新電上手 (SONY Xperia XA1 Ultra LTE 智能電話)

今次兩年不足又要換電話，其實用開都無咩大問題，之不過更又係有問題先來換啦，無考慮再換旗艦機，三千大右又要 Keep 住有 6吋大 MON，今次就直接換全新出電話。

後語記錄
** 個人換電話記錄 (但我當然係用 BB CALL 先)
1) 香蕉電話 (只可打出打入)
2) Motorola Startac (當年可以任意換機殼)
3) Samsung N620 (第一部十六和弦鈴聲)
4) Samsung P408 (第一部反MON + 可180度轉影相鏡頭)
5) Samsung D528 (係我第一部用 Samsung 最細聲電話)
6) Sony Ericsson I650 (Sony 收購 Ericsson 前身, 都係因為D825 太細聽而換)
7) Samsung i908 (第一次買最貴智能電話, 行 Windows 電話)
8) Samsung GS2 (用過一次 Windows Moble 就怕怕, 第一次用 Android 智能電話)
9) Sony Xperia Z Ultra LTE (要用就用最好, 我用第一部 FULL-HD TFT (IPS) MON 智能電話)
10) Sony Xperia C5 Ultra Dual LTE (用過幾次貴機轉用一下平機, KEEP住6吋無邊MON智能電話)
11) Sony Xperia XA1 Ultra (保持旗艦機一半價錢, 又要KEEP住6吋MON智能電話)

2017/06/15 更新：
用左 C5 都有一些日子，真係覺得幾好，今次用返 6吋機 CPU都無點升，XA1 Ultra 用 MT6757 CUP，食電同 C5 差唔多，不過佢話支持 Qnovo 智能充電及 Pump Express+ 2.0 快速充電，其實簡單 D 講即係最高 1.5A 輸入 (C5 60% 以下叉電最大只有 0.8A)，不過有快一點當然好D，4GB RAM 而家來講真係以經算係入門基本要求，C5 以經頂唔順我安裝 APPs 太多，食 RAM 食電真係食唔少，老實講電話無事我都唔想換，你古我真係荷苞錢多咩，又係出了點問題頂唔順至換，不過算啦，錢財身外物姐。

TAG.: 新電上手, SONY, Xperia, XA1, Ultra, Dual, LTE, G3226, 智能電話, Android

留言

此網誌的熱門文章

2016 (第二十屆) 深圳/香港/澳門國際汽車博覽會

再次北上車展 (影女)，不過今次又係即上即落，順便過羅湖睇小小野，今年天色唔多好，出門落大雨，不過好彩上到去又無點落大雨，如果唔係行都唔方便，當然場內人雖多，但都算係咁，去過幾次以經無咩特別同感覺。 COPYRIGHT 2016, ALEX CHEN PHOTOGRAPHER, ALEX CHEN DATE : 2016-06-05 LOCAL SZCEC PHOTO @ www.facebook.com/alexchkk/ (65 / 65) 更多圖可按"Facebook 連結" TAG.: 2016, 第二十屆, 深圳, 香港, 澳門, 國際汽車博覽會, 車展, 車模, SZCEC

SEGA MODEL 3 街機遊戲 - SpikeOut (First Version & Final Edition)

