ALEX.C〔攝影．玩物．淘樂〕

好 無聊咁係上個月入左隻 WiFi 7 Rounter，一千樓下又幾吸引但唔係算平又，為買而買就買咗返來，因為都係用更 AX 路由都以經3年，不如諗吓升一下 WiFi 7 好唔好，買新唔買舊，WAN / LAN PORT  口都直上 2.5G，一入三出唔知夠唔夠，之但係而家基本上都差唔多全屋都係 WiFi 連接，所以 3 PORT 口都以經夠 (只有我主電腦行 LAN)。 講 真一句用更同一光纖入屋有冇快咗，一般都唔會覺得快咗，因為可能來來去去都係睇下網頁、網上 YouTube 等等... 所以速度有限，不過如果玩返 BitTorrent / Mega / 下載東西軟件，開咗 QoS 管理係明顯比用更 AX 路由快咗唔少，5Ghz 內聯網輕鬆直上 1000mbps，WiFi 7 連接出現了。 A SUS 一般支持 VPN，不過我唔識玩，雖然只係雙頻而唔係三頻 (冇咗 6G 頻道)，同支持 MLO 連接，都可以算係咁，平價版冇 2.5G LAN，反正當升級，直接比錢就可以。 介紹唔多講，直接 ASUS TUF Gaming BE6500 官網 睇完個 Spec 唔知足唔足夠，不過一般用其實以經覺得有凸，ASUS…我都係第一次用品牌. TAG.: ASUS, TUF, Gaming, 小旋風, Pro, BE6500, WiFi7, 雙頻, 路由器, AiMesh

夏 天嘅來臨，都用咗好幾年嘅 M.2 固態硬盤，一向都係就咁裝上咩都冇用，有時會感覺有點慢嘅因為過熱嘅問題，今年天氣真係太熱，無聊一下機箱裝咗兩把風扇，開機後未使用固態硬盤溫度一直都維持 60 度左右，你都咪話唔高，有讀/寫嘅時後溫度就會超過 80 度或更高，把心一還再裝多個 M.2 散熱器，今次買咗哩個 JIUSHARK。 圖1 (正面) 圖2 (背面) 圖3 (頂部) J IUSHARK 九鯊 ARGB 散熱器，不銹鋼底座 CNC 冷酷，再加上2片散熱導熱膏，螺絲扭上去固定位置咁就係咁簡單，再插上 4PIN 電源，ARGB 風扇安裝完成。 好 啦，到最後大家一定最關心就係個風扇會唔會頂住個 M.2 插槽而裝唔上，佢個設計真係做到啱啱好，唔多唔少，就係留返個螺絲位俾你。 A RGB 不停轉顏色，漆黑嘅機箱內，多咗啲光嘅污染。 C rystal Disk Info ，我一直用更嘅係 Colorful CN600S 唔覺唔覺已經用咗 6 年多，有冇諗過 6 年前嘅 240GB 我當時買 480 蚊左右，每日都用，磁碟健康狀態仲係良好 (94%)，累計讀取以經達 32TB / 寫入也約 28TB，不過 M.2 SSD 真係唔知最耐可以用幾多年，點解我咁講，因為係哩 6 年內我已經死咗隻 HDD............. M.2 固態硬盤可唔可以值得信賴用來存放資料，我到宜家都仲未好咁放重要嘅資料係固態硬盤 XDD.. 安 裝咗 M.2 散熱器，硬盤溫度能一直壓住保持 40 度左右，真係好明顯降溫效果。 TAG.: JIUSHARK, 九鯊, M.2 Four, M.2, 2280, 散熱器, ARGB, 風扇

有 人話一張相係代表一個人嘅當時感覺，不過哩啲唔知真定假，不過當停落嚟幾秒惗一惗、影一影嘅時候，係一個越係熟悉嘅地方，拍攝後感覺越係陌生。 係 我停落嚟嘅時候街頭兩邊，一新一舊嘅高樓大廈加上街燈&晨光。 #熟悉 (還是) 陌生 SnapShot @ Morning Street Tag.: 熟悉, 陌生, 其它作品, 美景風味, XIAOMI, 小米, 2024

