ALEX.C〔攝影．玩物．淘樂〕

一 年好快又完結，年尾最後一個活動就係聖誕燈飾聖誕樹，我尋晚就同朋友去咗行咗個圈，只不過靚唔靚就見仁見智啦，尋晚都有少少涼，咁嘅經濟環境總要有少少聖誕氣氛，不過就好明顯好多地方都唔會再大搞特搞，燈飾就... 我 部相機因為冇叉電，同埋都係收工落去行個圈，行完食個飯，不過每一次用電話影，方便係實在太方便，只不過畫質就冇相機咁如意，同埋一直睇慣3:2嘅比例，所以我都要後期裁3:2比例，睇得叫做舒服返，只不過係大芒度睇畫質始終都係冇咁如意。 好 啦影得就唔算多，不過現場環境人就好多，都係你影我我影你，大時大節有咩活動都係咁上下啦，當然相影得唔好都將就下啦，而家直接放上相簿，撳一撳就可以睇到相。 拍攝：ALEX.C 日期：2025/012/22 地點：皇后像廣場花園 器材：小米14 連結： Merry Christmas, 聖誕手機隨拍夜 TAG.: 2025, x'mas, 聖誕, 燈飾, 手機, 隨拍夜

  W eChat 影音號我諗大家唔唔陌生，不過有時睇到視頻除咗按"讚"或"心"之外，好似冇咩其它方法可以儲存留返下次重睇，或者大家可以找找"小程式"搵影音號下載就會有方間一啲所謂人工號轉發就幫你分享而下載，但係我發現係會有一啲問題，因為佢係會記錄你本身 WeChat 帳號，有啲會頭幾次比你免費試用，跟住就會要你比錢先可以下載，或者有啲又要你先註冊至以可用。 當 你試用過之後，你就全不自然咁問自己，流量你就識，有時就係冇咁多流量先至諗點儲存更方便自己去返睇，以經舊版本每睇完一次都會係電話到留下一啲毛，不過唔知幾時更新後 (咩版本) 開始以經方法以經用唔到，2025年尾啦，我當然又四維嘗試搵吓有咩方法，而唔洗經"小程式"加號，唔洗註冊，唔洗比錢自我任由下載。 STEP by STEP 1) 首先你要安裝 res-downloader，安裝完後用"以系統管理員身份執行" https://github.com/putyy/res-downloader 2) Windows 版 WeChat 然後用手機登入 3) "影音號"時如果你想下載睇更視頻，先按"分享"再SEND比自己 4) 用電腦打開連結，呢個時後res-downloader就會一LOAD影像位置然後自下載即可 能下載相關影音 res-downloader 係一個開 源軟件，同時支持以下程式下載等等. 視頻號 小程式 抖音 快手 小紅書 直播流 m3u8 酷狗 QQ音樂 TAG.: WeChat, 影音號, 下載

2 025年快完，不經又不覺 ACDSee 原來以經更新到 2026 版，我自己就本身仲用更 Pro v3.0 (2009)，呢個版就以經去到 v19.0 (2026)，其實我自己本身好少去更新軟件，但為一直用冇咩事都唔會去再搞佢，除非同 Windows 有衝突先會去更新。 而 家所有新軟件動不動都上GB，修圖功能唔少得，新版本加入 AI https://www.acdsee.tw/products/photo-studio-ultimate#newdam AI 去噪 AI 髮絲遮罩 AI 沖印預設 AI 臉部編輯 AI 天空替換 擴充的活動管理器 不 過大家如果更新前要諗一諗，記得考慮自己本身電腦處理能力，之不過如果又只係用來睇下相，更唔更新有時都以經唔重要，因為睇相又唔係修圖，所以老舊版本其實都冇咩所謂。 TAG.: ACDSee, 圖影工坊, 2026