S pike Out 模擬器以出現很久，但係無人知係唔係完美？日前經舊同學來一來個信息，話想當年街機動作遊戲 SpikeOut 模擬器終於出現，等我鬼咁高興即刻下載來試下玩，點知搞來搞去都唔掂，心情由 HIGH HIGH 即刻 DOWN 哂，唔好話我 COPY 人地內容，當年學生時代真係成日偷偷落機舖打機，KOF97~KOF2000 (拳皇97~2000)，仲有一隻經驗玩就係呢隻 SpikeOut 動作遊戲，而家諗返當年真係交唔小學費係呢隻 Games 身上 ($10生命只玩得一次)，可想而知真係洗唔小錢，交過學費日子有功，$10可以坐上成個鐘或以上。 S EGA 設計的 MODEL3 系統系統要求高水準的品質，影像水平輸出方式為 24Khz，MODEL3 本身並沒有 JAMMA 介面，「大型電玩」系統中還用到了 3.3V 的電壓，可想而知當年 SEGA MODEL3 系統有幾大食。個人建議桌上電腦 (PC) 要求： WIINDOWS (XP / 7 / 8.1) - (x86 或 x64) CUP 所有 I 系列 (I3 / I5 / I7 中央處理器) DISPLAY (GT-630 1GB DD3 或更高校能顯示卡) RAM (4GB 記憶體或以上) 講真我自己心有不甘都搞左幾日，點解點解我會玩唔到，網上又無人講個電腦最基本要求係咩，搞到我心思思搞多啲，其實 SpikeOut 真係經典中經典，咩新 Games 可以唔玩，但係 SpikeOut 就真係唔可以唔玩。 SpikeOut 模擬器 (supermodel3 0.2a + UIR 0.3a) 大家要先有 SpikeOut 本身 ROMs，如果無就上網找找，其實有兩個版本，第一個版本係 First Version 、第二個版本就係 Final Edition 。（簡介：1999 年推出的 SpikeOut Final Edition，為 98 年 SEGA MODLE3 底板街機作品 SpikeOut Digital Battle Online 的最終修定版，FE 除了改良了不少舊版的bug，還加插了幾條新路線及 SHIP YARD 一大關，連招上也更得心應手。）當大家有左遊戲 ROMs 檔後，就要找一個 Supermodel3 Emulator (模擬器)，我自...

Tenda 300Mbps USB 無線上網手指 (WiFi 發射/接收器)

好無聊好無聊好無聊 (說了三次)，無啦啦買左呢支 USB WiFi 手指，開頭只系諗住平平地買張 150Mbps 就算，不過功能只系得接收，其實都一心諗住比部11年前手提電腦用 (係，你無睇錯我都無打錯，係11年前手提電腦，因太舊 WiFi 得 54Mbps)，所以都係玩下就算，點知用後覺得有買貴無買錯，玩玩下而家比左部主機用，本身用 LAN 上網仲加個 USB WiFi 手指把鬼，原來仲可以好簡單咁共用檔案，真系好方便，唔洗下下都抄去 SD 卡再用電話睇，方便至極。呢張 Tenda 用 Realtek (RTL8192EU) 晶片，實質 WiFi 行唔行到 300Mbps 我真係唔知，不過見佢介紹就咩 2T2R (雙通道技術)，即係話本身手指以經有內置天線同外置天線雙重組合來加強 WiFi 信號，不過電腦係房，而電話係客廳用，有個小轉灣位連接信號幾好，不過再入第二間房就好差了 (或以經收唔到)，如果手指放係客廳信號可能會好啲。先試用 WiFi 上網接收信號很穩定，連接家中 Router 速度合理 (當然同 300Mbps 速度對比)，同用其他牌子卡上網速度無咩分別，但系最想試用一用就係 WiFi 發射 (即 AP 模式)，佢可以用本身有上網電腦再用 WiFi 分享上網 (其實等同 Router)，可以減低太多人同時使用同一個 Router 負擔，仲可以自己獨立構建無線 WiFi / 電話 / 平板 / 等上網設備共用網路同檔案等，唔想用相同 Router 設定分享最佳選擇。 2016/06/17 更新： 1) Win XP/7 要安裝軟體，Win10 即插即用 2) WiFi 發射/接收，使用安裝後本身 Wireless Utility 軟體轉換 3) 長時間使用一啲都唔熱，真系唔錯 4) 本身手指上仲有一粒 WPS 制，方使連接 WiFi 上網使用 5) 內聯網穩定，用 WiFi 睇左1個鐘 Full-HD 電視都無 Lag 過，4K就有點吃力 TAG.: Tenda, 300Mbps, USB, 無線上網, 手指, WiFi, 發射, 接收, AP, 路由器, Router

ALEX.C〔攝影．玩物．淘樂〕

搜尋此網誌