ALEX.C〔攝影．玩物．淘樂〕

好 眼訓呀、好悶呀、好熱呀、好想去玩水呀，今日一早比人嘈醒，又訓唔到，入左赤柱唔係去玩水，鬼咩，一個人，去睇下龍舟水好過，好彩都無點落雨，算好采囉，但係就熱到呢，真係幾囉命，我未去過現場睇龍舟，都好吖，當去行下嗎。 原 來現場真係好鬼熱鬧，人又咁鬼多，成個沙灘都係人，就連行都要慢慢則身行，咁你話多唔多人呢，影友真的無處不在，大會的，個人的，朋友的，遊客的都手上相機來，要反殺得不少菲林，除了又係靚女之外，就要諗諗出下心思，如龍珠隊，熊貓隊就出了點風頭，比基尼鼓手又同樣成為攝影焦點。 我 都係去走走就算吧，位置不多，或許大家可只用 tele 有很多東西也值得去影下呢，偷偷的拍吧 ~ 呵～～～ 其實我都無咩點影，一次去就一次經驗，下次有機會再入去起馬知道咩環境先。 COPYRIGHT 2010, ALEX CHEN LOCAL STANLEY DATE 2010-06

六 月份到左啦，又係情侶去一齊去睇下準備時候啦，六月又來一個第59屆夏日婚紗展，今次又返返來香港最大展覽場地，今次婚紗展真係好多人，相對上果幾次真係人山人海，無論係要結婚，結左婚的都可以走去行一行，睇一睇，其實我入去都好少四維睇，因為都係自己一個，呢 D 服務我都仲未用得著，我都相信好快嫁啦，到時先慢慢行都仲有大把時間，不過一年係大場就真係先得好幾次，但係一年內婚展大大細細場其實都差不多可說兩個月來一次，証明係有幾多人結婚呢。 唔 好話，入到場內都係去睇下 MODEL 展示美麗婚紗，但係唔係又當影女又另一回事，不過我就多數都係 Snap 下婚紗，其實著得靚唔靚都好講個 MODEL，因為人人都係睇 MODEL 為先，但係唔通你女友係婚紗時又係台上 MODEL 咩，各位唔好只睇女，有時相片就係可以影響我地去回想當時情景，開心呢。 今 次相對之下，所影的可以做一個記錄，現場燈光又再一次另我頭痛，又一次很好經驗，下次再得以慢慢改善吧！今次又有一件晚裝都好鍾意，係一件有蝴蝶花的晚裝，好靚吖。 COPYRIGHT 2010, ALEX CHEN PHOTOGRAPHY ALEX CHEN DATE 2010-06-05 LOCAL HKCEC Photo Link @ facebook.com/alexchkk

六 四，大家會想起咩，不經不覺六四以經過去廿十一年，係印象之中八九年我只看著電視的特別新聞佈告，點解會發生呢Ｄ咁可怕的事，都過去咁多年，六四係市民心中係不可熄滅光火，每年都有數以萬計市民到維園做個記念。 今 年我都唔知係好采定唔好采早到，不過拍得都唔算多，但係人就非常之多，時間一分一秒咁過，天都由日到夜，唔用咩好唔好鏡，SNAP 左先講。未到大會開始以經人流水洩不通，硬地球場以經完全全滿，草地都要完全開放給，人多爆場自然爆得早，不過今年我都唔留咁耐啦，水漲船高之下我都係收拾心情回家休息。 我 其實都以經唔係弟一次去，不過今年好明顯係感覺上多了很多人，大學生? 中學生? 八十後等等年青人仕，仲有好多家長都帶住自己小朋友來到一齊習會，體驗一下氣氛? 還是要給下一代知道實情，我覺得兩者都有，點都好，只要大家個心向著同一方向，我會相信有美好的一天，只要還有一點小小火光，將會引導明確方向，似鍾紙係包唔住火，一個文明開放國家，點解會用“鎮壓＂來對市民，以經唔開放唔更要，但單單只看呢廿一年來，中國給了我們什麼，一 D 都睇唔到，只係睇到好多不幸信息，都用打擊、網上防火牆，阻隔新聞言論，國家完全不對外開放等等等等。。。我讀書雖唔多，但我而家明白咩叫做可恥。毋忘六四、燭光晚會又一見証大家要平反。政府受中共影響，要曾取普選，我地都要企出來，七、一 (見)。 COPYRIGHT 2010, ALEX CHEN DATE 2010-06-04 LOCAL VICTORIA PARK SONY A700 HIGH ISO (NON FLASH) B+W

