ALEX.C〔攝影．玩物．淘樂〕

好 快又一年，入秋又係時候睇靚衫同換換新衣，ACM 又搞左個秋冬新時裝SHOW，一如又以往都係差不多同一位置，不過今次人真係太多，又沒有足夠位置比嘉賓，坐搞到我個個人頭都入鏡，真係唔要三級梯就一定要櫈仔，影相姐，真係仲辛苦過返工，唔講咁多，都係記錄性時裝，不過差不多全部都係大半身，無計啦～　人生得唔高又無梯企，影到以經算偷笑了吧！ FULL SHOW 出相 / 63 件時裝以單一在台前來來回回。 可按 facebook.com/alexchkk 連結全記錄。 雖然唔算係咩靚相，不過睇下都開心嫁嗎。 COPYRIGHT 2013, ALEX CHEN PHOTOGRAPHER, ALEX CHEN LOCAL FESTIVAL WALK DATE 2013-09-27 PHOTO ON facebook.com/alexchkk (63/63) TAG：秋色, 儷影, Fashion Show, 時裝匯演 ,Festival Walk, 又一城 MODEL：Mandy Lieu, Jessica C, 汪圓圓, 松岡李那, 蔡恩真, 鍾浠文, 徐靜雯, Jocelyn Luko, Melanie Z

秋 高氣爽一家大細外出玩，係草地走來走去或爬高爬低都以經好開心，今次係我等一次見到四隻一家大細一齊出動，不過因為小朋友太多，又好大聲不停咁叫，搞到好怕人松鼠都四維不停咁走，最後仲走返上樹頂無得影，佢地身手真係好敏捷，兩秒就上左樹頂，呢排又開始熱返，唔知呢排松鼠家族仲會唔會一齊出動呢。 四隻影到兩隻，都算係咁啦 :) 唔好以為我玩重暴或執相，其實我睇更佢 (松鼠) 表演 XDD... COPYRIGHT 2013, ALEX CHEN TAG.: 松鼠

當 夕陽照射維港水面上，把水面照到閃閃光光，背景為香港各商業大廈，海中以船照為不一點單調。 COPYRIGHT 2013, ALEX CHEN TAG.: 船照, 維港, 夕陽, 香港

中 秋一過，即刻又來一個颱風，不過都以經九月尾，而家天氣真係好難估計，呢個天兔話係兩日即成型，真係好快，先打去台灣再來香港，不過天文台話呢個係幾十年來最強，中心風速過 200KM，真係都幾可怕。 中 秋大家一定影左唔小相，仲有天兔來臨之前兩日，個晚霞真係靚到不得了，菜園話天紅必會有風雨，每次打風前都一有差不多會係咁。 真係先來個記錄都好，就係天文台的資訊啦 (2013-09-22) TAG.: 天兔, 來港, 香港, 打風, 颱風

得 閒去公園坐下，日光日白最好練習拍攝，只係夕夕陽光上背影而以，放假坐下就係咁就過去，係咪好無聊呢，人像無靚女，不過影 BB 都好開心嫁 ^^ COPYRIGHT 2013, ALEX CHEN TAG.: 背影, BB, 人像

一 年咁就又中秋，先同大家講聲中秋節快樂，維園又有花燈睇，不過今年不勝舊年，覺得很一般同很平凡，由其個大圓月 (加上水的倒影)，覺得上年大魚正好多，不過我中秋前都同朋友去行一個轉，因為影下轉轉圈，搞到玩的時間多，但係影相就一 D 都唔多，好多路人都問我係到影更咩，我都係玩下姐，原來係佢地心目中我 D 相都幾過引同幾正，仲有更係順便去試野啦。 其 本上都係一次過影玩下而以，不過夜影真係好浪費時間，明天就係中秋正日，我都唔去影火龍或再去維圓了，因為一定會好多人，所以我明天我又玩下其它野，或者去影 MAGIC 吧。 COPYRIGHT 2013, ALEX CHEN 中秋大圓月 中 秋節快樂, 中秋除左火龍, 食月餅, 仲有就係睇到眼花花的 (花燈啦) COPYRIGHT 2013, ALEX CHEN 睇花燈 TAG.: 中秋, 大圓月, 中秋節, 維園, 睇花燈

