ALEX.C〔攝影．玩物．淘樂〕

不 經不覺過左大半年，今天都無咩作品，有的都係求求其，今年都無咩時間影，有時放假又落雨以經無咩心機，見今日天晴去走走轉吧，七月一前的荷花。 今 年好似遲左咁，唔通天氣真係變到咁。就連花都遲開？不過好天氣總好過不好天，到處拍拍而以吧。 COPYRIGHT 2016, ALEX CHEN ## (正背影) ##2 (含荷) TAG.: SONY, MINOLTA, α99, 七月前, 含荷, 荷花

好 無聊好無聊好無聊 (說了三次)，無啦啦買左呢支 USB WiFi 手指，開頭只系諗住平平地買張 150Mbps 就算，不過功能只系得接收，其實都一心諗住比部11年前手提電腦用 (係，你無睇錯我都無打錯，係11年前手提電腦，因太舊 WiFi 得 54Mbps)，所以都係玩下就算，點知用後覺得有買貴無買錯，玩玩下而家比左部主機用，本身用 LAN 上網仲加個 USB WiFi 手指把鬼，原來仲可以好簡單咁共用檔案，真系好方便，唔洗下下都抄去 SD 卡再用電話睇，方便至極。 呢 張 Tenda 用 Realtek (RTL8192EU) 晶片，實質 WiFi 行唔行到 300Mbps 我真係唔知，不過見佢介紹就咩 2T2R (雙通道技術)，即係話本身手指以經有內置天線同外置天線雙重組合來加強 WiFi 信號，不過電腦係房，而電話係客廳用，有個小轉灣位連接信號幾好，不過再入第二間房就好差了 (或以經收唔到)，如果手指放係客廳信號可能會好啲。 先 試用 WiFi 上網接收信號很穩定，連接家中 Router 速度合理 (當然同 300Mbps 速度對比)，同用其他牌子卡上網速度無咩分別，但系最想試用一用就係 WiFi 發射 (即 AP 模式)，佢可以用本身有上網電腦再用 WiFi 分享上網 (其實等同 Router)，可以減低太多人同時使用同一個 Router 負擔，仲可以自己獨立構建無線 WiFi / 電話 / 平板 / 等上網設備共用網路同檔案等，唔想用相同 Router 設定分享最佳選擇。 2016/06/17 更新： 1) Win XP/7 要安裝軟體，Win10 即插即用 2) WiFi 發射/接收，使用安裝後本身 Wireless Utility 軟體轉換 3) 長時間使用一啲都唔熱，真系唔錯 4) 本身手指上仲有一粒 WPS 制，方使連接 WiFi 上網使用 5) 內聯網穩定，用 WiFi 睇左1個鐘  Full-HD 電視都無 Lag 過，4K就有點吃力 TAG.: Tenda, 300Mbps, USB, 無線上網, 手指, WiFi, 發射, 接收, AP, 路由器, Router

再 次北上車展 (影女)，不過今次又係即上即落，順便過羅湖睇小小野，今年天色唔多好，出門落大雨，不過好彩上到去又無點落大雨，如果唔係行都唔方便，當然場內人雖多，但都算係咁，去過幾次以經無咩特別同感覺。 COPYRIGHT 2016, ALEX CHEN PHOTOGRAPHER, ALEX CHEN DATE : 2016-06-05 LOCAL SZCEC PHOTO @ www.facebook.com/alexchkk/ (65 / 65) 更多圖可按"Facebook 連結" TAG.: 2016, 第二十屆, 深圳, 香港, 澳門, 國際汽車博覽會, 車展, 車模, SZCEC

又 係時候換電視啦，不過電視未壞之前，家中高清機頂盒又死左啦，不過睇返原來之前用更係 DMR-33 剛好用左三年，都 OK 啦，電器呢家野真係用得耐又想換，易壞又唔服氣咁，幾百蚊貨仔玩下啦，似鍾有時都要睇下電視新聞都要啦。 今 次又係選擇 SPUER，因為用得都覺得唔錯，再次買返呢個品牌算啦，唔想去選擇，用得就算。 SUPER多媒體高清機頂盒DMR-55 (支援RMVB) [產品資料] - 支援RMVB影片格式 - 接收所有無線及數碼高清台節目 - 支援1080P高清影音多媒體播放 - 支援格式TS/TP/MKV/MOV/DIV/H.264/AVI/MPG/DAT/VOB/MP3/WMA/JPEG - 預較時間錄影，同頻雙台同步錄播 - USB 外接硬碟，HDMI 及色差輸出 - 原廠行貨，一年保用 TAG.: SUPER, 多媒體, 高清, 機頂盒, DMR-55, 支援, RMVB

今年開始都以經無咩點影相，又無咩作品出咁，睇返十年前舊相，真係好呢幾年無咩分別咁，即係無進步過，反而無影相會退步返哂，唔知點影好，又無左動向，大家如2有留意SONY動向，除左玩 E-MOUNT 外，A-MOUNT 唔知又係唔係真係會放棄，不過點都好，我都仲係 SONY MINOLTA 粉絲，好難離開或以經再無沖動去轉系統了。 不過今晚又再次放十年前人像相，十年後睇返又好似幾好咁，不過都係過去了，只係整理一下而以，人像? 以經無咩點再影。 COPYRIGHT 2006, ALEX CHEN TAG.: 2006, 人像, 十年, Tracy

