跳至主要內容

飛牛 fnOS (自建網路儲存伺服器 NAS)

呢期月尾電腦展，我都以經好多年無去過，因為冇咩特別雖要去買，但係成日見分享呢個點平果個點平，呢啲節日又做特價咁，而上星期休息無聊係枱底囉返部N年前舊電腦出來，第一部開到機可能舊 (2012年)，過一陣就着唔返，搞唔到轉頭就電子垃圾，再係枱底囉第二部出來 (仲舊)，係當年2手買返來本來放係廳用，因為 2022 換左自己部主機，上一部就換返放左係廳用，而再次多一部電子垃圾，咁舊同慢真係唔知有咩好用。

係淘X見到 NAS 都要幾百蚊，雖然機身唔大，但幾百蚊果啲又話冇呢樣冇果樣，搞得來又要咁多線，不過細心一諗，可以試吓用電子垃圾加隻 500GB HDD (仲要用唔到 USB 開機)，又要燒 DVD 來安裝，真係唔知幾多年冇玩過裝新系統，問題係又要燒碟 ＞ 安裝 ＞ 設定等花上大量時間，差唔多等同以前安裝完 Windows 後再更新幾個鐘咁上下，好彩到最後都成功安裝，一心只諗住用下"相簿"同"影視"。

私網 NAS 網上相簿，要出公網先可以係街到分享到比人，搞來搞去得個吉，又要設路由器又要設 DDNS，睇左好多介紹同點設定，開頭都只係做到 50/50，即係一時得一時又唔到，可能我同時用更兩隻路由器關係，TP-LINK 真係好簡單開個 DDNS 打返個 PORT 位就得，而 ASUS 就點搞都出唔到街。

我用咗咩舊電子垃圾，E6550@2.3GHz (2008年出品)，4GB Ram，好彩個 DVD 仲用到，當年以經有 1GB LAN，自己再加返隻 500GB HDD，唔好講咁多，開始開工安裝飛牛 fnOS NAS 系統。

係我下載返來時，版本係 v0.9.21@2.13GB，因為本身有自家 APP，可以好簡單咁用返個 APP 就直接話控制，或者用返本身個播放器睇電影咁，係街就睇返自己屋企內部影片，唔伯冇嘢睇，只怕你冇數據。

不過我冇諗到係，原來佢仲可以直接網上更新系統至最新版本，出文之前我以經更新咗 v0.9.22。

雖然係國內系統，你可能問我會唔會好唔安全，講真就算買其它港版大品牌都成日話出好多問題，其實咪又係一樣，我又唔係放重要文件，都係有時想分享一下啲相呀，文件等等，有自家 NAS 就真係方便好多，就算你估放咗上雲端又好安全咩，咪又係人地個伺服器，你刪除後知唔知佢有冇留渣係到咁咪又係一樣唔知，不過我試過有啲上傳咗分享有啲係刪除唔到。

佢入面仲有好多功能/軟件等，有自己應用中心 (即係 NAS 用 APP 就係到直接下載)，另一個係重點 Docker，我係新手 (白紙)，所以要慢慢去了解係咩來，係我用左一星期內，而家簡單設咗共4個容器正常使用，而其它安裝完成 APP 就仲有內部 qBittorrent、相簿、影視、jellyseerr 等等，你都唔好問我有咩用，自行去學習了解一下就好，何況而家有 AI。

最後再經過幾日時間，用左一個好唔安全方法，用左 cloudflared 內網穿透，Windows PowerShell 內連，SSH root 一連串指令簡單直接完成，之後連機同代理伺服器工作，其它直接 cloudflared 內設定完成，唔洗理有冇防火牆，都可以直接，好方便。

最最最後得知原來可以有其它玩法，就更係要自己設定返個來睇電影、同追劇網頁啦，Docker +開源碼，唔洗上網搵來搵去有咩新嘢，最重要係冇廣告呀，資源都係其它綱頁，只不過係一個空殼+超連結，全部都係最新開源碼，最新更新電影、劇集。

