ALEX.C〔攝影．玩物．淘樂〕

今年開始都以經無咩點影相，又無咩作品出咁，睇返十年前舊相，真係好呢幾年無咩分別咁，即係無進步過，反而無影相會退步返哂，唔知點影好，又無左動向，大家如2有留意SONY動向，除左玩 E-MOUNT 外，A-MOUNT 唔知又係唔係真係會放棄，不過點都好，我都仲係 SONY MINOLTA 粉絲，好難離開或以經再無沖動去轉系統了。 不過今晚又再次放十年前人像相，十年後睇返又好似幾好咁，不過都係過去了，只係整理一下而以，人像? 以經無咩點再影。 COPYRIGHT 2006, ALEX CHEN TAG.: 2006, 人像, 十年, Tracy

電 單車以經由初初玩樂，而家變成左腳車，原來不經不覺都玩左十年時間，十年前係一部好車，十年後現在都係一部好車，不過今次因為由尾避震老化開始漏油而起 (其實都以經換過一次)，今次不如大動作搞搞佢，本來一心諗住比車房搞，不過因為師傅唔得閒，所以自己找找資料，同學下點搞，最後由準備時間到全部搞完，足足用左五個星期假期。 其 實因為Ｄ配件唔係一次過到齊，所以先分開幾個星期來搞，鬼咩，一個人其實都幾難搞，不過有老爸幫忙，兩父子就慢慢玩足三星期，其實都係換一換簡單外部配件而以，但都唔係一件易事來。 部 車自己搞下搞下連物品都搞左好似好多咁，因為有Ｄ野唔識搞，所以遲下都要比錢師傅搞，所以要等下次再算，以下係買左物品同以經換左完成部份。 01) 水箱護板 (1對) 02) 車頭大燈 (白光 LED 燈) 03) 大燈支架 (1對) 04) 三角型護架 (1對) 05) USB 充電器 (安裝) 06) 直流電壓表 (安裝) 07) 鷹爪掛鈎 (1個) 08) 原裝方向燈 (前後2對) 09) 龍頭手把管平杆 (直杆) 10) 後視鏡 (尖型) 11) 尾避震 (1對) 12) 短型 LED 刹車燈 (安裝) 13) 油箱蓋 / 魚骨 / 螢光80後 / HONDA / SNOOPY (貼紙) 14) 電線駁線熱縮管 3mm + 一整盒各型號 (物料) 15) 保險管 / 保險絲 / 對接線端子 (物料) 16) 多功能螺絲 - 六角 / 一字 / 十字 (工具) 17) 8 / 10 / 12 / 14 / 17 號手把 (工具) 18) 2 / 4 / 5 / 8 號六角扳手 (工具) 19) 焊接電絡 / 嘴尖嘴鉗 / 剝線鉗 / 壓線鉗 (工具) 睇 返自己原來搞下搞下都玩左唔少錢，由其係工具方面，不過仲有就係" 手把 "未換，" 儀表燈 "聽聞好難搞就放棄左，但而家睇下睇下" 左右手把開關總成 (1對) "又係老化又心動想換鬼左佢，不過價錢而家未知點，又係遲下先再打算，最後外觀自己完成了。 更新 2016-05-10 得閒落開車房問下師傅有 D 野點搞，問左後師傅話而家好多舊車都無哂原廠零件買，有錢都無得換，而家老化左零件只好用到佢用唔到為止，到時好找找二手，...

而 家好多小電器或耳機都係用 USB 充電，不過大家都可能無為意充電快慢，似經都係用返原裝火牛係最穩定用穩陣，不過屋企總有一個分線器 (1開2 / 1開4 / 1開6)，似鐘唔係一個插頭插住幾十隻火牛，但係不足之處就係會把總 A 數分開計，又會另到電壓或 A 數下降而充電時間加長。 今 次玩下呢個"智能充電加速器"，其實開頭都有朋友問我係咪真係有用，我就做白老鼠試一試，"智能充電加速器"會自動識別至新款支援高通快充電手機/平板等數碼設備，根據設備信號自動加速升壓成標準的高通 QC 2.0 的 5.4V / 9V / 12V 來進行快速充電 (最高可達 20W)。 使 用"智慧充電加速器"其實都要有兩個要求要達到，第一就係本身隻火牛，要有足夠 A 數 (5.0V - 4000mA)，如果不足就見意同時使用兩隻 (5.0V - 1500mA, 再加一條 2合1 USB 線)，2合1 USB 線用途就係同時係兩隻牛同時取電，你可能會問咁鬼煩，當然如果有錢更係比三四百蚊直接買隻 QC 2.0 火牛啦，不過足唔足火只係用更果個先知，第二就係隻火牛電壓要穩定。 如 果大家屋企唔係全部都可以支援 QC 2.0 快充電器，又唔捨得買個 QC 2.0 火牛，可以玩下呢個加速器，因為除左加速之外，其用途仲可以把電壓不足火牛由 4.6V 升至 5.2V 左右，A 數都會提高，另到足夠電壓差電，就唔會成日長時間充電養住舊電，浪費時間 (香港人急性習慣)。 最 後講真快幾多係電睇你本身設備，因為電壓各有不同，就算我本身電話只用 5.0V 再用加速器，一小時差唔多可以充到 40% 電，如果用原裝火牛唔用加速器只可以充到 25% 電左右，我當然仲有其他數據，不過支援 QC 2.0 設備就多快 150% 左右或以上，你都咪話唔爽。 ~後記~ 1) SONY 機當充滿 100% 電後"智能充電加速器"會自動減慢電源，但我唔知係唔係每部電話都係咁，其它電話我就未試過都唔知，當電量滿 100% 後會繼續以 0.1A (約 0.53W) 充電，過夜充電其實都唔怕咩問題，不過最理想只係要快充到轉燈或 9x% 就會停止，因為 SONY 機當過到 90% 或以上充電就會減慢好多。 2) 如果使用任何充電火...

