ALEX.C〔攝影．玩物．淘樂〕

沒 有遠足去影紅葉，不過近近地有時都會見到其它以經紅了的紅葉，片片紅葉了，不過以綠葉襯托都好似好好睇咁。 COPYRIGHT 2014, ALEX CHEN TAG.: 紅葉

年 尾流流，放假先來落雨，搞到外出無心機影相，今年無咩鳥相，只係睇下大熱"灰林䳭"，得閒影下都開心下。 呢 張係今年最後一張作品，2014年咁就完鳥。 COPYRIGHT 2014, ALEX CHEN TAG.: 灰林䳭, 生態, 雀鳥, Xicola Ferrea

摩 天輪係香港未開都以經俾人影到爆，其實大家手機相機都可能以經見到無數作品，影一張好睇都真係幾難，我以正面背光影左好幾張，都係得一張見得人喳，好明顯我又退步不少了。 COPYRIGHT 2014, ALEX CHEN TAG.: 摩天輪, 中環, 香港

聖 誕節又到，即2015 年快來到，呢排無咩好貼，天氣又凍凍地，真的凍鳥。 祝各位聖誕快樂! COPYRIGHT 2014, ALEX CHEN TAG.: 凍鳥

好 快好快 2014 年又過去，過去聖誕前夕，太古再次請來美國知名雜技團為大家獻上糅合歌唱、趣劇及高難度雜技於一身的大型精彩匯演表演節目表，係2011年以澳洲星級歌舞劇團來港表演歌舞，當年都相當精彩，今年換了再以雜技趣劇為主題，太古以聖誕奇藝坊而名。 簡介： 　　世界知名雜技團來港獻技、集歌舞及高難度雜技於一身，太古城中心於今個聖誕將邀請得世界知名雜技團WonderWorld Entertainment (WWE) 來港為大家獻上糅合歌唱、趣劇及高難度雜技於一身的大型精彩匯演。由12月3日至7日期間，曾是前索拉奇藝坊(Cirque Du Soleil) 演員並於世界級表演比賽中贏得世界冠軍的WWE創辦人Michael Manzanet ，他將帶領一眾的專業表演者一連五日於二樓舞台上施展渾身解數，定令所有觀眾嘆為觀止，感受驚喜難忘的聖誕佳節。 　　是次WWE的表現劇目以蒙太奇(Cirque Mortage)為主題，講述主角追求成為馬戲團表演者的夢想。每場為時30分鐘的表演由多個充滿藝術性及觀賞性項目串連而成，為觀眾帶來一幕幕充滿幽默感及驚心動魄的表演。其中包括極度考驗膽量及技巧的高處平衡表現 (Rolla Bolla) 、倒轉身體再以雙手支撐於一點上並做出多套高難度動作 (Archery Handstand)、以及將全身與巨大車輪融為一體的特技人隨著音樂拍子舞動 (Cry Wheel) 等精彩雜技奇藝。表演當中亦會加入趣劇及歌舞元素，令內容更豐富，為觀眾帶來前所未有的世界級視聽新享受。 COPYRIGHT 2014, ALEX CHEN PHOTOGRAPHER, ALEX CHEN DATE 2014-12 LOCAL CITYPLAZA PHOTO aT facebook.com/alexchkk/ (83 / 83) 今次影左兩場，每場約30分鐘，節目相同，但服飾不同 :) WonderWorld Entertainment (WWE) @ City Plaza 服飾１ 服飾２ TAG.: CITY PLAZA, 太古城中, WonderWorld Entertainment, WWE, 雜技, 歌舞, 糅合歌唱, 趣劇大型精彩匯演, 聖誕奇藝坊

坐定定係到，得靜靜係到，影相真係可以影到點靚都得，大家記得係網上女生玩影相角度，由豬扒都可以變女神，今日我都用左光線影響，都係豬扒仔變左靚仔，佢係邊個，咪就係佢囉。 COPYRIGHT 2014, ALEX CHEN TAG.: 肥, 喵, CAT