2025/09/04 更新：
  • FnOS 系统更新 v0.9.24
2025/09/12 更新：
  • FnOS 系统更新 v0.9.26
  • 飞牛 APP 更新 v1.22.1
  • 系统影视更新 v0.8.53
  • 飞牛播放器 APP v1.5.1
2025/09/18 更新：
  • FnOS 系统更新 v0.9.27
  • 飞牛 APP 更新 v1.22.2
  • 飞牛TV 更新 v1.1.1
  • 飞牛播放器 APP v1.5.22
2025/09/25 更新：
  • FnOS 系统更新 v0.9.29
  • 飞牛 APP 更新 v1.23.0
  • 飞牛播放器 APP v1.5.4
  • 應用中心 i915-sriov-dkms: 更新至 v1.0.5 版本
2025/10/17 更新：
  • FnOS 系统更新 v0.9.30
  • iSCSI Manager
  • 飞牛同步 更新 v0.16.0
  • 飞牛 APP 更新 v1.23.1
  • 飞牛播放器 APP 更新v1.5.5（iOS）
2025/11/06 更新：
  • FnOS 系统更新 v0.9.35
  • 应用中心上新/更新
2025/11/xx 更新：
  • FnOS 系统更新 v1.0.0
2025/12/05 更新：
  • FnOS 系统更新 v1.1.4
  • 影视应用 更新 v0.8.58
10月呢個 v0.9.30 更新，搞死咗個 WEB UI，但係其它嘢就可以正常，真係唔知點解，完全修復唔到，最後為有重新安裝一次舊版本，點不知安裝就一陣，更新到 v0.9.30 就用咗2個鐘，真係 XZY 都滿口而出，好彩之前 Docker 都有 Backup 唔洗重裝，只係個 OS 重裝就搞掂，小部分設定就可以，直接開機直接用，其它唔想用 Docker 當清理系統一下，日後如果冇咩大不了真係都唔會去更新佢住，佢一直更新 OS，都會有一個 OS ISO，真係要 Backup 完先再去用新 ISO 安裝咁就可以免去網上更新時間，唔做一次白老鼠，真係唔知日後死機點做。

(NAS) SSH With Docker Compose 安裝：
  • Navidrome + 音流 (雲音樂 + App 連接)
  • ezbookkeeping (私人個人記賬工具)
  • Jellyfin (視頻播放平台)
  • Cloudreve (私人網盤 - 圖片, 視訊, 音樂, 文件)
  • VoceChat + APP (聊天)
  • 1Panel (Linux 伺服器管理面板)
  • Web SSH (SSH 網頁版)
  • Sunpanel (網頁版書籤)
  • Immich + APP  (相簿)
  • Halo (網誌 / Blogger)
  • WatchTower (Docker 容器自動更新)
  • OmniBox (一站式影視與資源合併平台)
(NAS) 如死機重新安裝：
  1. 使用 1panel 把 Docker 所有鏡像備份
  2. 設定/定期 Backup 所有個人目錄
  3. 系統設定 > 備份還原 > 備份系統分析配置 (可以備份設定..如帳戶等)
  4. 先下載最新 OS 版本再安裝即可，免得再更新
  5. 重新設定完成登入後, 先還原系統
  6. 系統設定 > 備份還原 > 還原系統分析配置 (可以還原設定..如帳戶等)
  7. 挂載原有 HDD, 再重新運行 Docker


TAG.: 飛牛, 飞牛, fnOS, 網路儲存, 伺服器, NAS, 影視, Navidrome, 音流, ezbookkeeping, 個人記賬工具, qBittorrent, BT, Jellyfin, Cloudreve, 網盤, IPTV, VoceChat, 1Panel, WebSSH, Sunpanel, Immich, Halo, WatchTower, OmniBox
標籤：

留言

發佈留言

此網誌的熱門文章

2016 (第二十屆) 深圳/香港/澳門國際汽車博覽會

再 次北上車展 (影女)，不過今次又係即上即落，順便過羅湖睇小小野，今年天色唔多好，出門落大雨，不過好彩上到去又無點落大雨，如果唔係行都唔方便，當然場內人雖多，但都算係咁，去過幾次以經無咩特別同感覺。 COPYRIGHT 2016, ALEX CHEN PHOTOGRAPHER, ALEX CHEN DATE : 2016-06-05 LOCAL SZCEC PHOTO @ www.facebook.com/alexchkk/ (65 / 65) 更多圖可按"Facebook 連結" TAG.: 2016, 第二十屆, 深圳, 香港, 澳門, 國際汽車博覽會, 車展, 車模, SZCEC
發佈留言
閱讀更多

SEGA MODEL 3 街機遊戲 - SpikeOut (First Version & Final Edition)

