跳至主要內容

SONY NEX-7 相機維修

4月1日係咩日子，係一個同平時一樣無特別日子，但4月1日係愚人節大家唔知有無人俾朋友或別人愚弄一下咁？我今年就俾電子器材愚弄左啦，影相... 影相... 相機錯誤，唔係咁大整古呀，真係無重入手了，愚人愚己？

今日都仲要開工時間唔太忙，午飯時間先上一上 SONY 放低部相機維修，唔係都唔知幾時得閒走上去搞搞佢，有時都唔知真係開心定搞笑好，不過而家 D 電子嘢真係唔好可以打算望使用十年八年，因為新一出真係貴到一貴，3個月小小回落，6個月再減小小價，12個月二手就大落價等新機，相機、電話真係唔可以成日追，每次出一次任何新機都會一次大出血，真係無陰公。

上一上 SHOWROOM 就更係又玩下相機啦，我對 Sony A7 任何一個型號都非常 LIKE (但錢係一個問題)，所以我反而想入部 Sony ILCE-5100/6000 玩下，其實都係最主要俾家人用，不過 ILCE-6000 要俾多千幾蚊多 EVF & 11連拍真係又唔係好唔捨得，講真吖，千幾蚊對好多人好似唔係一個大數目，但對我來講就真係好一般多嫁啦，要做35小時左右工作喎，全部都係辛苦錢，所以咩都要就住就咁用。

Sony 而大家部份相機都加入左 NFC + WiFi，今日親身上去試左點玩法，真係好鬼方便又好玩，心動自然來自沖動，不過愚人節咁樣搞一搞分分鐘又大出血，所以咪搞，放假.. 放假.. 忘記它吧。

TAG.: SONY, NEX, 相機, 維修, 2015, 愚人節
標籤：

留言

發佈留言

此網誌的熱門文章

SEGA MODEL 3 街機遊戲 - SpikeOut (First Version & Final Edition)

S pike Out 模擬器以出現很久，但係無人知係唔係完美？日前經舊同學來一來個信息，話想當年街機動作遊戲 SpikeOut 模擬器終於出現，等我鬼咁高興即刻下載來試下玩，點知搞來搞去都唔掂，心情由 HIGH HIGH 即刻 DOWN 哂，唔好話我 COPY 人地內容，當年學生時代真係成日偷偷落機舖打機，KOF97~KOF2000 (拳皇97~2000)，仲有一隻經驗玩就係呢隻 SpikeOut 動作遊戲，而家諗返當年真係交唔小學費係呢隻 Games 身上 ($10生命只玩得一次)，可想而知真係洗唔小錢，交過學費日子有功，$10可以坐上成個鐘或以上。 S EGA 設計的 MODEL3 系統系統要求高水準的品質，影像水平輸出方式為 24Khz，MODEL3 本身並沒有 JAMMA 介面，「大型電玩」系統中還用到了 3.3V 的電壓，可想而知當年 SEGA MODEL3 系統有幾大食。 個人建議桌上電腦 (PC) 要求： WIINDOWS (XP / 7 / 8.1) - (x86 或 x64) CUP 所有 I 系列 (I3 / I5 / I7 中央處理器) DISPLAY (GT-630 1GB DD3 或更高校能顯示卡) RAM (4GB 記憶體或以上) 講 真我自己心有不甘都搞左幾日，點解點解我會玩唔到，網上又無人講個電腦最基本要求係咩，搞到我心思思搞多啲，其實 SpikeOut 真係經典中經典，咩新 Games 可以唔玩，但係 SpikeOut 就真係唔可以唔玩。 SpikeOut 模擬器 (supermodel3 0.2a + UIR 0.3a) 大家要先有 SpikeOut 本身 ROMs，如果無就上網找找，其實有兩個版本，第一個版本係 First Version 、第二個版本就係 Final Edition 。 （簡介：1999 年推出的 SpikeOut Final Edition，為 98 年 SEGA MODLE3 底板街機作品 SpikeOut Digital Battle Online 的最終修定版，FE 除了改良了不少舊版的bug，還加插了幾條新路線及 SHIP YARD 一大關，連招上也更得心應手。） 當大家有左遊戲 ROMs 檔後，就要找一個 Supermodel3 Emulator (模擬器)，我自...
13 則留言
閱讀更多

「綻放英姿」攝影比賽 (香港花卉展覽2025)

