ALEX.C〔攝影．玩物．淘樂〕

今 年先賭為快，花展未完就去曬相，以經唔記得幾耐無去沖曬，不過又換左另一間新店啦，舊都以經執得七七八八，今次試下間新野，雖然用返 FUJIFILM 相紙，不過唔知係人定機問題，有 D 相就 UNDER 左小小 (同以前一樣直出)，真係唔知咩問題。 以 前都會 Keep 住曬下相，不過而家又無咩點去沖曬，真係咩都加價係一大理由，平點曬都係覺得平，而家真係無呢支歌仔唱，所以我都係放係電話就算，想曬果時又可即刻去沖曬，唔曬就電話、平板、電腦大家睇，開心 SHAER~ 講 開曬相而家都好多相簿放左係書櫃入面，如果簡單速成計一計 (20本x40張 = 800張)，睇一睇至小都有 800張，唔可以話好多但又唔算小，不過如果要一次過帶哂佢 地出街真係幾難 (幾重下)，所以數碼相真係極之方便，單單計整理就知，唔洗本本相簿都睇一睇先知係咩，又可以放好多好多相係記憶卡入面方便攜帶，科技呀科技，有你多麼好，但有了你我理想的沖曬店就從此消失了。 今 次曬左咁多相，有幾多? 其實都係剛好50張 (有大有細)，但係呢到都以經沖曬左我 $2XX 蚊，你都咪話而家邊有咁多人會比二佰幾蚊去仲果幾十張相，我諗大家都會話食左佢好過啦，哈~~ ^_^ COPYRIGHT 2015, ALEX CHEN 你睇~ 我又曬左咁多相啦. TAG： TVB, 春花舞, 人像攝影比賽, 人像攝影比賽, 沖印, 曬相, 2015, 花展

2 015年花展又到，又係先來一班新 TVB 藝人人像比賽，今年因為過年遲左 (係2月份)，所以搞到好似咩都遲左咁，就連花展都要放到係3月下旬搞，不過今年咩都無通知，所以只係自己得閒先去影轉女像吧，放到係3月份下旬其實都係好事，因為今年天氣太好了，出了陽光加上一身汗味，真係幾和味，不過今年因為無咁多橫樑係一件好事，唔洗下下正面先影到，可以有更多左右空間拍攝，真係有影多無手多，之但係今年 MODEL 又唔搞轉位，搞到張張都係差唔多，想換個背景都無。 年 年都係咁上下，都係影女為影女，無咩特別了，花展藝人人像又要等出年啦，出年見。 COPYRIGHT 2015, ALEX CHEN PHOTOGRAPHER, ALEX CHEN DATE 2014/03/19 LOCAL VICTORIA PARK TAG：香港花卉展覽2015, 春．花．舞, 攝影比賽, 維多利亞公園, 花展 TVB：邵珮詩、王卓淇、何艷娟、彭慧中、湯洛雯、范文雅、于淼、陳偉琪、陳婉婷、陳芷尤 TAG.： TVB, 女像. 香港花卉展覽, 2015, 春．花．舞, 攝影比賽, 維多利亞公園, 花展, 邵珮詩、王卓淇、何艷娟、彭慧中、湯洛雯、范文雅、于淼、陳偉琪、陳婉婷、陳芷尤

年 頭有機會上一班快速速成人像班，由 Sony x Photoblog 所合辦 Sony α7 II「給親愛的」人像攝影工作坊，今次講師係 Dennis Mok，第一次聽佢講解，原來人像最基本唔係人像先決，而又係光影先決，今次親身講解自身如何沒有任何工具以簡單正勢手法和直手勢手來睇光影影，真係要親身講解同實淺才會明白這點道理，今次真係吸收左唔少經驗智識，真係影人像百份百實用同必需知道方法，正手看光，橫手看影，直手看臂，Dennis Mok 講解後如真的不明白，他說那就白白浪費了幾萬港紙上了白白的一課。 外 置光源正光、高光、背光使用反光板、Flash 等等，原來我一直都係有少少錯誤用法，今次可以改正過來，攝影技術真係可以一成不變，但不變就等如無進步，當中還講解如何學會溝通和指導，大家雖然手法不同，但好明顯 Dennis Mok 手法更直接同簡單。 今 次工作坊以「給親愛的」人像為主題，好明顯係同身邊朋友為主學以致用，但唔好唔記得係以重心 Sony a7 II 為主角，在使用感受 a7 II 拍攝人像器材，Dennis Mok 還見意我地係相機少少設定，我以影 JPEG 為主真係可以話後製都唔洗點做，原來呢 D 簡單設定又係我地最最最易忽略一個重點。 記 得剛剛發佈 Sony A7 系列相機，我都以經上手玩過，親身玩過後以 A7R 為較好，不過當然都係果句，電子呢家野 (器材) 一定係有新買新好，A7 II 係 A7 第二代大家都知，有防震功能係大家都想相機必有一個功能，不過有又係唔係一定好呢我就唔敢講，之不過有就總好過無，但係 FILM 時代無防震都一樣係咁影，不過我最後睇作品就唔知係唔係防震定設定關係，原相比我用 SLT 時感覺係有少少柔焦咁 (追求 Sharpness 影友都唔會用 Sony)，不過整體都極 OK、唔錯、好滿意。 今 日因排隊以先到先得借用 A7 II + FE70200G，好彩都有後一部 A7 II + FE2470ZA 試用體驗一下，係 E-mount 時代大家用得細機，最主要都係想輕便同方便，不過我把相機 & 細菜上手一小時多，感覺係輕了不少，但係長時間都係有點辛苦，因為 FE2470ZA 都有少少份量，當然無得同大機相比，最後好彩的是，因為我是第二埸人像班，電池以經比第一班朋友用得八八九九，到最後...