SIRUI N-2204 + K20 (思銳碳纖維腳架+鋁合金雲台) 攝 影除左相機、鏡頭，仲有其實真係好多其它配件要買，如記憶卡、閃光燈等等，不過仲有一樣大家都可能經常會用到，就係腳架啦，老實講我對腳架要求係咩，我自己都唔知，因為我買腳架都只有一次經驗，就係初初買相機時入了一支鐵腳，其實都以經好多年前的事，我用腳架一年都可能只用得兩、三次，或者對我來講係可能係最浪費的一件相機配件。 腳 架牌子都有好幾隻，真係唔知點入手好，本來一心只諗住把舊鐵腳換個新波頭 (雲台) 就算，不過經過一而再再而三，同經過上星期晚上帶舊鐵腳去影 TIME LAPSE，經過多小時拍攝同帶住佢四維走，真係重到無朋友，真係成日心思思又再次把我的起心肝去找資料。 B ENRO、SIRUI 係我選擇之一 (雖然係國內品牌)，當然仲有其它或有更好的，不過我都只係想 3K 價錢以下就搞掂佢 (因為最好或太好覺得真係幾貴吓)，一來我小用，二來唔想太貴，三來又想輕便，四來又可以係理想之中，真係都幾煩下，最慘係身邊沒有朋友介紹，又要用上多點時間去了解其各特性。 其 實波頭 (雲台) 我當初只打算最平最化算就算 (因為我真係唔多用)，但朋友說韓國品牌 PHOTO CLAM 很好，我都再上網找找資料，再經過只行細心做個對比，我當初只要平的那個以經完全過不了自己的關口，因為用料一般、負重不足，再經過網友評語更加死心，只好向錢看永遠是正確的，經過自行第二次分析，我都打算跟朋友一齊買 PHOTO CLAM 品牌，但又因經過買不到水貨 (因為平D)，所以一次再一次放棄諗頭，要在香港買因為覺得貴差 (其實我都相信一樣係水貨)，所以我又再次放棄這個品牌選擇。 其 實我都以經睇定左 BENRO C-2682 定係 SIRUI N-2204，最後因為 SIRUI 輕小小同可負重多小小，我最後決定了就比錢囉，我可以話對腳架完全沒有應識，第一次膽粗粗買支碳纖維腳架 + 鋁合金雲台，咁就又再次洗左我半個月糧。 S IRUI N-2204 腳全開都以經有我個人咁高，可以唔洗升高中柱，仲有就係兩品牌都可一腳兩用，就係可以轉做單腳架，如果我另外減去呢個價錢，其實都幾化算，我真係左計計右計計，最後當然買腳都可以買身家，不過是否真的足夠就可以，因為我相信十個有九個都情願用咁多錢來買支腳，倒不如把器材升級仲好吧！ ...

T ime Lapse 真係好好玩，不過上次問完外籍人佢話真係會玩上引，叫我做個心理準備，因為影只係一個開始，仲有就係要大量處理圖片係一個問題，仲要去執片去完成，真係一步煩過一步。 自 上次之後我一心又打算去影日落，點知而家個太陽收工收得咁鬼早，我去到又無日落影，真係點靚都無得影，好~~ 咁我就的起心肝又再玩下 Time Lapse，因為腳架仲係用更 N 年前的大鐵腳，真係咩佢三個鐘你都咪話唔辛苦，所以就算我影日落都好小帶腳架就係咁原因，重有就係波頭都要比我好用力先可以鎖得更 (用大機)，我都心思思又想玩多 D。 無 日落無靚相為有玩 T-L，今次比上次用得更多時間，電腦壓片又用左一日，而今次又用得更多圖片 (OVER 10GB)，其實都只係小事，因為玩一次 T-L 外籍話一次都用上過"百GB"，所以我呢 D 都只係小毛見大毛，過下引就算，當然如果鍾意可以比個 LIKE 我啦。。。。 COPYRIGHT 2013, ALEX CHEN 按下影片連結 facebok.com/alexchkk TAG.: Time Lapse,of, Hong Kong, NIGHT

今 日又貼攝童真，影小朋友真係好開心，天真無邪快快樂樂就係小朋友童真，簡單玩樂開心就係咁簡單，我又係走去公園仔去拍攝，我行行坐坐咁又一個大半天。 COPYRIGHT 2013, ALEX CHEN TAG.: 攝, 童真, 4, 公園