好 啦，唔覺唔覺又一年，Blogger 已經冇乜點更新，今年龍年。祝大家龍精虎猛。身體健康，影相嘅日日有相影，唔開心就去影相，係一件快樂嘅事，過年前已經做到好忙都冇咩時間，尤其是呢一兩年，環境改變咗，影相習慣少咗，朋友少咗，動力就更加少咗，冇辦法影相是一種樂趣，但是生活就是生活。 偷 偷趁過年時間天氣好就用部小米14影返幾張相，其實當日我都仲帶住部相機出街不過真係冇機會攞出嚟用，因為始終一個人唔係行街 SnapShot，所以冇地方落腳就唔攞部相機出嚟，但係手機就唔同係個細袋仔抽一抽就可以撳兩張相。 所 以話用手機影相真係好方便，不過當然如果落返電腦睇，就不如我心中理想。不過唔緊要啦，反正 Upload 上網都唔會原圖聞相，所以問題都不大，宜家最緊要係簡單／直接／快拍／方便嘅時代，或者好多人都鍾意（例如一部iPhone）就已經兼美一部相機都大有人在，不過點都好，用相機影又好用，用手機影都好，大家覺得鍾意邊樣咪邊樣囉無謂比較。 小 米14用普通影相模式，就一般照片，不過我發現如果用返佢 AI 人像鏡頭，影嘅相就好明顯有啲唔同，你問我分別大唔大，我就話一定有出入，可能本身內部 AI 嘅關係，加上有濾鏡，HDR 等等，明顯係有壓光同自動微調，我唔係大師，不過忽然覺得小米14係唔係真係有 LEICA 味，大家就自行判斷。 望海 面對面 天涯 秋～ TAG. 小米, 14, Xiaomi, Photo, Leica, AI, 濾鏡, HDR, 2024

新 世代咩都要5G，5G電話 / 5G路由器  / 5G乜乜物物，咩都係 5G，係差唔多5年前我買咗個4G嘅MiFi，方便插 Sim 卡流動數據轉換 WiFi 分享，仲係真係幾方便，不過始終都有時間洗禮，電池好似已經唔係好耐用，雖然我唔係成日用，但係要用嗰時冇電又真係幾煩。 年 尾我又無聊買咗個新5G版，無他永遠都係新產品勝舊產品，版面設定速度快唔在講，實測有買貴冇買錯，插卡增值一機兩用，不過我當然只係刷卡用啦，用翻自己嘅卡係行 LTE，正常接收信號完全冇問題。 １）進入版面設定，用自己嘅卡上網一目了然，一般唔需要點樣設定。 ２）速度測試，分別得出如下 ３）USB Remote NDIS，可以直接比冇 WiFi 電腦上網 ４）WiFi 連線信號 (WiFi 6) 我 本身張卡速度有限，所以最快只有咁多，我仲有一張可以行5Ｇ嘅卡，不過要遲啲先至試到，所以日後會再更新一下真正行5G嘅速度 2023/12/03更新： - 18w 快充 - 支持 WiFi 6 - 支持同時 32 台設備 - 接收信號強 - 可直接用尿袋邊用邊充電 - 唔支持短信收發 2014/01/30更新： - 要睇地方有冇5G信號, 冇就自動落返4G LTE - 5G正常用食電快啲 - 記得係設定入面自動侍機時間關閉, 如果唔係重新取線路要一啲時間 中國聯通5G卡 信號時, 啱啱用咗40分鍾左右, 電池5格 下載 APPs 測速 SpeedTest + VPN (WorldStream) 用咗8小时07分鍾左右, 電池2格, 位置得4G (自動轉返行LTE) TAG.: 4G, 5G, MiFi, 無線路由器, LTE, Wireless, Router, 移動熱點, Mobile, WiFi 6, AP, IEEE 820.11b/g/n/ac/ax