 一 年話咁快又會過去，自上個月中同一班老友記開飯，有啲都好多年冇見 (真係個個都老哂)，開心時間過得真快，年尾又係一個要不停付 ($) 出日子，簡單啲講咩都要洗錢，不過環境一直不是好方面，仲要加上11月有一個屋苑5級大火，連燒七棟樓，今次直頭燒出國際，有一個地方唔知，但只係死咗百幾人，失蹤？ 家人？工人等等冇人一提，真係好可悲。 再 加加上十二月收到朋友入咗院，心情更加低落，事事又唔順利，低潮人生呀，祝朋友早日康復，家人就更擔心，但朋友可以做到啲咩。 年 中識咗個朋友，不過每次都係單向就好似攝時間，無耐最後都係算，有工作就努力做住，明年環境都覺得好嚴峻，但做人努力過就好，好事無我份，但都睇淡咗，平平安安就好。 TAG.: 2025, 最後一個月, 心情低落, 朋友入院

對 上一次自己買新電腦以經唔覺唔覺係快要4年 (係...咁又4年)，當年12代都算係最新 CPU，對一個以經冇玩電腦遊戲人來講，一般以經係完全足夠，係上個月家中老頭子電腦原來都一直開始出現問題 (大量不明文件)，花了幾天時間清理後原來 HDD 都出現問題，真心以經唔想搞，但當用一啲好簡單軟件都要諗到天荒地老，更唔好話用咩文書/簡單執相軟件等等... 真係想一腳踢落去。 年 尾啦，本來一直係諗住買部平平地 NUC 用來玩 NAS，不過係2個月前成功以經用返部 2008 年舊腦，一部家中影音、日常、生話記帳、IPTV 等等以經成為收工後追劇娛樂，更唔好話一個相簿都成工建成。 今 次唔諗就直接買咗另一部 NUC，不過係買比家中老頭子，細細部機又算再一步到位，有冇買錯就唔知，只係知好多電子產品都以經加返晒價，買嘢好多時都係有買貴就冇買錯，不過今次見到新式洋垃圾，又有幾多人敢買來用，一路睇落去我去試燒下機，又完全冇問題，用落都幾爽，見個價位都係心理關口之上，好... 直接 Ultra 7 工程版到手，如果正正常常可以用返十年八年基本都冇咩問題 (自HIGH)。 到 手後等一感覺就好似買咗個厚版電視盒，NUC 只不過係非一般電腦，其實就係迷你一體機，而 CPU 係 筆記型電腦的行動處理器，不過部機 比我而家用更部 i5 仲要平 (當年入手時)，你話點搞吖。 All in ONE 不明一體機： - Intel® Core™ Ultra 7 Processor 255H 處理器 (ES) - Intel Arc Graphics 140T (8Xe 核心) - AMI MainBoard - DDR5 插槽 x2 - PCIe 4.0 M.2 插槽 x2 - 雙 2.5G LAN - WiFi 6 + BT 5.2 (可自行升級 WiFi 7 + BT 5.4) - USB 3.0 x4 - 4K HDMI 2.1 / DP 1.4 / Type-C USB 4 / OCulink 開始簡單試機 首先必需先安裝 Windows 是常識吧，再安裝所有驅動程式 (呢個搞咗好耐)，不過最後都能下載同成功安裝，最後先慢慢同咩軟件先一個個裝返上去，因為 U7 唔係正式版問題，所以我就用 TEST 軟件去測試，最後全部正常，其中包括 3DMARK 都有試。 魯大師 SYSTEM IN...

話 時話真係好幾年冇同朋友一齊聚會食個飯，要婚都婚了，有咗家庭更加難出來食個便飯，我地呢啲今時今日仲係一支公真係只有工作，而又冇咗娛樂，不過上星期有個朋友真係話好多年都冇聚過，就再有時間就出來食個飯吹吹水，呢啲日子真係回不來。 聚 會係一啲友誼餐，經過好幾年時間，再一會大家年紀以經咁上下，有時真係都幾唏噓，時間不留人，就連我自己都開始有白髮，真的.... 呢 幾年大家都知咩事，聚會跟本係冇咩可能，唔係你怕就我怕你，有小朋友的家庭更加要小心交際，所以基本個個都係可免則免可。 話 咁快又11月中，一年真係好快又一年，朋友齊人食個飯下次真係唔知要幾年後。 TAG.: 朋友聚會, 2025年, 11月

