ALEX.C〔攝影．玩物．淘樂〕

假 期天氣都係唔算太好，早星期網友約外出走走拍拍，合我意我都回應同行，因為假期我都好鍾意四維去，大家吹吹水又係開心的一天，放鬆心情的一天真快樂。 平 日係都市煩躁的日子真係一年365日都係，我都好耐無約過網友出去，估唔到今年有機會重拾結交網友，其實都係 Y!BLOG 的網友來，雖然大家第一次都素未謀面，不過感覺好親切，仲有就係大家都有相同興趣，影相/食飯/傾下計真係人生一大樂事，有機會下次再外出走走。 COPYRIGHT 2013, ALEX CHEN TAG.: 假日, YAHOO, BLOG, 網友, 四遊    

上 星期睇更韓劇時覺得電腦開始怪怪的，今次又係 HDD 出問題，對上一次係年半前又係壞 HDD，今次又再次壞多一隻 1TB HDD，真係煩，兩日無上網咩都無做過，未睇相未執相未選擇相，影左好多相都未得閒過相等等，好彩知道得早，唔係真係咩都無 (資料)，先換全新 HDD 再複製一隻 1TB 硬碟，都用上一個晚上時間，其後又要執執個 WINDOWS，真係搞完一獲又一獲。 而 家D電子野真係唔可以粗用，邊有真係三年就壞嫁，過左保養期又無得搞要買過新，真係搞鬼錯呀。 TAG.: 電腦, 硬碟機, HDD, HARD DISK    

介 紹唔多講，又係偷 偷影相唔開工時候，比人知道一定好大獲，今年以經係第三年去呢個花展比賽，小弟不才沒有好作品交上，但又不至於去到好差果 D，但係唔知點解重係唔夠人好，呢個好明顯係我問題，如果有人可以話我知點先影得好，我就真係要有好多改進空間，之但係平平無其也會是一張好相，我真係只用四個大字 (難以形容)。 靚 女先決可能係呢到每個人都會必定指定動作，講真呢 D 大場合去過月友都知一定係 1:N 個人，不過其實影人像更係以人像為主啦，所以背景要處理很好真係唔係一件易事 (人太多)，如果正面拍攝就問題不大，但我年年都去唔到中間位，因為唔會有人比位我去影一兩張，只係會不停有人重後推上，好彩的你影一兩張，唔好彩你影果時咪會走焦囉，哈~~ 不過都見怪不怪啦。 今 年 TVB 藝都同樣係十個，不過今年覺得就平凡了一點，有 D MODEL 皮膚覺得唔太好，有 D MODEL 就好明顯生硬，點影都好似差啲啲咁，不過 MODEL 都身苦啦，就自無一小時拍攝時間，都有四十五分鐘左右，仲要每分鐘 N 次閃光燈不停閃閃閃 (就算一分鐘都辛苦啦)。 今 年天色唔多好，不過各位影友熱情就一啲都無小到，真係見到好多小弟都未見過器材，當然也有無反相機一族，還有那些常見高級鏡頭以經時攝影人必用器材之一，不過覺得今年由於天色唔好關係，真係好睇器材同能力表演囉 (感覺對那入門或初學者好唔公平)。 COPYRIGHT 2013, ALEX CHEN PHOTOGRAPHER, ALEX CHEN DATE 2013/03/14 LOCAL VICTORIA PARK TAG：香港花卉展覽2013, 春日萬花筒, 攝影比賽, 維多利亞公園, 花展 TVB：黃心穎、岑杏賢、張曦雯、蔣家旻、蔡慧欣、林芊妤、劉思希、梁麗瑩、麥雅緻、孫慧雪 TAG：TVB, 女像. 香港花卉展覽, 2013, 春日萬花筒, 攝影比賽, 維多利亞公園, 花展, 黃心穎, 岑杏賢, 張曦雯, 蔣家旻, 蔡慧欣, 林芊妤, 劉思希, 梁麗瑩, 麥雅緻, 孫慧雪

S ONY 又好、MINOLTA 也好，原裝只有 1.4x @ 2.0x (即係焦距乘 1.4 陪或 2 陪意思)，不過又係一個好煩悶問題，代代不同，有新買新當然最好，之但係個價錢真係唔係人人接受，包括我自己都係，增距鏡一個就要成三千幾 (差不多四千)，仲要兩個都係相同價錢，真係好唔捨得，買返來分分鐘仲好小用喎，所以你話呢，做人真係好煩，又要咁又要咁，都唔知點好囉。 不過我決定一了百了，買個舊版本平小小用住先，其實我都知當任何鏡頭加上增距鏡後，成像都會下降不小，由其 2x 以上，所以買之前都做左心理準備，當然都小不出上網找找佢相關資料啦。 TELE CONVERTER (增距鏡) 各分別都有三個版本 * APO (第一代五點電子接觸點,可配合 200/2.8、300/2.8、600/4 三款長鏡頭所推出) * APO II (第二代五點電子接觸點,配合鏡頭改進齒輪比的方式加快對焦速度而推出) * APO D (第三代八點電子接觸點,配合 SSM、D 鏡頭推出,用 SSM 鏡只有這版本才有 AF) 小心使用增距鏡，因為原廠鏡片組與接環係齊平的，所以只有鏡頭尾組鏡片內凹的設計的鏡頭才能用，所以像80~200G這種尾組鏡片與接環齊平的鏡頭就只能用副廠加倍鏡，茲列出所有可用原廠加倍鏡的鏡頭以及支援程度說明如下： 註1※增距鏡各版本可以使用的鏡頭： 第一代) TELE CONVERTER AF APO ＊ Minolta AF 200mm f/2.8 ＊ Minolta AF 300mm f/2.8 ＊ Minolta AF 600mm f/4 第二代) TELE CONVERTER AF APO II ＊ Minolta AF 200mm f/2.8 G ＊ Minolta AF 300mm f/2.8 G ＊ Minolta AF 300mm f4 G ＊ Minolta AF 400mm f/4.5 G ＊ Minolta AF 600mm f/4 G 第三代) TELE CONVERTER AF APO D ＊ Minolta AF APO 300mm f/2.8 G D SSM ＊ Minolta AF APO 70-200mm f/2.8 G D SSM ＊ Minolta AF APO 200mm f...

