ALEX.C〔攝影．玩物．淘樂〕

曾 幾何時，燒碟係其中一個樂趣，由CD-RW、DVD-RW，當年真係燒咗唔少錢，燒碟機都買過唔少部，不過而家嘅電腦用 USB手指真係平過當年所有燒錢機，因為燒碟始終都係一次性，但係手指就可以不停重複咁用，講實惠方便真係追唔上時代潮流。 而 家都2025年，係哩個年代我都冇惗住係櫃桶底抄返部燒碟機同啲CD-R出來，係我印象之中我都仲有過百隻吉碟，當然當中都仲有少部份係DVD。 因 為今年有啲特別事又要燒碟，但由於以經一早更新新咗 Win11，所有好多老舊版本軟件都用唔返，記得當年一直最好用就係 Nero (6.6.1.4)，軟件細又安裝快，簡單又易上手，不過到今時今日電腦原來以經唔支援，以經用唔返，為有只好再努力做下功課去搵一個比軟新版本，而今次搵到Nero Burning ROM 2021 (23.0.1.20)，顧名思義都係2021年所出，不過係 Win11 嘅64BIT系下運行完全冇問題，但檔案大少由當年34MB一下增加到208MB。 不 過而家都25年，你諗下仲有幾多人會用燒碟機，其實我自己都唔知幾耐冇再用過燒碟機，不過由櫃桶底攞翻出來睇一睇原來部機都15年前，雖然好新淨加少少灰塵，其實心惗都唔知仲用唔用到，始終都唔知自己擺咗幾多年，不過佢都好叻叻正常幫我燒咗8隻 CD-R，雖然每隻得2~5MB 檔案，但係對我來講佢幫咗我就係幫咗我。 TAG.: 光碟機, 燒碟機, CD-R, CD-RW, DVD-R, DVD-RW, Nero, Burning, ROM, Express, 2021, 23.0.1.20, 燒錄軟體