ALEX.C〔攝影．玩物．淘樂〕

上 一差期無更新過部 Sony 10 III，快年尾每年咩雙十一活動，今年已經不外如是，但係有冇惗過真係買唔買到平嘢冇人知，咁啱惗住一心買部紅米手機，點知小米話出部14發佈會，我就等咗10日，好啦預訂又等咗10日，前前後後等咗半個月有多，不過都冇所謂反正我都唔急用，新機當然冇咩減價活動，不過都係沖著佢嘅 Gen+3 CPU，同埋小米嘅性價比而買，對上一次係部 Pad 6 Pro，用過真係唔錯，當然你問我有冇咩後門我唔知，就算有都已經冇所謂，因為宜家咁嘅環境係已經冇得選擇，選擇嘅只有用或者唔用。 Xiaomi 14 官方產品規格 用過小米朋友，一啲功能大家都知道，我都唔多講，好似Apps雙開／記憶體擴展／遊戲加速等等，不過一個重點我係想試嘅就係哩個，USB-C (Type-C) to HDMI 佢都支援，可以輸出同步，雖然唔係個個用得著，但係想用嗰陣時就真係好有用。 USB-C 直出 HDMI 4K 10 Bit HDR 影相圖像 : 75mm AUTO UW Macro Mode 23mm AUTO UW 夜拍, 看圖片右邊車頭燈 0_o 後語記錄 2023/12/01 更新： 由 MTK CUP 轉返用高通，爽爽爽感覺即即刻返曬嚟。 哩部機介紹有幾強就幾強啦，我已經唔識玩機啦俾錢直接買，Apps 只會1個比1個多，宜家電話最緊要係快充，同埋能夠用一日嘅電量，咁就基本冇咩大要求，至於講到幾勁幾勁同幾勁，都係現時嘅一時一刻，明天出部新機又有多強多強多強，所以有能力換下新機，冇能力用返上一代都係無妨。 小米14鏡頭轉咗什麼光影獵人，加咗少少AI，再加上（Ｌ）合作，影出嚟啲相好唔好，靚唔靚真係見仁見智，不過，我都嘗試簡單設定一下同埋拍攝上載大家參考一下，有冇味道或者加咗味精都係本身部機嘅AI問題，所以大家無需太過去判斷。 小米14內有用咗最新 HEIF (High Efficiency Image File Format) 高效率圖檔格式，哩個都真係幾煩，喺電腦上因為唔可以當用 JPEG 去睇，又要去下載個軟件 HEIF 轉 JPEG 先至睇到，係咁咦上傳幾張先得閒再更新下。 HEIF/HEIC 可以用上傳轉換, 或者我用 iMazing Converter. 得閒影多幾張，覺得好就分享一下，無時間用相機影，而家用電話可以亂咁影。 TAG.: 新電上手, 小...

係 5年半之前我無聊係淘寶膽粗粗買咗部M10嘅4G平板，用咗兩年多就壞咗，不過近來又心思思想買返部平板玩嚇，係年頭見到部新出 OPPO Pad 2，當時係好吸引我，因為一啲原因呢就遲遲都未買，隔下隔下兩個月，小米 Pad 竟然出第6代低配版同 Pro 高配版，一睇規格就唔使多諗，Pro 低配版 8+128GB 呢個價係香港真係唔算話好貴，因為佢用咗高通驍龍8+ Gen1，性價比即時上升，雖然未有國際版， 但係國內版詢問下係可以用到 Google，咁我就把心一環將佢到手，雖然 8+ Gen1 算係上一代產物，不過已經完全可以食曬好多遊戲 / 娛樂 / 4K影片 / 仲可以文書，簡單啲嚟講就係電話嘅放大版 (只係冇咗 5G 電話功能)，點解我今次淨係買 WiFi 版而唔選擇 5G 版，因為由上次嘅經歷買 4G 版後，本身都係用 WiFi 多，而電話卡名制後更加唔想再出多個電話號碼，所以都係得物無所用。 我 唔係用一個評價嘅心得，我亦都唔係一個試機者，只係得閒更新一下個網誌，同分享吓文章，所以其實大家喺網上都可以睇到好多介紹嘅片，仲有... 好多嘢都係各有各愛好，品牌冇話固定邊個好，只要大家鍾意睇得上又用得著，咁咪埋佢返嚟玩囉。 用 咗幾日好順，買返來就係要先設定同安裝返想用啲 Apps，Google 框架，瀏覽器、語音輸入、倉頡輸入、直接 Play 商店撳幾下就下載完成，冇話閃退完全可以正常使用，6 Pro 有 11寸屏幕、追劇、睇電影十分足夠，聲音有杜比4喇叭，67W 快充，我用上皮套都係 600g 以下，WiFi 增強版，8600mAh 電池，Type-C 行 UFS3.1，最緊要平，好 OK 啦。一次到頂位，如果電池唔死，用上三、五年用基本唔係問題。 小米平板 PAD 6 PRO ( 規格 S pecification) https://www.mi.com/xiaomi-pad-6-pro/specs TAG.: 小米, 平板,  Pad, 6,  PRO, WiFi, Andriod, 8+ Gen1