相 信大家都有網購嘅習慣，11.11以前係淘寶/京東一年一度嘅大優惠，你想買嘅產品佢哋都會做補貼或者出更大嘅優惠，不過經過咁多年嚟嘅轉變，吸引力其實已經越放越下，而哩幾年好多人都發覺，係所謂雙十一比之前商品價格都加哂價再俾優惠你，其實已經好冇吸引力，咁多年嚟想買嘅嘢要買嘅始終都要買，唔會等係哩啲所謂大時大節雙棍節先買。 之 不過雙11之後又再演變雙12，其實都係同雙11一樣，以前係哩啲咁嘅時節佢保持住雙11嘅最低優惠，前幾年的確係好吸引，無論價格 / 運費都平，但物價就年年上升，所以好多嘢都慢慢咁一啲一啲咁加價。 不 過係疫程之內，香港嘅經濟實體店真係執咗好多，哩啲都係網購嘅成因，不過網購真係太方便，你惗唔到嘅嘢都可以搵到，而你搵唔到嘅嘢亦都搵到，係年頭，拼多多仲玩埋一件包郵，一1啲人幾蚊都同你包，你都唔好話香港嘅經濟再死都幾沉重。 呢 幾年嚟，我都冇再點關注呢啲咁嘅活動，有需要買始終要買都唔會等到佢限時限刻。 最 後，唔知大家仲會唔會係呢啲日子而買為買呢？ TAG.: 雙十一, 11.11, 網購

呢 期月尾電腦展，我都以經好多年無去過，因為冇咩特別雖要去買，但係成日見分享呢個點平果個點平，呢啲節日又做特價咁，而上星期休息無聊係枱底囉返部N年前舊電腦出來，第一部開到機可能舊 (2012年)，過一陣就着唔返，搞唔到轉頭就電子垃圾，再係枱底囉第二部出來 (仲舊)，係當年2手買返來本來放係廳用，因為 2022 換左自己部主機，上一部就換返放左係廳用，而再次多一部電子垃圾，咁舊同慢真係唔知有咩好用。 係 淘X見到 NAS 都要幾百蚊，雖然機身唔大，但幾百蚊果啲又話冇呢樣冇果樣，搞得來又要咁多線，不過細心一諗，可以試吓用電子垃圾加隻 500GB HDD (仲要用唔到 USB 開機)，又要燒 DVD 來安裝，真係唔知幾多年冇玩過裝新系統，問題係又要燒碟 ＞ 安裝 ＞ 設定等花上大量時間，差唔多等同以前安裝完 Windows 後再更新幾個鐘咁上下，好彩到最後都成功安裝，一心只諗住用下"相簿"同"影視"。 私 網 NAS 網上相簿，要出公網先可以係街到分享到比人，搞來搞去得個吉，又要設路由器又要設 DDNS，睇左好多介紹同點設定，開頭都只係做到 50/50，即係一時得一時又唔到，可能我同時用更兩隻路由器關係，TP-LINK 真係好簡單開個 DDNS 打返個 PORT 位就得，而 ASUS 就點搞都出唔到街。 我 用咗咩舊電子垃圾，E6550@2.3GHz (2008年出品)，4GB Ram，好彩個 DVD 仲用到，當年以經有 1GB LAN，自己再加返隻 500GB HDD，唔好講咁多，開始開工安裝飛牛 fnOS NAS 系統。 係 我下載返來時，版本係 v0.9.21@2.13GB，因為本身有自家 APP，可以好簡單咁用返個 APP 就直接話控制，或者用返本身個播放器睇電影咁，係街就睇返自己屋企內部影片，唔伯冇嘢睇，只怕你冇數據。 不 過我冇諗到係，原來佢仲可以直接網上更新系統至最新版本，出文之前我以經更新咗 v0.9.22。 雖 然係國內系統，你可能問我會唔會好唔安全，講真就算買其它港版大品牌都成日話出好多問題，其實咪又係一樣，我又唔係放重要文件，都係有時想分享一下啲相呀，文件等等，有自家 NAS 就真係方便好多，就算你估放咗上雲端又好安全咩，咪又係人地個伺服器，你刪除後知唔知佢有冇留渣係到咁咪又係一樣唔知，不過我試過有啲上傳咗分享...