好 耐都無點影過運動啦，係香港區又唔洗早起身日子，係赤柱有"第4屆"慈善競跑比賽，咁方便地方又去一去按下快門吧。 COPYRIGHT 2014, ALEX CHEN DATE 2014-11-30 LOCAL STANLEY PHOTO @ Sportsoho.com (110 / 110) 第4屆粉紅高踭鞋慈善競跑比賽 (The 4th Race with Pink Heels) TAG.: 第4屆, 粉紅高踭鞋, 慈善, 競跑, 比賽, The 4th, Race with Pink Heels

一 張簡簡單單唔洗技巧相，直光之中以最直接拍攝手法。 COPYRIGHT 2014,ALEX CHEN TAG.: 直光, 花草

係 XX (數個) 月之前，一心諗住要換左個喇叭佢，以經係 N 年前產物，所以都五勞七傷，不過以經打好左一個文章就可能未必會貼出來啦，因為係另一個品牌，但我又返返轉頭諗返 Edifier，哈~~~ 心思思想平 D。 換 喇叭一定要先諗有藍牙版，為真係方便唔小，起碼用電話時唔洗成日插線，又可方便大家用，以三百幾蚊聲都算過得去 (唔好用成幾千蚊喇叭相比)，其實真係粗用一流，本來係諗更 CREATIVE，喇叭好靚仔但又大隻小小，因為唔係一般貨色所以唔係平(考慮千幾蚊果 D)，但家中位置以經不能容納，所以只好放棄，5.1 > 2.0 > 2.1 聲道經過考慮，都係返呢隻 Edifier 玩下啦。 用後感： 用 左都差唔多成個星期，可能係用左內置變壓火牛，無左多件火牛放置問題煩惱，我都係以長開為主，BASS 唔算熱，長開都唔覺有問題，用左幾日聲都算咁上下，中、低音，藍芽連接都幾穩定，以四佰蚊樓下個價錢，覺得好過另一隻品牌 MICRO-LAB (差唔多價錢比較)，果隻就覺得高音尖 D 咁，平有平用，貴有貴玩，買來就要用，對於我對另一隻 貴價 Edifier & 貴價 Creative 喇叭，都係留住我心中算啦，不過我相信有一日都會帶佢返來玩下。 產品規格 (SPECIFICATIONS) System Configuration - 2.1 System * Bluetooth® Version ? * Bluetooth® Profile A2DP (Wireless Stereo Bluetooth) * Volume Level Control + * Bass Level Control + 輸出功率： * RMS 8Wx2 + 18W (≥85dBA) 輸入靈敏度： * R/L: 450 mV±50mV * S_W: 100 mV±20mV 輸入類型： * Bluetooth (藍牙)   - 預設藍牙連接為優先, 其次為 Line-In   - 未連接為紅燈   - 經連接為藍燈 * 3.5mm Line-In 調整： * 主音量 / 低音炮, 音箱上旋鈕調節 * 低音單元：5英寸（131mm），防磁，8Ω * 中/高音單元：2.75英寸（73mm），...

今 次影近小小，正面小小，又好似無咩特別。 COPYRIGHT 2014, ALEX CHEN TAG.: 花, 芯

蜓 一停、影一影，最直接簡單作品。 COPYRIGHT 2014, ALEX CHEN TAG.: 蜓, 蜻蜓

又 係一年一度攝下鬼，好快又過兩年時間，上年因有點事而去唔到，今年早收工就走去行左個轉，雖然唔係飲下酒溝下女，只係過下氣氛咁，不過都OK啦，話哂都算係一個特別節日咁啦，呢 D 咁事世，唔洗多講，更係唔理好醜、但求就手影左先算啦，不過原來係晚上用左支 35mm 雖然唔算太 WIDE，如果用 24mm 可能會更好視角效果，不過係一 D 角度，35mm 真係好好。 無 咩好野睇，又係亂攝鬼、攝靚女、攝空間、攝合照、攝得就攝時間，不過時間好快又過左去啦，要玩大家等出年囉。 COPYRIGHT 2014, ALEX CHEN DATE 2014/10/31 LOCAL Central PHOTO @ facebook.com/alexchkk (263 / 263+1) - 如果大家睇到有自己出現, 可以自行 TAG 返自己 TAG.: 萬聖節, Halloween, 2014, 攝鬼, SNAPSHOT