S pike Out 模擬器以出現很久，但係無人知係唔係完美？日前經舊同學來一來個信息，話想當年街機動作遊戲 SpikeOut 模擬器終於出現，等我鬼咁高興即刻下載來試下玩，點知搞來搞去都唔掂，心情由 HIGH HIGH 即刻 DOWN 哂，唔好話我 COPY 人地內容，當年學生時代真係成日偷偷落機舖打機，KOF97~KOF2000 (拳皇97~2000)，仲有一隻經驗玩就係呢隻 SpikeOut 動作遊戲，而家諗返當年真係交唔小學費係呢隻 Games 身上 ($10生命只玩得一次)，可想而知真係洗唔小錢，交過學費日子有功，$10可以坐上成個鐘或以上。 S EGA 設計的 MODEL3 系統系統要求高水準的品質，影像水平輸出方式為 24Khz，MODEL3 本身並沒有 JAMMA 介面，「大型電玩」系統中還用到了 3.3V 的電壓，可想而知當年 SEGA MODEL3 系統有幾大食。 個人建議桌上電腦 (PC) 要求： WIINDOWS (XP / 7 / 8.1) - (x86 或 x64) CUP 所有 I 系列 (I3 / I5 / I7 中央處理器) DISPLAY (GT-630 1GB DD3 或更高校能顯示卡) RAM (4GB 記憶體或以上) 講 真我自己心有不甘都搞左幾日，點解點解我會玩唔到，網上又無人講個電腦最基本要求係咩，搞到我心思思搞多啲，其實 SpikeOut 真係經典中經典，咩新 Games 可以唔玩，但係 SpikeOut 就真係唔可以唔玩。 SpikeOut 模擬器 (supermodel3 0.2a + UIR 0.3a) 大家要先有 SpikeOut 本身 ROMs，如果無就上網找找，其實有兩個版本，第一個版本係 First Version 、第二個版本就係 Final Edition 。 （簡介：1999 年推出的 SpikeOut Final Edition，為 98 年 SEGA MODLE3 底板街機作品 SpikeOut Digital Battle Online 的最終修定版，FE 除了改良了不少舊版的bug，還加插了幾條新路線及 SHIP YARD 一大關，連招上也更得心應手。） 當大家有左遊戲 ROMs 檔後，就要找一個 Supermodel3 Emulator (模擬器)，我自...
13 則留言
閱讀更多

Tenda 300Mbps USB 無線上網手指 (WiFi 發射/接收器)

好 無聊好無聊好無聊 (說了三次)，無啦啦買左呢支 USB WiFi 手指，開頭只系諗住平平地買張 150Mbps 就算，不過功能只系得接收，其實都一心諗住比部11年前手提電腦用 (係，你無睇錯我都無打錯，係11年前手提電腦，因太舊 WiFi 得 54Mbps)，所以都係玩下就算，點知用後覺得有買貴無買錯，玩玩下而家比左部主機用，本身用 LAN 上網仲加個 USB WiFi 手指把鬼，原來仲可以好簡單咁共用檔案，真系好方便，唔洗下下都抄去 SD 卡再用電話睇，方便至極。 呢 張 Tenda 用 Realtek (RTL8192EU) 晶片，實質 WiFi 行唔行到 300Mbps 我真係唔知，不過見佢介紹就咩 2T2R (雙通道技術)，即係話本身手指以經有內置天線同外置天線雙重組合來加強 WiFi 信號，不過電腦係房，而電話係客廳用，有個小轉灣位連接信號幾好，不過再入第二間房就好差了 (或以經收唔到)，如果手指放係客廳信號可能會好啲。 先 試用 WiFi 上網接收信號很穩定，連接家中 Router 速度合理 (當然同 300Mbps 速度對比)，同用其他牌子卡上網速度無咩分別，但系最想試用一用就係 WiFi 發射 (即 AP 模式)，佢可以用本身有上網電腦再用 WiFi 分享上網 (其實等同 Router)，可以減低太多人同時使用同一個 Router 負擔，仲可以自己獨立構建無線 WiFi / 電話 / 平板 / 等上網設備共用網路同檔案等，唔想用相同 Router 設定分享最佳選擇。 2016/06/17 更新： 1) Win XP/7 要安裝軟體，Win10 即插即用 2) WiFi 發射/接收，使用安裝後本身 Wireless Utility 軟體轉換 3) 長時間使用一啲都唔熱，真系唔錯 4) 本身手指上仲有一粒 WPS 制，方使連接 WiFi 上網使用 5) 內聯網穩定，用 WiFi 睇左1個鐘  Full-HD 電視都無 Lag 過，4K就有點吃力 TAG.: Tenda, 300Mbps, USB, 無線上網, 手指, WiFi, 發射, 接收, AP, 路由器, Router
發佈留言
閱讀更多