2 023年啦, 生活真係唔易, 時間真係過得好快, 唔覺唔覺咁就3年無影相, 機相電都仲記得有時定時3-6個月先差一次電, 不過可能真係太耐無點放電差電, 電力覺得好力不重心. 社 會今個年頭慢慢放寬, 不過我時間就好似無點停過 (為生活), 影相就好似以經停止咗咁 (可能以經唔識影相), 感覺大不從前, 不過3月花展就係可以話係新手試機日, 朋友都陪我走一走, 好啦, 相機重新開機日子就在今年3月花展. 都 係亂咁影下啦, 為咗比部相機熱下身, 人就外出哂下太陽咁. Photo by Alex Chen@2023 ##1 ##2 ##3 ##4 ##5 ##6 ##7 ##8 TAG.: 影花, 隨花, 2023

9 0%男仕女仕出門都會帶下手錶，睇下時間咁，其實我都買過唔少電子手錶/運動手環咁，一般都唔會太貴為主，第一我工作環境問題，第二我都幾粗心大意，可能一時撞呢到又撞到果到，唔係花咗就係撞爆錶面咁。 由 Sony 品牌開始，之後用過樂心，樂心係我一直用開支持 Uncode 碼完美, 由 Mambo1／2／5、Mambo Watch、Ziva Plus、C1 都支持 Uncode，不過咁多款 Ziva Plus / Mambo5 做得最好同最耐用，第3品牌 R12 手環 / Watch3 Pro 可通話智能手錶 / M37 智能手錶呢啲都係過度期玩具，而每個都係用唔同自家 Apps，但最大問題唔係全部都支持 Uncode 碼，呢個先係一個問題，有時去買下幾百蚊運動手環，都係介紹下價錢６—７百以下，以經足夠用咁話 (無它，重點都係睇下時間姐)。 本 來打算係聖誕節前出呢個貼，不過因為有事而停咗打字無出到貼，今次出貼都以經過完聖誕節，無所謂啦，再加碼一起帶 Samsung Watch 5(代) 全家族返來 (40, 44, PRO)，而我就再做白老鼠，自己返咗隻 S8 WATCH。 Samsug 手錶大品牌就係大品牌，外觀靚用落又好鬼爽，智能手錶一般功能全齊，可以 BT 打同講電話，設定血壓功能都98%準 (同血壓機相比)，屋企人配返用三星電話真除咗 Apple Watch，呢隻 Watch5 都無咩可批評，40mm BT版約 $2300 咁就帶咗返屋企送比家人，下個月打算再入隻 44mm BT版，無計啦家人睇到幾靚, 唔想再用我啲平價嘢，咁我再入多隻囉 (禮物)，點解我話把 Watch5 全家族帶回來，因為原來有人買左隻 Watch5 PRO LTE  (呀嫂送大老真幸福)，所以跟本來講 W5代全家族都齊哂。 我 用電子嘢最唔鐘意用太貴，你可以話我孤寒都好，但係我工作時粗人一個，左撞右撞，帶幾靚錶都無咩用，更何妨帶錶係方便實時，我自己就返隻 S8 Watch (不是 APPLE)，呢隻比我最大驚喜，除左樂心呢隻係我第2隻全支持 UnCode，新型號功能多便用暢順，有時平價都會有好嘢，Apps 簡單連接更新快，500 樓下真係無咩對手。 最 後當然要自申一下先，用過咁多手錶當然唔係我一個人用哂啦，係好幾個人用，不過基本都係我買咁姐，手錶價 1...