入 秋了，天氣都仲係好熱，狗狗就最怕熱動物，上次影完狗玩水，今次就影佢係到曬太陽，我叫佢 HOT DOG 啦。 COPYRIGHT 2014, ALEX CHEN TAG.: HOT DOG, 熱狗

狗 狗有 D 真係唔怕水，因為有自家狗仔識泳術，不過主人要佢玩到咁真係除左熱狗之外，而家就係變左濕水狗囉，小心冷親哦。 COPYRIGHT 2014, ALEX CHEN TAG.: WATER DOG, 濕水狗

好 耐都無影過蝴蝶，影佢真係等曬到我頭暈，不過影到一隻半隻都叫好過無。 COPYRIGHT 2014, ALEX CHEN TAG.: 蝶, 蝴蝶, 生態

人 有時想快樂，就會諗點樣去滿足自己，不過我好似好耐都無點真正慢慢去影，把時間拖得慢一慢一個人咁慢步行沙灘，時間真係一分一秒咁流走，不過差不多要走之時，有一家大細去到玩，不過就多左位外籍影師，我就偷偷從旁邊偷師囉！ 你 睇，有時開開心心就係咁簡單 ^_^ 咁我就行左差唔多三個鐘，回家。 COPYRIGHT 2014, ALEX CHEN TAG.: Happy Family Day, 開心家庭, 沙灘, 跑

今 年由新店帶領好似係第一個蚊型 SHOW， I.T. Fashion & Shoes 打頭陣，不過係 CP 場地搞就真係覺得麻麻啦，同 PP & FW 場相比之下覺得更差，因為浪費左台中同台前位置。 講 真係 CP 場真係一次比一次人流多左，以前提前半個鐘都以經有位，自上年開始提前一個鐘都以經無位企，今次再提早一小時十五分鐘都同橏無位企，真係.... 企都企到腳仔痛囉 T_T I. T. 呢間野真係好多都以黑色為主，今年秋季興 D 咩，先睇下 I.T. 買咩仲好啦啦！ COPYRIGHT 2014, ALEX CHEN PHOTOGRAPHER, ALEX CHEN LOCAL CITY PLAZA DATE 2014-10-12 PHOTO ON facebook.com/alexchkk (70 / 70) TAG：I.T., Fashion Piazza, 2014, Fashion Show, Shoes Show, CITY PLAZA, 太古城中心