近 排因為整理資料，又係櫃底 HDD 囉返出來抄資料，以前都買過一個 USB 3.0 SATA 硬碟座，不過係單向單盤，都好多年前事，因為好少用原因到而家都仲未壞，不過最近又手多多買咗個2位硬碟座，同時可以讀2隻 (2.5吋或3.5吋) HDD / SSD，只要係 SATA 就可以，而隻火牛就當然要加碼去到 3A 咁大。 方 間都好多唔同牌子選擇，咩隻牌子好唔好就真係唔知，不過功能就係都差唔多，以前大部份都係一鍵備份功能，而家就睇中佢就係一鍵 克隆 (Clone) 功能。 克 隆係咩自己可以去查下，以前我每一次 Clone，都要拆機又清塵，搞一大攞到最後又只係還原先搞掂，而家有咗佢就簡單好多啦，留隻有原盤，玩到有問題最後直搞一鍵，搞掂。 克 隆 基本原理只要係目標 HDD / SSD  容量 必需同等或大於原 盤就可以，好簡單，無需連接電腦只係按一按制就自動 (等待) 完成，我當然又做咗白老鼠啦，佢真係由每一個區位咁 Clone 過去，我隻 HDD 檔案系統  Btrfs，Clone 完一次就係寫入咗原 盤完整 GB 數，不過有個問題就係唔知速度同時間係唔係成正比，定係我本身隻 HDD 讀/寫以經開始有降低現像。 最 後當然成功， 系統  Btrfs 都正常開機,，正常使用。 TAG.:  USB3.0, SATA, 硬碟座, Docking Station,  克隆, Clone, HDD, SSD

前 日開始冧檔，事隔兩日，今日有返啲精神同冇咁暈去睇醫生，係急性胃炎引起，冇胃口，標冷汗，胃痛，肚屙，頭暈，真係頂唔順。 食 完個下午茶就一直等睇醫生，等攞藥而家返屋企休息，呢幾日都唔開工，過兩日再算，錢搵返嚟就係為咗睇醫生。 TAG.: 十一月自我休息, 病死人

呢 到係 Google Blogger，一直以前攝影為主，玩物器材、到最後加網購分享，其他呢到以前真係用左好多心機落去，雖然只係個人分享而一啲都唔專業，但係都好值得參考，有時我自己睇返都好開心。 B log 本來原意就係日誌咁上下，呢到我有新作品都會一直更新 (雖然以經冇咩時間影相)，不過我一直都想搵一個可以當寫日記網頁，我手字唔靚，所以我主張打網誌多，呢幾日開咗個私家 Blog 可以當日記、筆記咁打，記錄一下同分享，而家可能主要係個人日記，開的分享、Docker 筆記等等...  👉 👉  Alex Blogger (私人網誌) 👈👈 個人日記，唔洗多講更係只係吹水同無聊打下字咁 開的日常，一天行程分享 (漫無目的咁做) Docker 部署，記錄筆記 (唔洗四維再搵) 而 家先慢慢整理更 Docker，完成後再睇下有咩分享，都要等放假得閒先慢慢一小部分咁打。 TAG.: Alex, Blogger, 私人網誌

B logger 部落格上傳照片要如何刪除……搵咗一陣，原來一早換左另一個版面，唔再係相簿入面，雖然唔係而家事，不過因為我一直都有上傳圖片，但今日因為少少更新想將圖片刪除先再搵搵教學，最後順利刪除 Blogger 中不要的照片。 Ｇ oogle 一早又把 Blogger 圖片修改的介面改了，原本 Blogger 文章編輯頁面已無法直接移除不用舊照片。新的移除方式請參考以下 刪除 Blogger 照片教學： 登入 Google 戶口 進入  Blogger MediaManerger   頁面 然後點選要移除照片並移除 新介面與 Blogger 沒有直接連結好唔方便，唯一好處就係照片排放時間改由新到舊。 TAG.: 刪除, Blogger, 部落格, 照片