時 間過得真係快，我換咗個自己都唔相信可以長做工作，辛苦放棄現有生活環境，話咁快咁就快一年時間，無娛樂，無休息，無放鬆日子咁就一年，真係環境會另一個人強烈改變，我可以做到幾時，無人知，做到就做住先，而家環境無選擇，為生活而活着。 日 後真係好想有朋友齊可以一齊影返相咁，因為今日有朋友都話以經想放棄器材，大家都知咩事，無所謂啦，順其自然啦。 上 年年尾換左部電話，咁對上一部我都無放棄過佢，因為用左來做其他嘢同用來打下機咁，識我朋友都知道我用電話好粗用，跟本可以話係長開長用，所以一般來講可以話唔會用得太耐，但係我自己都無諗過用到咁仲可以無病左痛，但係電池就用到腫脹頂到個屏都跌出來，可能因為長期發熱關係，膠邊全部都溶曬，直頭可以自行肢解，反正都用左3年多，想賣咗佢講真都唔值錢，我就拎咗去維修換電池，今日搞完又係一條好漢，唔知可以再戰幾耐呢…… 部電話無壞只係換電同人工，我覺得值了。 2019年3月入手連結 https://mail0666-1000.blogspot.com/2019/03/sony-xperia-xz2-premium.html TAG.: SONY, Xperia, XZ2, Premium, LTE, H8166, 智能電話, Android, 維修, 換電池

唔 覺唔覺咁就4月開始，影相真係影相都可以話幾十年，而家環境真係差到無得再差，真係唔知日後點好，為兩餐日日咁搵做，娛樂完全係呢兩年轉變完全停哂，影相、飯局、車友等等完完全無哂，真係悶到無朋友，點生活呢。 我 決定生活先決、攝影滯後 (先放棄)，等環境好一啲先再講，希望到時部相機仲可以用到，家庭生活仲未有，先把壓力減到最少，而工作努力先負出最大，我。。。能活到多久，好人一生平安，祝我好運。 TAG. 生活先決, 攝影滯後, 2022

2 022年咁又過左兩個月，過年過年，過個好年，而家世界不停地變，環境又比病毒搞到無生活，無經濟，無活動，無交流，無朋友，咩都無。。。另一邊又打仗，真系虎虎2022年，大家自求多福吧。 攝 影真呢兩年都停咗咁，環境唔同咗，工作又轉咗，娛樂一啲時間都無，有時間都系搵嚇工，做下其他嘢咁，邊得來仲有時間影相，真系連心機都無哂，為咗活口，只能先把娛樂全都放系一邊，工作先行、生活先行。 不 過有啲嘢點都要換，就好似電腦咁，屋企無腦真系會好唔方便，系過年前過年後一心打算又換電腦後，重新收集資料，過年前換咗個 32吋 4K-MON，年後直接換個新電腦 Intel 12代 i5 處理器，再加多一個 2.0 小音響，聽歌睇戲夠哂正。 淘 寶大家都會買下嘢咁，不過近呢年來，我都無咩收入，加上而家社會問題，有好多嘢我都網上買 (香港/國內) 等，而淘心態好多人都以平為主，有人話膽大會生毛，由當初幾十蚊，幾百蚊，買下買幾萬蚊，真系發覺自己都好高風險。 虎虎淘腦物： - LG屏32吋4K IPS顯示器 HDR 10bit - Intel® Core™ i5-12600K 處理器 - Gigabyte B660M AORUS PRO AX DDR4 - Corsair DDR4 3200 16GBx2 - WD SN850 M.2 NVME - Seagate 4T HDD 硬碟 - Seagate 500GB HDD 硬碟 - DP線144hz 4K 1.4/1.2數據線 - 電腦遊戲USB手柄 - HIVI 2.0 音響 而 家新機都玩咩電競版、RGB燈等，一部電腦可以搞上幾萬，什至幾十萬，真係追求遊戲至高無尚玩家，不過我個人都只係做下文書文件，睇下電影壓下片 (4K)，一般 i3 文書機都十分足夠，不過而家可以試多樣嘢就下玩下簡單手遊以經大才小用了。 全新一套電腦就咁就無咗幾個月人工......   TAG.: Intel, i5, 12600K, Gigabyte, B660M, AORUS, PRO, AX DDR4, WiFi6, 技嘉, 雪雕, Corsair, WD, BLACK, SN850, NVMe™, SSD, Seagate, 希捷, 4TB, 500GB, 硬碟, DP to DP, HIVI 2.0, LG屏, 32吋, 4...