電 單車以經由初初玩樂，而家變成左腳車，原來不經不覺都玩左十年時間，十年前係一部好車，十年後現在都係一部好車，不過今次因為由尾避震老化開始漏油而起 (其實都以經換過一次)，今次不如大動作搞搞佢，本來一心諗住比車房搞，不過因為師傅唔得閒，所以自己找找資料，同學下點搞，最後由準備時間到全部搞完，足足用左五個星期假期。 其 實因為Ｄ配件唔係一次過到齊，所以先分開幾個星期來搞，鬼咩，一個人其實都幾難搞，不過有老爸幫忙，兩父子就慢慢玩足三星期，其實都係換一換簡單外部配件而以，但都唔係一件易事來。 部 車自己搞下搞下連物品都搞左好似好多咁，因為有Ｄ野唔識搞，所以遲下都要比錢師傅搞，所以要等下次再算，以下係買左物品同以經換左完成部份。 01) 水箱護板 (1對) 02) 車頭大燈 (白光 LED 燈) 03) 大燈支架 (1對) 04) 三角型護架 (1對) 05) USB 充電器 (安裝) 06) 直流電壓表 (安裝) 07) 鷹爪掛鈎 (1個) 08) 原裝方向燈 (前後2對) 09) 龍頭手把管平杆 (直杆) 10) 後視鏡 (尖型) 11) 尾避震 (1對) 12) 短型 LED 刹車燈 (安裝) 13) 油箱蓋 / 魚骨 / 螢光80後 / HONDA / SNOOPY (貼紙) 14) 電線駁線熱縮管 3mm + 一整盒各型號 (物料) 15) 保險管 / 保險絲 / 對接線端子 (物料) 16) 多功能螺絲 - 六角 / 一字 / 十字 (工具) 17) 8 / 10 / 12 / 14 / 17 號手把 (工具) 18) 2 / 4 / 5 / 8 號六角扳手 (工具) 19) 焊接電絡 / 嘴尖嘴鉗 / 剝線鉗 / 壓線鉗 (工具) 睇 返自己原來搞下搞下都玩左唔少錢，由其係工具方面，不過仲有就係" 手把 "未換，" 儀表燈 "聽聞好難搞就放棄左，但而家睇下睇下" 左右手把開關總成 (1對) "又係老化又心動想換鬼左佢，不過價錢而家未知點，又係遲下先再打算，最後外觀自己完成了。 更新 2016-05-10 得閒落開車房問下師傅有 D 野點搞，問左後師傅話而家好多舊車都無哂原廠零件買，有錢都無得換，而家老化左零件只好用到佢用唔到為止，到時好找找二手，...

而 家好多小電器或耳機都係用 USB 充電，不過大家都可能無為意充電快慢，似經都係用返原裝火牛係最穩定用穩陣，不過屋企總有一個分線器 (1開2 / 1開4 / 1開6)，似鐘唔係一個插頭插住幾十隻火牛，但係不足之處就係會把總 A 數分開計，又會另到電壓或 A 數下降而充電時間加長。 今 次玩下呢個"智能充電加速器"，其實開頭都有朋友問我係咪真係有用，我就做白老鼠試一試，"智能充電加速器"會自動識別至新款支援高通快充電手機/平板等數碼設備，根據設備信號自動加速升壓成標準的高通 QC 2.0 的 5.4V / 9V / 12V 來進行快速充電 (最高可達 20W)。 使 用"智慧充電加速器"其實都要有兩個要求要達到，第一就係本身隻火牛，要有足夠 A 數 (5.0V - 4000mA)，如果不足就見意同時使用兩隻 (5.0V - 1500mA, 再加一條 2合1 USB 線)，2合1 USB 線用途就係同時係兩隻牛同時取電，你可能會問咁鬼煩，當然如果有錢更係比三四百蚊直接買隻 QC 2.0 火牛啦，不過足唔足火只係用更果個先知，第二就係隻火牛電壓要穩定。 如 果大家屋企唔係全部都可以支援 QC 2.0 快充電器，又唔捨得買個 QC 2.0 火牛，可以玩下呢個加速器，因為除左加速之外，其用途仲可以把電壓不足火牛由 4.6V 升至 5.2V 左右，A 數都會提高，另到足夠電壓差電，就唔會成日長時間充電養住舊電，浪費時間 (香港人急性習慣)。 最 後講真快幾多係電睇你本身設備，因為電壓各有不同，就算我本身電話只用 5.0V 再用加速器，一小時差唔多可以充到 40% 電，如果用原裝火牛唔用加速器只可以充到 25% 電左右，我當然仲有其他數據，不過支援 QC 2.0 設備就多快 150% 左右或以上，你都咪話唔爽。 ~後記~ 1) SONY 機當充滿 100% 電後"智能充電加速器"會自動減慢電源，但我唔知係唔係每部電話都係咁，其它電話我就未試過都唔知，當電量滿 100% 後會繼續以 0.1A (約 0.53W) 充電，過夜充電其實都唔怕咩問題，不過最理想只係要快充到轉燈或 9x% 就會停止，因為 SONY 機當過到 90% 或以上充電就會減慢好多。 2) 如果使用任何充電火...