香港花卉展覽2012 (維園花展)

不經不覺又係重頭再影過，維園花展又到左，今日半日就即時去影相下，點知今日個天氣真係好到不得之了，真係汗到想死，一年一年過去，好像只係主提轉了，而內裡就好似差唔多咁，年年都好多人，不過點解 D 人永遠都係影完唔讓個位比人，死都要霸住個位，真係完全無言。

場內今年發覺真係一年比一年多人玩相機，點解咁講，因為而家女仔影相都多左好多，都以經差唔多各佔一半，你都咪話唔多，重要係有身份像徽，哈～～　我，以經 OUT 哂囉，一個下午一個人慢慢行下咁四維睇下，用足三個多小時加上 146% 電池，只能影得一些作品。以經無上年放咁多精神去影囉，之不過，100 MACRO 係為今年花展而返，所以今日全都用上，再者就係 18-55，因為到最後就係要影下景嗎 :P

COPYRIGHT 2012, ALEX CHEN
PHOTOGRAPHER, ALEX CHEN
DATE 2012/03/17~18 (25)
LOCAL VICTORIA PARK
Photo LINK @ facebook.com/alexchkk (160 / 160)

---

更新 2012/03/22 (12:00am)放左幾日相，好似都唔覺有咩特別，不過第一日的相都放完，開始放係第二日的相，係網上真係無其不有，去睇下別人的又是去了同一地點花展，別人的永遠是好看的，或者係我影得太過單調吧，無咩太特別作品，人家簡簡單單作品我返而更喜愛，相片還會努力發放中，呢到只係係咁貼下數張，其他可直接進入 Facebook 相簿即可觀看或品評，無任歡迎 (今晚以加到 59 張作品)，影得多又未必影得好，不過都只係分享下，開心下呢。

---

更新 2012/03/26 (10:15pm)
不經不覺2012花展完了，最後一天我都同朋友再入多一次，真係頭兩又同最後一日感覺相差都好天，花都凋謝，但人都一樣非常多，很多人完全無視花的生命，龍友、家傭、國內同胞、遊人、旅行團等等等。。。為了得到一個人相完全無視了花的生命，可怕或可悲，唉～

花展真的完了，我入場了三天，日日得閒貼下相今天都過了一百張，真係覺得都幾多下，無聊的又貼下又貼下，真係原來影左唔少相，其實都唔係咩特別，不過假期同朋友影下相行下都係開心快樂事，好了，花展又要明年見，如我明年有興趣再去的話再亂影一番同大家分享一下呢，今晚最後的更新了，圖片直接按入 PHOTO LINK 即可觀看。

---

TAG.: 維園花展, SnapShot, 作品, 攝影, 維多利亞公園, 香港花卉展覽, 2012, VICTORIA PARK, DT-1855, 100 MACRO, 70-200, 50 MACRO, 135