上 一差期無更新過部 Sony 10 III，快年尾每年咩雙十一活動，今年已經不外如是，但係有冇惗過真係買唔買到平嘢冇人知，咁啱惗住一心買部紅米手機，點知小米話出部14發佈會，我就等咗10日，好啦預訂又等咗10日，前前後後等咗半個月有多，不過都冇所謂反正我都唔急用，新機當然冇咩減價活動，不過都係沖著佢嘅 Gen+3 CPU，同埋小米嘅性價比而買，對上一次係部 Pad 6 Pro，用過真係唔錯，當然你問我有冇咩後門我唔知，就算有都已經冇所謂，因為宜家咁嘅環境係已經冇得選擇，選擇嘅只有用或者唔用。 Xiaomi 14 官方產品規格 用過小米朋友，一啲功能大家都知道，我都唔多講，好似Apps雙開／記憶體擴展／遊戲加速等等，不過一個重點我係想試嘅就係哩個，USB-C (Type-C) to HDMI 佢都支援，可以輸出同步，雖然唔係個個用得著，但係想用嗰陣時就真係好有用。 USB-C 直出 HDMI 4K 10 Bit HDR 影相圖像 : 75mm AUTO UW Macro Mode 23mm AUTO UW 夜拍, 看圖片右邊車頭燈 0_o 後語記錄 2023/12/01 更新： 由 MTK CUP 轉返用高通，爽爽爽感覺即即刻返曬嚟。 哩部機介紹有幾強就幾強啦，我已經唔識玩機啦俾錢直接買，Apps 只會1個比1個多，宜家電話最緊要係快充，同埋能夠用一日嘅電量，咁就基本冇咩大要求，至於講到幾勁幾勁同幾勁，都係現時嘅一時一刻，明天出部新機又有多強多強多強，所以有能力換下新機，冇能力用返上一代都係無妨。 小米14鏡頭轉咗什麼光影獵人，加咗少少AI，再加上（Ｌ）合作，影出嚟啲相好唔好，靚唔靚真係見仁見智，不過，我都嘗試簡單設定一下同埋拍攝上載大家參考一下，有冇味道或者加咗味精都係本身部機嘅AI問題，所以大家無需太過去判斷。 小米14內有用咗最新 HEIF (High Efficiency Image File Format) 高效率圖檔格式，哩個都真係幾煩，喺電腦上因為唔可以當用 JPEG 去睇，又要去下載個軟件 HEIF 轉 JPEG 先至睇到，係咁咦上傳幾張先得閒再更新下。 HEIF/HEIC 可以用上傳轉換, 或者我用 iMazing Converter. 得閒影多幾張，覺得好就分享一下，無時間用相機影，而家用電話可以亂咁影。 TAG.: 新電上手, 小...

係 5年半之前我無聊係淘寶膽粗粗買咗部M10嘅4G平板，用咗兩年多就壞咗，不過近來又心思思想買返部平板玩嚇，係年頭見到部新出 OPPO Pad 2，當時係好吸引我，因為一啲原因呢就遲遲都未買，隔下隔下兩個月，小米 Pad 竟然出第6代低配版同 Pro 高配版，一睇規格就唔使多諗，Pro 低配版 8+128GB 呢個價係香港真係唔算話好貴，因為佢用咗高通驍龍8+ Gen1，性價比即時上升，雖然未有國際版， 但係國內版詢問下係可以用到 Google，咁我就把心一環將佢到手，雖然 8+ Gen1 算係上一代產物，不過已經完全可以食曬好多遊戲 / 娛樂 / 4K影片 / 仲可以文書，簡單啲嚟講就係電話嘅放大版 (只係冇咗 5G 電話功能)，點解我今次淨係買 WiFi 版而唔選擇 5G 版，因為由上次嘅經歷買 4G 版後，本身都係用 WiFi 多，而電話卡名制後更加唔想再出多個電話號碼，所以都係得物無所用。 我 唔係用一個評價嘅心得，我亦都唔係一個試機者，只係得閒更新一下個網誌，同分享吓文章，所以其實大家喺網上都可以睇到好多介紹嘅片，仲有... 好多嘢都係各有各愛好，品牌冇話固定邊個好，只要大家鍾意睇得上又用得著，咁咪埋佢返嚟玩囉。 用 咗幾日好順，買返來就係要先設定同安裝返想用啲 Apps，Google 框架，瀏覽器、語音輸入、倉頡輸入、直接 Play 商店撳幾下就下載完成，冇話閃退完全可以正常使用，6 Pro 有 11寸屏幕、追劇、睇電影十分足夠，聲音有杜比4喇叭，67W 快充，我用上皮套都係 600g 以下，WiFi 增強版，8600mAh 電池，Type-C 行 UFS3.1，最緊要平，好 OK 啦。一次到頂位，如果電池唔死，用上三、五年用基本唔係問題。 小米平板 PAD 6 PRO ( 規格 S pecification) https://www.mi.com/xiaomi-pad-6-pro/specs TAG.: 小米, 平板,  Pad, 6,  PRO, WiFi, Andriod, 8+ Gen1