人 生十年容易過，我都好耐冇出現去影相，2019年過後大家都知發生左好多事情，唔係我話想去改變就能改變，但好多嘢都只係可以跟住個環境去變，但一過去就六年，之前可能都有搞返攝影女像活動，工作為生活，之不過我冇咩時間去。 雖 然 2023 年我都仲有去過花展，不過都係想比器材去運動，開吓快門咁，其實都冇咩話有冇好作品，只係當出去活動一吓/開心一吓。 之 不過今年又換咗工作時間又可以鬆動一下，有時間就去報個名又玩下咁，原來以經六年冇去玩，呢幾年有冇搞我就真係冇點留意，不過而家報名可以網上報或到場用全自機以電子登入方式報名，費用$60元，記得以前名額 1000 減到而家 800 人，不過當日入場記錄好像話得 6XX 人，但係記憶同感覺上人流係少咗，最後都係天宮做美，28度高溫熱係熱啲，不過有陽光總好過落雨。 咁 多年真係唔知仲識唔識影相，不過仲可以出到相以經謝天又謝地啦 XDD.. COPYRIGHT 2025, ALEX CHEN PHOTOGRAPHER, ALEX CHEN DATE 2025/03/13 LOCAL VICTORIA PARK TAG：香港花卉展覽 2025, 綻放英姿, 攝影比賽, 維多利亞公園, 花展 TVB：鍾翠詩, 蔡菀庭, 王汛文, 梁嘉莹, 倪樂琳, 黃紫恩, 葉靖儀, 李君妍, 吳芷靖, 楊梓瑤 TAG.： TVB, 女像. 香港花卉展覽, 2025, 綻放英姿, 攝影比賽, 維多利亞公園, 花展, 鍾翠詩, 蔡菀庭, 王汛文, 梁嘉莹, 倪樂琳, 黃紫恩, 葉靖儀, 李君妍, 吳芷靖, 楊梓瑤
發佈留言
閱讀更多

飛牛 fnOS (自建網路儲存伺服器 NAS)

呢 期月尾電腦展，我都以經好多年無去過，因為冇咩特別雖要去買，但係成日見分享呢個點平果個點平，呢啲節日又做特價咁，而上星期休息無聊係枱底囉返部N年前舊電腦出來，第一部開到機可能舊 (2012年)，過一陣就着唔返，搞唔到轉頭就電子垃圾，再係枱底囉第二部出來 (仲舊)，係當年2手買返來本來放係廳用，因為 2022 換左自己部主機，上一部就換返放左係廳用，而再次多一部電子垃圾，咁舊同慢真係唔知有咩好用。 係 淘X見到 NAS 都要幾百蚊，雖然機身唔大，但幾百蚊果啲又話冇呢樣冇果樣，搞得來又要咁多線，不過細心一諗，可以試吓用電子垃圾加隻 500GB HDD (仲要用唔到 USB 開機)，又要燒 DVD 來安裝，真係唔知幾多年冇玩過裝新系統，問題係又要燒碟 ＞ 安裝 ＞ 設定等花上大量時間，差唔多等同以前安裝完 Windows 後再更新幾個鐘咁上下，好彩到最後都成功安裝，一心只諗住用下"相簿"同"影視"。 私 網 NAS 網上相簿，要出公網先可以係街到分享到比人，搞來搞去得個吉，又要設路由器又要設 DDNS，睇左好多介紹同點設定，開頭都只係做到 50/50，即係一時得一時又唔到，可能我同時用更兩隻路由器關係，TP-LINK 真係好簡單開個 DDNS 打返個 PORT 位就得，而 ASUS 就點搞都出唔到街。 我 用咗咩舊電子垃圾，E6550@2.3GHz (2008年出品)，4GB Ram，好彩個 DVD 仲用到，當年以經有 1GB LAN，自己再加返隻 500GB HDD，唔好講咁多，開始開工安裝飛牛 fnOS NAS 系統。 係 我下載返來時，版本係 v0.9.21@2.13GB，因為本身有自家 APP，可以好簡單咁用返個 APP 就直接話控制，或者用返本身個播放器睇電影咁，係街就睇返自己屋企內部影片，唔伯冇嘢睇，只怕你冇數據。 不 過我冇諗到係，原來佢仲可以直接網上更新系統至最新版本，出文之前我以經更新咗 v0.9.22。 雖 然係國內系統，你可能問我會唔會好唔安全，講真就算買其它港版大品牌都成日話出好多問題，其實咪又係一樣，我又唔係放重要文件，都係有時想分享一下啲相呀，文件等等，有自家 NAS 就真係方便好多，就算你估放咗上雲端又好安全咩，咪又係人地個伺服器，你刪除後知唔知佢有冇留渣係到咁咪又係一樣唔知，不過我試過有啲上傳咗分享...
發佈留言
閱讀更多