工，做下其他嘢咁，邊得來仲有時間影相，真系連心機都無哂，為咗活口，只能先把娛樂全都放系一邊，工作先行、生活先行。 不 過有啲嘢點都要換，就好似電腦咁，屋企無腦真系會好唔方便，系過年前過年後一心打算又換電腦後，重新收集資料，過年前換咗個 32吋 4K-MON，年後直接換個新電腦 Intel 12代 i5 處理器，再加多一個 2.0 小音響，聽歌睇戲夠哂正。 淘 寶大家都會買下嘢咁，不過近呢年來，我都無咩收入，加上而家社會問題，有好多嘢我都網上買 (香港/國內) 等，而淘心態好多人都以平為主，有人話膽大會生毛，由當初幾十蚊，幾百蚊，買下買幾萬蚊，真系發覺自己都好高風險。 虎虎淘腦物： - LG屏32吋4K IPS顯示器 HDR 10bit - Intel® Core™ i5-12600K 處理器 - Gigabyte B660M AORUS PRO AX DDR4 - Corsair DDR4 3200 16GBx2 - WD SN850 M.2 NVME - Seagate 4T HDD 硬碟 - Seagate 500GB HDD 硬碟 - DP線144hz 4K 1.4/1.2數據線 - 電腦遊戲USB手柄 - HIVI 2.0 音響 而 家新機都玩咩電競版、RGB燈等，一部電腦可以搞上幾萬，什至幾十萬，真係追求遊戲至高無尚玩家，不過我個人都只係做下文書文件，睇下電影壓下片 (4K)，一般 i3 文書機都十分足夠，不過而家可以試多樣嘢就下玩下簡單手遊以經大才小用了。 全新一套電腦就咁就無咗幾個月人工......   TAG.: Intel, i5, 12600K, Gigabyte, B660M, AORUS, PRO, AX DDR4, WiFi6, 技嘉, 雪雕, Corsair, WD, BLACK, SN850, NVMe™, SSD, Seagate, 希捷, 4TB, 500GB, 硬碟, DP to DP, HIVI 2.0, LG屏, 32吋, 4...

年 , 又過年, 咁又新一年, 我都以經好耐無點更新, 因為呢兩年環境不停改變, 加上又有呢個病搞到好多問題都出哂來, 工作不稳, 生活更不稳, 只有不停換換環境不同工作, 開早開夜開OT, 都係為過活。 我 無咩其代, 係新一年又係一個新開始, 而家可以叫慢慢叫穏定落來, 今日唔知聽日事, 無錢事少, 可以食小一餐, 似鐘都係身體健康最重要, 唔好話影相, 而家連生活節奏完全101%改變哂, 等我再定D落來先再慢慢重新上blog, 祝所有好友安好。

今 次講屋企過時 Router，其實係承接上一個 Andriod OS x86 文章分享，因 root 機再更新驅動都唔成功支持 5G 手指，最後當然放棄解決呢個問題，而 WiFi 就一直有 bug (OS 本身問題)，今日就改改屋企網路設定，用隻呢隻舊 AC 路由行 5G to Lan (直接當接收器用)，有時無用或者過時電子嘢，又想換新時後一定會覺得又無壞，食之無味棄又可惜，而家用返上去， 只要有電到，就能正常使用，方便又環保。 我 順便係執下屋企放 WiFi 位置，一直用更隻舊 Router (100Mbps) 都係一直做內聯網，對上次換隻 1GB 路由後一直都想賣左佢，最後當然賣唔出啦，可能無人睇得起呢隻嘢 (2手我都係賣幾十蚊貨仔)，不過我自己睇返舊文章，原來由以經 2016/11 ~ 2021/08 年，一直用唔覺唔覺都快用咗 5 年時間，就連而家隻 1G 路由器都快用咗 3 年，你會問我，呢個品牌好多人都話一般般，我唔係咩專業試機人事，所以基本能達到我自己本身要求就收貨，仲有呢 3~5 年內使用都用非常穩定 (由其而家講更呢隻 100M 舊 Router)，所以對我來講有咩可以雞蛋裹挑骨頭。 Andriod OS test For SpeedTest (上/下載達 90%) 而 講到速度我都簡單試咗一下，當 Andriod 用 WiFi 手指最快約 10~30Mbps (USB 2.0)，但係行返 Lan 就唔受 USB 2.0 影響 (唔記得主板支唔支持 1000Mbps)，而家情況就受舊 Router 決定速度 (100Mbps)，好啦，而家個 Andriod OS 可以用 100Mbps 上網啦，用 5G 又唔洗用 USB 3.0，又唔洗左搞右搞搞咩鬼更新驅動程式，簡簡單單直接了當。 Andriod OS test For Fast (下載達 90% / 上載達 70%) 當 接收器用再試網速一目了然，都能達到正常 90% 外聯網速度水平，網上串流追劇可上 1080p (VB10MB)，而家 WiFi 行 5G 基本無得走，不過當然如果距離太遠我都會用返 2.4G 先，玩下手遊最更要連線穩定，上網睇片、內聯一下、下載檔案就行 5G。 都 以經 2021 年啦，近來睇返 AX Router WiFi 6 平咗好多，都睇左好多網上介紹...