咁 又一個月尾，好快又到六月，六月有咩玩，原來唔覺自己都好似定左咁，玩就唔洗多講，先來 6月4日呢個晚會，今年如無意多都可以去到，原來我都有好幾年都無到過，跟住就係 6月6日再戰日出，相約朋友直上高山，影唔影得都成問題，不過我相信又要睇運氣啦，唔知今次又會唔會咁好運呢，影唔到的話為有等下次囉，影日出真係要好有精神上的支持，仲有就係來緊 6月16日，咩日子我諗大家都知掛，就係影龍舟啦，呢個我就完全未影過～　因為一來我無長炮，二來早年呢個節日又來雨，直頭完完全全把我興致完全息沒，呵～真係咁都有。 早 星期又有小小時間偷偷的出去影相，不過時間只係約半小時就回來，因為沒什麼好提材，再走到商場看看，而家假期時真係多SHOW睇，好似機本上一些大型商場成日都有節目，好啦，龍友又係出動的時候囉，其實夏天都到，又係雨季，如果落雨時無節目，大家不妨可以行下街街影下相咁啦，聽聞旺角行人專用區假期成日都有展女出來介紹一下產品，龍又出動啦，仲有係一個商場又話將成條行改左做 SHOW 區，比人影相之餘仲有攝影比賽，大家真係咪放過呀，但係呢個數碼節「世界杯美少女攝影比賽」，好明顯又係影女時候，不過質數如何，大家就自行了解吧！但又有冷氣真係好過外影，咁鬼熱，不如食下雪糕飲下氣水仲好過啦，最後就係好難得有人會同一齊傻唔訓覺走去眼光光等天光， 6/6 快 D 到啦，呵～～而家都出返上次D相相啦，以以... 唔覺唔覺手頭上又有20GB相未備份，唉~真係頭痕呀。 COPYRIGHT 2010, ALEX CHEN PHOTO BY ALEX CHEN MODEL 莊思敏、楊秀惠、UNKNOW DATE 2010-05 SONY - A700 - 135ZA 呢幾張相係一個商場內的節目，大馬魅力 FashionShow，仲有"莊思敏"同"楊秀惠" 楊秀惠 莊思敏

電 影，一個星期都真的看了不小，雖然我很小去戲院睇，但各人看法也是人人不同，今晚就看了“親愛的伽利略＂，可能香港人未必會聽過咩戲，泰國除了鬼片還有這種類型，戲中講述人生的體悟，真係覺得十分有意義，人生觀各有不同、各有特色，人～總要放眼世界，電影整個旅程之中，兩人正視個人的問題、友情考驗、親情可貴等等，都係她們生活裡留下成長的印記。 電影的劇情簡介： [2009年的泰國電影 (泰語)] 　　西元一五九零年，伽利略發現，在同樣的高度，把重量不同的同一物質一起拋下，它們會同時著地。但是如果伽利略一直活到現在，他就會發現當我們把一個落榜的女孩和一個失戀的女孩放到一起，她們就會一起出逃。電影講述兩位泰國女孩因不同的目的一起出逃到歐洲，在旅行的過程中認識自我，感悟人生的故事。 "親愛的伽利略"主題曲《只是想念》Yarinda 演唱 (泰語) Dear Galileo 2009 (值得一看的泰感人電影)

今 次又來人像，不過改了室人了，加上了兩支燈，一般的光源來拍攝，初時本來還以為我會遲到，但因化妝時間比餘其出了小小時間，所以拍攝也一點點地推後，但只是因可惜要由大地方轉為一個小小的地方才可再拍攝，，多謝化師兄 Cherry 找地方，多謝兩位 Model，更多謝 Daniel，地方小小辛苦大家。 COPYRIGHT 2010, ALEX CHEN PHOTOGRAPHY DANIEL MODEL LILIAN LAM & MAG MAKE UP & SET, CHERRY & YUKI LOACL CLUB STUDIO FALSH x2 Photo Link ON  netalex.img.hk  (16/16) LILIAN LAM x1 LILIAN LAM x2 MAG x1 MAG x2

5 月的第一個星期天，真係本來一心打算可以飯後才出外走走，點知前幾天收到一位朋友來電話要結婚，嘩～　真係恭喜囉，又一位朋友嫁出去了，哈～～～　一早同朋友出去食個早歺後，就去見證新人的婚禮咁就一個早上。 見 咁早又未日落，聽朋友講話尖沙咀有公仔展品，咁見咁早又無咩方好去就落左尖吵咀行下，去到都好多人，原來係一個叫做"鐵甲奇俠2"公仔展，仲有個 1:1 的大型公仔，真係都幾大下，身邊當然唔少得細細地又係窗內的公仔給心影下相咁，行行下就去食個 TEA 跟手即刻走去最後的目的地，就係跑道尾。 入 到去都仲係早早地，不過因為天氣好到不得了，就連一舊雲都無，真係無陰公，假日去到日落原來入面都好多人下，不過飛機就影唔到啦，因飛得太高而我又係用 WIDE 鏡影就好似影到似雀仔咁，唉～　放棄，下次再來過吧。睇完、行完、影完後最後返銅鑼灣食飯就返歸，累死!!! COPYRIGHT 2010, ALEX CHEN DATE 2010-05-02