SIRUI N-2204 + K20 (思銳碳纖維腳架+鋁合金雲台)
腳架牌子都有好幾隻，真係唔知點入手好，本來一心只諗住把舊鐵腳換個新波頭 (雲台) 就算，不過經過一而再再而三，同經過上星期晚上帶舊鐵腳去影 TIME LAPSE，經過多小時拍攝同帶住佢四維走，真係重到無朋友，真係成日心思思又再次把我的起心肝去找資料。
BENRO、SIRUI 係我選擇之一 (雖然係國內品牌)，當然仲有其它或有更好的，不過我都只係想 3K 價錢以下就搞掂佢 (因為最好或太好覺得真係幾貴吓)，一來我小用，二來唔想太貴，三來又想輕便，四來又可以係理想之中，真係都幾煩下，最慘係身邊沒有朋友介紹，又要用上多點時間去了解其各特性。
其實波頭 (雲台) 我當初只打算最平最化算就算 (因為我真係唔多用)，但朋友說韓國品牌 PHOTO CLAM 很好，我都再上網找找資料，再經過只行細心做個對比，我當初只要平的那個以經完全過不了自己的關口，因為用料一般、負重不足，再經過網友評語更加死心，只好向錢看永遠是正確的，經過自行第二次分析，我都打算跟朋友一齊買 PHOTO CLAM 品牌，但又因經過買不到水貨 (因為平D)，所以一次再一次放棄諗頭，要在香港買因為覺得貴差 (其實我都相信一樣係水貨)，所以我又再次放棄這個品牌選擇。
其實我都以經睇定左 BENRO C-2682 定係 SIRUI N-2204，最後因為 SIRUI 輕小小同可負重多小小，我最後決定了就比錢囉，我可以話對腳架完全沒有應識，第一次膽粗粗買支碳纖維腳架 + 鋁合金雲台，咁就又再次洗左我半個月糧。
SIRUI N-2204 腳全開都以經有我個人咁高，可以唔洗升高中柱，仲有就係兩品牌都可一腳兩用，就係可以轉做單腳架，如果我另外減去呢個價錢，其實都幾化算，我真係左計計右計計，最後當然買腳都可以買身家，不過是否真的足夠就可以，因為我相信十個有九個都情願用咁多錢來買支腳，倒不如把器材升級仲好吧！
老實講負重係唔係真係有官方可以咁重，我就當然有保留，不過波頭，就真係買大一個 SIZE 就一定比較穏陣小小，就算負重官方講到可負重 20kg，如果有 1/3 就以經算係咁 (似鍾要明白係國內貨)，如果真係足旁，咁就唔會有咁多人投訴啦。
我試左把 BODY + 70200 + 閃光燈，估計約 4kg 內，感覺還可以，再換上 BODY + TELE 鏡，鎖實波頭後按機身快門都可以係2秒內穩定好 (設定自拍2秒)，以經比我之前鐵腳仲要 DUP 頭不停震來講係好好好多啦，3K 內都係一個不錯決定，當然如果可以仲平 D 我更係仲開心啦，希望我日後會更加多用腳來影相吧！
官方網站連結
* SIRUI N-2204X 碳纖維腳架型號介紹
* SIRUI K-20X 鋁合金雲台型號介紹
TAG.: SIRUI, N-2204X, K-20X, Carbon Fiber, 思銳, 碳纖維, 腳架, 鋁合金, 雲台
留言
發佈留言