1 0年對有些人係人生好長時間，對有些人十年又好似如一個季節咁，你會係邊一種人？係十年前第一次學人影人像，雖然十年後的今日我唔係主影人像，但係如果睇返自己舊作品來個對比，唔知大家會覺得邊張好呢，係數碼相有一個好處，就係唔理你張相放10年定100年，都係會原色原味咁放定係任何一個電子螢幕，不會因天氣濕、熱、太陽直接照射、不覺意比水點弄濕、長時間正常發揮、發霉等等而另相片老舊掉。 影 人像都係要練習，影得多慢慢把自己技術提升，不過我就唔係專人像影，所以有點都係同場作興咁影下就算，燈光人像更不在話下，所以人像相無咩大作品，或者我有時間的話我都要去再學下野，除左上堂之外唔知會唔會有人指點一下我咁，哈~~ 先貼張 2004 vs 2014 作品 (PENTAX FILM x SONY SLT) 老 實講十年內除左器材變化，由 APS-C (10年前中高級相機) 換了不少相機，直到今時今日改用 FF 相機，可能大家都未必覺得有咩改變，但係影相過程同很多練習當中，感受攝影當中樂趣係最快樂，我未必拍攝到好最畫面，但我以經感受其中過程，一人都可以一人快樂地去思考地去享受攝影一點點樂趣。 再來貼張 2005 vs 2015 作品 (CANON D-SLR x SONY SLT) 1 0年都係一個唔短時間，可見由時間不停咁過去，但人都可能面目全非，我都係以唔執相為前提 (FILM 係沖印時以定另計)，如果一張唔執相，係會襟睇過執？定係後製執左會襟睇Ｄ呢，或者只係得過靚而唔直得一睇再睇？今次抽返出兩張10年人像作品來對比一下自己成長，不過自己睇落好似無咩分別咁，哈~~~ 人像都係人像咁囉。 TAG.: 2004, 2005, 2014, 2015, Pentax, Canon, Sony, 十年對比, 人像相

羊 年到羊年到，羊年第一次出動，見初五都仲未有開工，走左去科大之約 COSPLAY 日，講真真係好似走回回頭咁，記得當初玩影相之時，得閒都會去下影 COSPLAY，其實呢幾年真係多左好多人玩，不過影 COSPLAY 走不出人像攝影，但人像真係要時間去長期練習才會進步，由其燈光人像係我最弱，因為我好小影人像相。 那 那那，影相隨左影之外，COSPLAY 要靚就真係要後製，不過唔好意思，我真係唔識，希望大家 COS 朋友唔好介意，其實覺得今次科大唔知係地方大定係 COS 朋友小，感覺好似唔太多，隨左各位悉心打扮之外，仲有小小私影朋友，雖然唔可以影，不過其實都無咩所謂，講真我都會先問問可否影相才影，專重大家決定可否。 科 大之約 2015，天氣潮濕、霧水間中又有雨，影相都係戶外好，小小雨毛我都照影，有小小光加 FLASH 感覺還可以，如果影得唔好又一正明係我個人極大問題，我其實都影得唔多，如果大家唔介意我比左我影都可以自己下載返自己張相嫁，有緣下次見啦各位。 COPYRIGHT 2015, ALEX CHEN PHOTOGRAPHER, ALEX CHEN DATE 2015-02-23 LOCAL HKUST Photo Link @ facebook.com/alexchkk (23 / 23) 最後更新雖然只影貼得廿三位 COS 朋友，不過開心時間過得特別快，影得好唔好就唔知，不過都用心去影嫁，哈~~~ 科大下次見。 TAG.: 2015, 科技大學, HKUST, 科大之約, ReStart, COSPLAY, 角色扮演

仲 有兩日就過年，清理相簿上最後一張 2014 灰林 (了)，即係開始貼 2015 作品，都係果句，希望新年勝舊年啦。 COPYRIGHT 2014, ALEX CHEN TAG.: 2014, 灰林䳭, 生態, 雀鳥, Xicola Ferrea

準 備馬年過，羊年新起步，不經不覺、又不經不覺馬年又過去，今次影相目標差勁，無咩好作品，但係今年流年都過得麻麻，真係起起伏伏，記得係三年前比左個目標自己，就係每日晨早照，當年真係日日好唔好天都起身影一影，目標係365日一年照片，當年完成左心情都好開心，雖然唔係咩靚相，但就記實左每天早上照。 兩 年後的我 (2014) 目標主要以不再是拍攝，而係減肥的一年，我雖然一年後的今日仲未達標，每日只係30min 或以上運動，一年減左唔多 (難以介口食物)，但係都見到成果，就係 190KG 落到 17XKG，腰圍由 33吋 多減至 30吋左右，呢個成績自己好滿意 (難以再減)，那每天的汗水真的沒有白白流走，肥都要肥得健康，但健康得來就要努力。 減 肥第二個目標 (未達標)，雖然用左成年時間都未達標，想肥就好簡單，但減肥真係要有恒心去做，我好羨慕果D食極都唔會肥的人，因為我就自唔食，只係飲水都會肥，問你死未。不過我都唔洗點去羨慕人地，自己就係自己，做人過得去就算吧，羊年來了，出年未有新目標，還是空空的感情未知會是.... 如何下去。 TAG.: 減肥, 第二個, 目標, 未達標