Minolta AF 2x TELE CONVERTER-II APO

SONY 又好、MINOLTA 也好，原裝只有 1.4x @ 2.0x (即係焦距乘 1.4 陪或 2 陪意思)，不過又係一個好煩悶問題，代代不同，有新買新當然最好，之但係個價錢真係唔係人人接受，包括我自己都係，增距鏡一個就要成三千幾 (差不多四千)，仲要兩個都係相同價錢，真係好唔捨得，買返來分分鐘仲好小用喎，所以你話呢，做人真係好煩，又要咁又要咁，都唔知點好囉。

不過我決定一了百了，買個舊版本平小小用住先，其實我都知當任何鏡頭加上增距鏡後，成像都會下降不小，由其 2x 以上，所以買之前都做左心理準備，當然都小不出上網找找佢相關資料啦。

TELE CONVERTER (增距鏡) 各分別都有三個版本
* APO (第一代五點電子接觸點,可配合 200/2.8、300/2.8、600/4 三款長鏡頭所推出)
* APO II (第二代五點電子接觸點,配合鏡頭改進齒輪比的方式加快對焦速度而推出)
* APO D (第三代八點電子接觸點,配合 SSM、D 鏡頭推出,用 SSM 鏡只有這版本才有 AF)

小心使用增距鏡，因為原廠鏡片組與接環係齊平的，所以只有鏡頭尾組鏡片內凹的設計的鏡頭才能用，所以像80~200G這種尾組鏡片與接環齊平的鏡頭就只能用副廠加倍鏡，茲列出所有可用原廠加倍鏡的鏡頭以及支援程度說明如下：

註1※增距鏡各版本可以使用的鏡頭：第一代) TELE CONVERTER AF APO
＊ Minolta AF 200mm f/2.8
＊ Minolta AF 300mm f/2.8
＊ Minolta AF 600mm f/4

第二代) TELE CONVERTER AF APO II
＊ Minolta AF 200mm f/2.8 G
＊ Minolta AF 300mm f/2.8 G
＊ Minolta AF 300mm f4 G
＊ Minolta AF 400mm f/4.5 G
＊ Minolta AF 600mm f/4 G

第三代) TELE CONVERTER AF APO D
＊ Minolta AF APO 300mm f/2.8 G D SSM
＊ Minolta AF APO 70-200mm f/2.8 G D SSM
＊ Minolta AF APO 200mm f/2.8 G
＊ Minolta AF APO 300mm f/2.8 G
＊ Minolta AF APO 300mm f4 G
＊ Minolta AF APO 400mm f/4.5 G
＊ Minolta AF APO 600mm f/4 G

但要注意下列鏡頭可使用但只能使用 MF
＊ Minolta STF 135mm f/2.8［T4.5］
＊ Minolta AF 200mm f/4G MACRO
＊ Minolta AF APO 300mm f4 G
＊ Minolta AF APO 400mm f/4.5 G
＊ Minolta AF APO 600mm f/4 G

唔理佢呢支鏡有幾多個版本都好，三代鏡頭都係共同特點：就係光學設計沒有任何改變，只有外觀，新版就改左快速的對焦齒輪和新的 IC ROM。

註2※：

鏡頭如果用左增距鏡後最近對焦距離與原來鏡頭的最近對焦距離相同，呢一點係非常錯，就好似用左放大鏡咁，新款 (High Speed) 鏡頭搭配舊款加倍鏡沒有影響，但係如果舊款鏡頭搭配新款加倍鏡速度反而會變的更慢，因此不建議舊款鏡頭搭配新款增距鏡使用。

第一 / 二代係不支援 SSM 的鏡頭，SAM 可能也不支援，裝上去之後只能用 MF，不過其他機身馬達帶動的鏡頭是可以的 (註1※)，就算即使用最新八點的 ADI 鏡頭也可以 AF。

MINOLTA 三代增距鏡光學組成均相同，又除了 SSM 以外沒有其他長鏡頭是D鏡，所以基本上不用太在意 ADI，增距鏡我都只試用二代，所以我沒有用過 D 版的，不過個人認為對焦速度上應該與二代一致，而 1.4x 及 2x 的定價相同。

講下個人用後感，日光日白對焦速度真係下降不小，買之前網上各位都講左我都知，不過如果影相唔手震，成像下降有小小 SOFT 感覺，但我覺得有另一種味道，沙龍又不至於沙龍，但整體上係可觀性，所以買唔起炮又係可以值得考慮之一，但係最想講係如果對焦太慢，用家又未必會接受到，不過如果加上 SUPER TELE 可用，真係還是一個不錯選擇。

還記得以前用過 1.4x，不知什麼原因，唔知係唔係鏡問題，當時俾我感覺係比我而家試用 2x 還差 (印像中)，如果有機會有網友 / 朋友有 D 版增距鏡，我真係好想試用一下是否只是加左電子接觸點而以用SSM，仲有就係成像 / 對焦速度有否提升，真係直得一試。

簡單回憶一下以前拍攝過的相