ALEX.C〔攝影．玩物．淘樂〕

咁 又一個假期，天氣又係成日都唔係幾好，不過今日天陰陰又見無落雨，獨自一人又再去香公行下，可能昨日落完大雨，無咩好影囉，雀、蜻蜓都好少，又無咩花影，荷花又未有，行下坐下咁就大半日，都好吖，放鬆心情又一天。 今 日再用下部 NEX 隨拍一下，上次試過加支 ZA 玩，今次就加支 STF，不過因為要手動對焦關係無用支 ZA 咁爽，但拍攝過程真係好難估計有咩作品會出到，因為支 STF 光圈只唔算大，天陰陰無防震要用上 ISO400-1600 先有安全快門，不過天陰係一支所謂好鏡頭色彩發揮，但我用細機同手動鏡影相真係慢好多好多，下下都要睇完位先慢慢對焦再慢慢按下快門，今天用了五小時拍攝，雖然影得唔多，但係呢個玩法又有另一種樂趣。 N EX 7 的 2400 萬像數，成像又真係唔睇得少，但網上很多人都話佢 CCD 成像一般 (同 A77 相同)，成像我都知佢唔係 A850/900 級數，不過講真我係接受，要有更好的你又唔俾錢去買，有時真係好難做，價錢作怪姐，唔鍾意 SONY 不如直接玩 NIKON D4 或 CANON 1Ds 啦，唔好成日係到吹呢樣唔好果樣唔好，倒不如影多 D 作品分享下仲好啦，影相無分門派，作品只由心裡欣賞。 有 朋友話用 NEX 拍夜景影像唔多好，好～～　等我找一天得閒去試下手持拍攝夜景睇下係機問題吖、定係鏡頭影響吧！ 個人品評： NEX 無防震功能，下下都要安全快門真係為有用 ISO 保救，不過呢支 STF 用起上來都真係唔易，怕手震影響，怕對唔到焦，如果真係心急小小都死，但用上手有另一種樂趣，就係可以把所手時間都慢慢咁過，因為咩都要慢慢來，如果有機會我想用佢來試下影一輯人像作品。 ALL COPYRIGHT 2012, ALEX CHEN 註：原相 (E沖C) @ 銳化 +1 TAG.: SONY, NEX, 7, 135, STF, 假日行公園, E沖C

反 咀鷸係冬季侯鳥來，要影只要有炮仔都可以每年冬天係北區找到踨影，佢個鷸唔知大家又識唔識讀呢? 我係網上找個相關資料 (有錯請指點)。 音：鷸 = 律 反咀鷸 = 反咀律 其它我都只係一支半解囉！ COPYRIGHT 2012, ALEX CHEN TAG.: 冬季, 侯鳥, 反咀鷸, 鳥類, 生態

有 時得閒無食午飯，同朋友去下餐廳坐下吹下水飲下下午荼，都係一個不錯的消暑方法，有冷氣坐下食下吹下影下咁就一個下午嫁啦。 COPYRIGHT 2012, ALEX CHEN TAG.: 紅豆凍, Hi Tea, SNAPSHOT, Red beans frozen    

一 年過一年，時間真係好快咁過，身邊又有一位朋友結婚了，在此深感祝福，大日子過後，自己還是單身又有點好似唔知點咁。Clara Yau、Ka Lok 又係人生另一個起點，人總要有負擔才算過得人世，希望會有點改變也好。 身邊還有很多煩所是事，點解唔可以長進一點。 2012/05/24 TAG.: 祝福, 朋友結婚了

蝴 蝶蝴蝶，太多不同品種啦，不過我影到果Ｄ都係大家經常見到的，今次出張"玉帶鳳蝶"，係鳳蝶科一種，大眼 Look Look 好精靈。 COPYRIGHT 2012, ALEX CHEN TAG.: 鳳蝶, 玉帶鳳蝶, 生態, 蝴蝶, 賞蝶, 鳳園, MACRO

S amsung 上個月又再把 GALAXY S II 更新，不過大家唔好以為有咩新改動，唔好意思，係完全無喎，不過今次第二版唔可以直接 OTA 形式下載更新，之前由 2.x 更新左 I9100ZSLPE 用家，要用 SAMSUNG KIES 才能更新最新 I9100ZSLPG (LPG) 版本，更新方法與上次完全相同，只要 STEP by STEP 就可以，我今次就完全無上次 HANG 機情況，只係用左約 20分鐘左右 (直至完全開機)，簡單 100% 正常由 LPE 更新至 LPG 版本。 LPG ver.2 今 次更新都係停留在 4.0.3，Samsung 只係在 4.0.3 的基礎上為軟件進行微調，更新主要係提升手機系統速度、穩定性。 以港版 Samsung GALAXY S II ( Android ICS 4.0.3 - ver.2 為名) LPE Upgrade至4.0.3 LPG 後以知更新事項: 1. 12小時制 ( 當不使用24小時制, 右上角時間改為 AM/PM ) Update 2012/05/22 (我的更新) *LPE > LPG (4.0.3 ver.2) *整體運行順左, 流暢度提升 *開app's快左好多 *關 Wi-Fi 轉 3G, 再開返 Wi-Fi 連接無再 HANG 機 TAG.: Samsung, GALAXY, SII, GS2,,Android, ICS, 4.0.3, ver.2, LPG, 冰淇淋三明治, Ice Cream Sandwich, 三星, 智能電話

好 一隻大懶貓，日光日白又訓覺，今次仲要一伸咁彎個大懶腰。 COPYRIGHT 2012, ALEX CHEN TAG.: 伸腰大懶貓, CAT, 猫, 白, 黑