影 小朋友真係好開心，那天真樂無憂表情，真係樣人百看不厭，如果人會知足常樂就不會有咁多厭倦，但我似鍾都做唔到呢點，定還是我太多顧慮。 COPTRIGHT 2012, ALEX CHEN TAG.: 攝, 童真, 3, 香港

紅 紅的鮮艷的木棉，在高光的北景之下，給了我一樣好舒服感覺，當我慢慢退後兩步時，用了別人另一個不會即時欣賞角度，但如仔細地去用別的角度看，往往有另一種感覺，人就是這樣，看表面就評論內涵。 COPYRIGHT 2013, ALEX CHEN TAG.: 春花, 木棉花

人 工作休息係入出而作，入落而息，如果可以好似猫咁入出而息，要著陽光懶洋洋地睡，旁若無人景界真係人生最寫意日子囉。 COPYRIGHT 2013, ALEX CHEN TAG.: CAT, 猫, 睡意

留 得青山在，只怕無錢洗，做人真係唔知為咩，不過有錢真係留身好，成日都好想玩呢支輕身鏡，而 SONY 無得選擇，所以只好找回 MINOLTA 鏡，呢支鏡如果同 CANON 200/2.8L 相比，唔知會點呢，不過相只可以網上找，因為我都唔係 CANON 用家好多年囉。 又 係一支超過 20 年鏡頭，真係唔可以睇小佢，點解咁講，除 70200G 之外，呢支真係快靚正，不過價錢就... 覺得好咪比囉，今次又係一支鏡有三代版本，要點分，網上都找到不少佢相關資料，簡單咁分別一下啦，唔識朋友會覺得煩，不過第幾版都好，都一樣咁正。 1986年出產： 第一個版本 - 紅AF字樣 (標準的自動對焦,沒有自動對焦停止按鈕) 1988年出產： 第二個版本 - 紅AF字樣 (加入 HS (HIGH-SPEED意思) 快速的自動對焦、有對焦鎖按鈕、遮光罩貼上貼子) 1989年出產： 第三個版本 - 白AF字樣 (同期最後加上 APO HS G 為最後期版本) 不 過第二版同第三版只係分 AF 字樣，不過咩版又好、點改都好，外表簡單一睇無對焦鎖按鈕就是第一版，有對焦鎖按鈕的就係新版囉，不過唔理佢呢支鏡有幾多個版本都好，三代鏡頭都係共同特點：就係光學設計沒有任何改變，只有外觀，新版就改左快速的對焦齒輪和新的 IC ROM。 呢 支鏡真係花臣多多，我係網上試過找到一些資質，唔知大家又有無會去留意一下，MINOLTA 第一版都有 HS 版本 (真定假呀)，係 MINOLTA 原廠把內部對焦齒輪換左 (再係遮光罩貼上HS貼子)，但相反新版都有慢對焦版本(我見過2次)，有時大家見到網上有人放新版，但係遮光罩上又無HS貼子 (唔係除去)，可能就是這慢對焦版本，仲有就係要分就是紅/白 AF 字樣，只有最後期第三個版本才是白 AF 字樣，仲有就無對焦鎖 MINOLTA 金牌係係鏡左邊，而有對焦鎖 MINOLTA 金牌就係右邊，唔知大家又有無留意呢。 講 真都成廿幾年鏡，不過寶刀未老，我還未有能力發揮其最佳表現，不過如果當用上係 FF 機之上，我相信會有更佳對焦速度同景深，因為似鍾係 FF 鏡，不過如果用上係 APS-C 上又可作另一用途，就係長炮 SNAPSHOT 啦，輕便加上對焦快 TELE 最佳不二之選。 簡單回憶一下以前拍攝過的相 視角 (對角) 12...

我 第一次影木棉花，因為位置問題，好多都好高大樹木，要走到好遠先找到有行人天穚才有正面影，假日唔想去太遠只外出一會，有些地方以經開花燦爛，但係我去過兩個有橋地方就完全未開，最後都係求其有開花樹影下就算，不過今年早春，天氣都開似大地回春枝生綠葉了。 影 得都有一小時間，走前都好彩有隻相思伴棉。 COPYRIGHT 2013, ALEX CHEN TAG.: 春棉, 木棉