休 息左幾日，係時候又開始貼下相啦，先來一張正視先，留手係飯碗旁邊正視住我 :) COPYRIGHT 2013, ALEX CHEN TAG.: 正視, 貓

以 前一直用開 Y!BLOG，一升級後問題就多多，點知而家直頭要刪除所有 BLOG & 文章，點都好啦，煩左咁耐而家直頭執笠都係好事，不過唔知可唔可以把 Y!BLOG 文章搬遷到呢到呢? 九 月份人地開始開學佢就玩關閉，真係俾 Y!BLOG 玩死，等我得閒把要的文章 COPY 過度來呢個新家吧，正所謂大執屋，執到一囉屋 (開始搬 Blogger)，得閒搬 D 得搬 COPY D，真係快過等 YAHOO 做野，我而家慢慢把舊文重貼，不過所有圖片都完全死 LINK，只好日後有機會再重貼新相吧！不過如果仲正常同覺得直得留的作品我都會貼，因為作品係一日一日慢慢儲返來，當有一定日子就算唔係話好靚都會有個對比吧。 而死 LINK 的我都當作刪除吧，用小小時間當做修飾一下舊文都係一件好事，搬屋搬屋就係咁嫁啦。 新的開始，好的開始。 2013/09/01 更新 開始整理圖文 2013/09/04 更新 鏡頭實拍 > (圖文完全收正連結) 相機相關 > (圖文完全收正連結) 作品分享 > 人像作品 (圖文完全收正連結) 整理1/3文章+圖片 2013/09/07 更新 完成整理全部圖文，原來有好多 YAHOO 都以經死 LINK，所以倒不如直接刪除文章，重新仔細分類、執位、重貼文章後，總文得返合共355貼，原來都刪除左大約150貼文章，不過都好，當清理垃圾吧。 而家正式開始呢到新 BLOG 用，希望長用長有吧。祝大家好運 Z_Z" 注意： 我用相片以一般螢幕解像度全以 800x800 pixel 或以上，可能載入時間會較慢，請內心等候，如有圖片失效歡迎來信給我我會收正圖文。 在 網友文章內介紹設定，Blogspot 已預設回應時需要輸入「 驗證碼 」。由於驗證碼難以辨認，往往製造輸入阻滯，請大家務必消除「驗證碼」機能，避免無謂困擾。消除機能方法如下： 去首頁右上角 按「設定」， 選「文章和留言」， 在「顯示字詞驗證」處設成：「否」，然後到右上方按「儲存設定」。

無 無聊聊無相影，得閒又打下文，135 又 135 再 135，不過唔係 135 相機，而係 135mm 鏡頭，如果大家有印像我都打過好幾次，不過今次又係 135，可能大家都會覺得悶、或以經覺得又有咩好睇。 S ONY、MINOLTA 同 CANON 我都玩過下，但 NIKON 我反而唔係咁鍾意佢 D 色水，所以無一直都無用 NIKON 就係咁解，可以話我係好色先決吧，我玩過如下的 135mm 鏡頭： * CANON EF 135/2L * CARL ZEISS JENA 135/3.5 * ASAHI SMC 135/3.5 * CARL ZEISS 135/1.8 * 135/4.5 [T2.8] STF * CANON FDn 135/2 其 實用來用去都係 135，之不過其實都各有特色，不過我印象最深刻都係 135ZA 同 STF，一支頂級 CZ 有自動對焦鏡頭，就算現今 2013 年 CARL ZEISS 再次推出 135/2 APO (2.0) 都好，以天價 (HK$19,800) 加上只可 MF，都以經大大令我止步，當然呢個世上有好多好有錢的人 (由其玩相機朋友)，那區區近兩萬大元又算什麼，很多影友只係單單相機都過兩萬以上。 而 另一支就係 STF，呢支雖然係 MF 鏡，不過如果上過手玩過的朋友，除左難用之外真係無直口可以去挑剔，色水、景深、立體感，真係一試難忘，不過而家要找一支新同靚仔都要過萬，真係唔捨得，而出動率真係都相當其低，呢支好多人都話只可以影靜物？非也，影人像膚色色水真係一流。 講 返 Canon FD/FDn 135mm 都一樣有好多個版本，真係想要咩就有咩，不過邊支好就唔好問我啦，正所謂各所好嗎： FD 版出產時期 1970年出產 ：135/3.5 1971年出產 ：135/2.5 1973年出產 ：135/2.5 S.C. 1973年出產 ：135/3.5 S.C. (I) 1976年出產 ：135/3.5 S.C. (II) 1979年出產 ：135/2.8 FDn 版出產時期 1979年出產 ：135/2.8 1979年出產 ：135/3.5 1980年出產 ：135/2 如 果大家想知道更多 FD135 各支鏡頭特性同特色，咁就要自己做下功課啦，因為真係有時我都睇到眼花...