今 年唔知係唔係第一次落黃雨警告，不過一發出就5個半鐘時橫風橫雨，琴日返工真係褲濕鞋濕祙都濕，真係好鬼辛苦，呢 D 天氣我諗大家都會改返拖鞋多，不過呢期試左呢個防水雨鞋套，直頭連鞋着真係好過引，因為由出門到收工 (四處外出工作)，可能我係男仔，收視率真係超過 90%，好多人都問係唔係用穿住個膠袋 (我話係水鞋來嫁)，有 D 路人都話見過，香港唔平，但原來而家好多香港人都會網購，一諗到就去果到買。 其 實香港好多格仔鋪或商場邊鋪都有得買，或者可能覺得貴或無心留意，品質靚 D 都係四十蚊左右，唔好買十幾蚊果 D，或者你覺得一次性 OK 咪 OK 囉，黃雨水浸過水都無濕鞋，我做左白老鼠過街，哈~~~ 夏天雨水多，落雨一對係身邊又真係幾方便，不過記得褲腳要向外呀，如果唔係濕褲腳水會經褲腳到入面。 TAG.: 防水, 防雨, 鞋套

放假放假又放完假，放假無事做更係休息一下啦~ 喵... COPYRIGHT 2016, ALEX CHEN TAG.: 休假, 假日, 休息, CAT, 喵, 貓

得閒走去拍拍，藝人貼明星貼 Ali Lee。 COPYRIGHT 2016, ALEX CHEN TAG.: 明星相, 藝人, 李佳芯, Ali Lee

大 家有車之人都知道車頭上只有一個點煙頭，其實除左原裝點煙頭外其功能就係電上外接電源，基本上都會印有 V 數值 (分別 12/24/36V，一般都係 12V 同 24V)，有人覺得係車上用電係會負荷電池，不過當行車時"打南摩"使用中就基本上都不會負荷，因為"打南摩"就是車的發電機，開車後行車時還會幫電池叉電。 今 次試用左呢隻先科 (SAST) 品牌，聽聞最多可支持 120W 電流，而雙 USB 就支持 1+2.1A = 3.1A，而呢個 T11S 型號係加入了電壓顯示/檢測，可以即時睇到電壓情況，如果過高或低電壓會有警報聲 (這我還未試過)，可以係多一個保障功能。 其 實方間都好多呢o的分配器選擇，不過唔知大家又會用咩去衡量去選擇，平得廿幾卅十蚊又有，貴得百幾兩百也有，當然，選擇係比錢人話事。 品牌 : SAST / 先科 型品 ; T11S 功能 : 1開3車用電源分配器 + 雙USB充電器 用料 : ABS工程塑膠 輸入 : 12V~24V 功率 : 電源120W / USB 3.1A 合用 : 所有車用 120W 內電器 註解1 : 12V正常電壓為12~13V (開車後為13.5~14.5V) / 不正常電壓為低於12V"或高於15V 註解2 : 24V正常電壓24~25V (開車後為27~29V) / 不正常電壓為低於24V"或高於29V 講 真用左咁耐覺得真心不錯，所以同大家分享一下，如果大家找到或覺得貴可以去買平的使用，但如果大家找到價錢平的，咁就大家歡喜，我見方間有好多隻係得 12V，記得我呢個係 12~24V 來嫁，有咩分別唔洗我講啦掛。  TAG.: SAST, 先科, T11S, 1開3, 12V, 24V, 車用, 電源, 分配器, 雙USB, 1A, 2.1A, 充電器