曾 幾何時，燒碟係其中一個樂趣，由CD-RW、DVD-RW，當年真係燒咗唔少錢，燒碟機都買過唔少部，不過而家嘅電腦用 USB手指真係平過當年所有燒錢機，因為燒碟始終都係一次性，但係手指就可以不停重複咁用，講實惠方便真係追唔上時代潮流。 而 家都2025年，係哩個年代我都冇惗住係櫃桶底抄返部燒碟機同啲CD-R出來，係我印象之中我都仲有過百隻吉碟，當然當中都仲有少部份係DVD。 因 為今年有啲特別事又要燒碟，但由於以經一早更新新咗 Win11，所有好多老舊版本軟件都用唔返，記得當年一直最好用就係 Nero (6.6.1.4)，軟件細又安裝快，簡單又易上手，不過到今時今日電腦原來以經唔支援，以經用唔返，為有只好再努力做下功課去搵一個比軟新版本，而今次搵到Nero Burning ROM 2021 (23.0.1.20)，顧名思義都係2021年所出，不過係 Win11 嘅64BIT系下運行完全冇問題，但檔案大少由當年34MB一下增加到208MB。 不 過而家都25年，你諗下仲有幾多人會用燒碟機，其實我自己都唔知幾耐冇再用過燒碟機，不過由櫃桶底攞翻出來睇一睇原來部機都15年前，雖然好新淨加少少灰塵，其實心惗都唔知仲用唔用到，始終都唔知自己擺咗幾多年，不過佢都好叻叻正常幫我燒咗8隻 CD-R，雖然每隻得2~5MB 檔案，但係對我來講佢幫咗我就係幫咗我。 TAG.: 光碟機, 燒碟機, CD-R, CD-RW, DVD-R, DVD-RW, Nero, Burning, ROM, Express, 2021, 23.0.1.20, 燒錄軟體

人 生十年容易過，我都好耐冇出現去影相，2019年過後大家都知發生左好多事情，唔係我話想去改變就能改變，但好多嘢都只係可以跟住個環境去變，但一過去就六年，之前可能都有搞返攝影女像活動，工作為生活，之不過我冇咩時間去。 雖 然 2023 年我都仲有去過花展，不過都係想比器材去運動，開吓快門咁，其實都冇咩話有冇好作品，只係當出去活動一吓/開心一吓。 之 不過今年又換咗工作時間又可以鬆動一下，有時間就去報個名又玩下咁，原來以經六年冇去玩，呢幾年有冇搞我就真係冇點留意，不過而家報名可以網上報或到場用全自機以電子登入方式報名，費用$60元，記得以前名額 1000 減到而家 800 人，不過當日入場記錄好像話得 6XX 人，但係記憶同感覺上人流係少咗，最後都係天宮做美，28度高溫熱係熱啲，不過有陽光總好過落雨。 咁 多年真係唔知仲識唔識影相，不過仲可以出到相以經謝天又謝地啦 XDD.. COPYRIGHT 2025, ALEX CHEN PHOTOGRAPHER, ALEX CHEN DATE 2025/03/13 LOCAL VICTORIA PARK TAG：香港花卉展覽 2025, 綻放英姿, 攝影比賽, 維多利亞公園, 花展 TVB：鍾翠詩, 蔡菀庭, 王汛文, 梁嘉莹, 倪樂琳, 黃紫恩, 葉靖儀, 李君妍, 吳芷靖, 楊梓瑤 TAG.： TVB, 女像. 香港花卉展覽, 2025, 綻放英姿, 攝影比賽, 維多利亞公園, 花展, 鍾翠詩, 蔡菀庭, 王汛文, 梁嘉莹, 倪樂琳, 黃紫恩, 葉靖儀, 李君妍, 吳芷靖, 楊梓瑤