好 耐都無更新啦，近呢年多來都無影相，今日得閒就更新一下，呢幾日放假無咩好做，今次係玩“安卓OS＂，其實唔係咩新嘢，只係一心諗住試下安卓 OS，放假無聊搵嘢做，而且呢年多來又不停要轉環境，個心真係好累，而放咗係廳電腦幾年都着唔到就一心搞搞佢，起返部機之後就用咗三日時間安裝同測試 (唔多講測試係最浪費時間)，最後成功安裝同可以正常用啦，因為之前着唔到機先至轉用“安卓盒子＂，其實用“安卓盒子＂係好方便，不過每次要更新 Apps 同打字真係一個好煩悶問題，而且所有係電子呢家嘢似終都有壞的一日來臨，7/24 工作係老化所在。 Andriod OS x86 部 腦係我以前放係廳到主力用來追劇睇電影，老年 x86 CUP 行 Win10 (用更 SSD) 其實一啲都唔慢，不過心血來潮就係櫃台低囉返隻 1TB HDD 硬碟出來試OS 用，今次唔用 Windows 改用 Andriod，唔係新嘢但就係我第一次玩，因為就係第一次玩“安卓 OS＂，而且收集資源要啲時間，加上重要測試安卓系統 OS (試左成七個 OS 版本有多)，可能係個電腦太舊好多野都唔支援定點，重有而家好多 Apps 版本太多，又要分arm / armeabi / 32&64bit 安裝，所以好多 Apps 都係用唔返或者完全不相容，安裝唔到或閃退等問題出現，所以就嘥咗好多時間，況且“安卓OS＂內似終有 Bug 我唔知道，因為我唔係工程人員同唔識改 Linux 系統文件，一啲Bug 似終改唔到，但係安卓系統內有一個叫“開發人員設定”，只要識用佢就可以簡單選擇而避 Bug 最好設定。 E6550 CPU@2.33GH Display @1024x768 一 心諗住又唔成功，又再準備另一個 OS 中時候，最後一個 Andriod 5 竟然成功？九成 Apps 都可以正常使用，行 Win10 用 HDD 好吃力，但改用安卓真係成部舊腦即時翻生咁，等我全部都設定好哂後，廳部電腦而家連老人家都識用 XDD. (電話都係安卓)，跟本就係大屏平板，看圖識字裝模作樣。 最 後我由頭重新安裝一次 OS 同設定過哂所有嘢，用返 SSD 爽爽 Andeiod 5.1.1 (Lollipop) 備用資料Android 設備的CPU類型 (通常稱爲"ABIs")： １）x86：泛指英特爾公司用於開發處理器...

半 個多月前再次收到 Daniel 約影相，不過我都年幾兩年無影過人像，真係以經生疏哂，不過得閒外出走走都係好事，順便比部相機動一動。 造 型白雪公主，要有咩原理先影得好，我真係腦海空白，而家想影一張好作品，感覺真係難了，這是後期最終作品。 COPYRIGHT 2021, ALEX CHEN PHOTOGRAPHY DANIEL MODEL KATRINA LI LOACL CUHK DATE 2021-02-21 #1) 美麗才有毒 #2) 睡公主 #3) 森林 (HDR) #4) PS 卡通 TAG.: 外影, 女像, 人像, CUHK, 中文大學, KATRINA LI, DANIEL, HDR

原 來不知不覺一年相機無囉上手，我可能以經唔識影相，不過今日端午節節日放假一天，琴日就先叉定電今日一於外出一下。 今 年六月荷，唔係咩靚相只係分享一下。 TAG.:SONY, MINOLTA, α99, 荷花, 六月