2013深圳國際汽車展覽會

2013深圳國際汽車展覽會"暨"第三屆進口車＆豪華車展，第一次去影車展，目標係車定女定另有目的的我，只係知道要一早去晚回係都幾辛苦，我都唔知幾多年無去上行下，真係面目全非，上到上真係好似一個傻仔咁。

因要代朋友轉交物品，再加上十一係國內黃金週長假，聽朋友講話可能好多國內人外出，都唔算太多人，吓～　原來咁都唔叫太多人 XDD.... 講真第一次去影，因為似鍾係國內，怕爬手多，都係帶一機一鏡最好，重有就係錢財必定貼身，呢個係家人同朋友必定提點。

去車展就更係影下車啦，不過都係講下就好囉，靚車一定就人多睇 & 影，加上如果有車模就更加多 (加上我呢 D 龍友)，真係想行近 D 都難，不過，因為由於國內場地真係好大，加上開了好幾個展覽館，慢慢行、影下相、睇下車、走一圈分分鐘都要成個鐘，唔算大但都人多，但真係以經比香港好影好多，通常都只係一兩排人而以 (最多都係三排人)，香港？我試過前後加上有十排人，以地方同人比例係成正比，呢個一定有差異，所以香港影相係好辛苦。

車展咁大個場車好多、但人更多，所以當上了一定時間，真係都以經影唔到車 (其實我一早放棄左)，所以都係去睇下同影車模為主，除左幾個品牌外，原來真係面對面咁近咁影，人又多、手機又多，有 D 真係近到唔知點影，但如果講話靚唔靚咁就真係各花入各眼，不過國內係呢方面就明顯比我地龍友溫純得多，唔多唔少都會影完就轉位樣位，但當然也有少部份人就.... (唔多講大家明啦)，影女真係無處不在 (因為唔係男就係女)，龍友都一樣，有女就有龍友 ，諗起個好得意畫面 :-)

我都只係求鬼其 SNAP 下就算，呢 D 場合真係要影得靚真係要小小時間，行完影完更係同朋友去食下野吹下水，咁又玩完個紅日。








COPYRIGHT 2013, ALEX CHEN
PHOTOGRAPHER, ALEX CHEN
DATE : 2013-10-01
LOCAL SZCEC
PHOTO @ www.facebook.com/alexchkk/ (38 / 38)

TAG.: 2013, 深圳, 國際汽車展覽會, 第三屆進口車, 豪華車展, 會展