不 經不覺原來都走向 Sony 近六個年頭，影相除左係個人興趣／同樂趣之外，就係比器材玩的倒轉人生時期，因為科技只會向前而不會後退，人大左，慾望同樣自然多。 好 多人都只會話呢樣貴果樣貴，係今時今日物價指數咩都高事後，食個甜品都要四五十蚊上落，個同樣不少人都愛不停口，今年不知從那來的，除了 300/2.8G，仲有 200/4G M，這是每個人都同樣想品嚐的，但只是吃不到的葡萄是酸的，第一次試玩呢支所謂甜品，唔知點解無咩網站介紹，不過真係好少見，佢真身真係好正，就算網上見佢的相或照片都唔多，介紹就真係無幾可。 M acro 都叫玩過各品牌 30mm / 50mm / 90mm / 100mm & 105mm 各焦距，不過好明的係，一支難用過一支，而 100mm 以上 TELE MACRO 就未試過，今次都係第一次試玩，大家可能覺得會重同更難用，不過我無意見了。 仲 有只找到佢話似 COPY Nikon 同樣 200/4 Macro 設計，真假我就唔知，不過 Nikon 支 200/4 Macro 全新都係9.5K 左右，但係 SONY / MINOLTA 版雖然係複製版，但係因為以經無再比 SONY 重新推出市面，搞到炒價炒到飛天，唔知而家兩支 Nikon 價錢買唔買到呢？不過點都好，用家只會買來用，玩家只會買來玩，而收藏家只會買來收藏，不過係香港我都聽講有師兄有，都見過佢貼相，真係想死，以而家咁個天價，真係唔知幾多人想有或會試下咁。 2 00G 可以話又可以人像，又可以虫蟲，一鏡兩用其實都唔錯吖，不過佢成色又如何，真係要一試至知。 簡單回憶一下以前拍攝過的相 視角 (對角) 12.3° 鏡片組 8組13片 光圈葉片數 9 最大光圈 f/4 最小光圈 f/32 最近對焦距離 (米) 0.5米 放大倍率 1x 濾光鏡尺寸(毫米) 72毫米 鏡長 x 最大直徑 (毫米) 195 x 79毫米 重量(克) 1140克 附註： *內對焦系統 *對焦保持按鈕 *對焦範圍限制 *可拆卸的三腳架接環 *Minolta AF 200mm f/4 Macro APO G (已停產)   Minolta AF 200mm f/4 Macro APO G ALL PHOTO **原相...

不 經不覺以經一星期，其實對我都有小小影響，不過，我除左出口講支持，仲有親身到現場支持，係坊間真係唔少謠言，有幾多係真，有幾多係假，真係只有在場人仕先會知，對政治冷感足不出門的朋友，大多數都只係對住個電視機，上下網睇下朋友轉貼就當真事，我覺得，你唔係當時人你無權話人地係真定係假，之不過而家一人一手機，又可影相又可拍片，有圖有真相，如果真的假不了，假的真不了，咁就各自好走。 我 地唔係咩有錢出生，都係打份工，香港人搵食大過天，日日工作都係為兩餐、錢就用來交租等等，物價又其高，真係有得訓都怕無得食，日子都係咁捱過去，但而家佔中真係睇到香港人質數有幾高，我地下一代觀念係點，無得由我地去控制。 日 日身邊朋友、唔同公司、都問我地點睇今次民運，但大家意見以各不同，成為衡量之間關係，而不想做朋友也 UN-FRIEND 不少，我都無意見，各路不同佳有英雄，但不要把你的觀點放在我身上就好，各位好走。 連 連續續日以繼夜，由苛警方用胡椒噴霧，加上對學生放催淚彈，真係似足公安手法，和平示威幾日後，又有反佔中人仕示威區搞事，但警方又作不理會，又向示威者攻擊、公然非禮，警方同樣不作處理加上由人群眾後放人離開，這種種不知所謂警方，真係同上方手法打壓無咩分別，又以使用人群混入佔中人仕當中，以取其物資再向上頭換取費用，收人錢處搞破壞等等等.... 同反佔中遊行收錢同樣低劣行為，真係以為有錢就大哂，還有公理何在，香港以經慢慢比中共蠶食，我地而家唔反，日後日子會如何下去，自己去諗吧。 COPYRIGHT 2014, ALEX CHEN TAG.: 香港, 佔領中環, 雨傘革命, 雨傘運動, Umbrella Revolution, Hong Kong

係 無咩作品日子，又找專用 CAT MODEL 啦，坐定定拍攝習作，坐姿，我靚仔嗎 :p COPYRIGHT 2014, ALEX CHEN TAG.: CAT, 貓, 坐姿

今 日又係中秋日，祝各位朋友中秋節快樂，食個月餅追下月。 呢 排都有小小忙，加上無咩體力外影，又無咩好活動，太熱等等直口多多，其實仲有心情問題，搞到連 BLOG 都無打，只係更新一下個人日記就算，其實都只係做個記錄吧。 唔 好多講，今晚來張各自精彩，點解我咁命名，自己用點想像吧，由左、中、右形成一圖三對比，覺得幾得意分享吧！ 全 景風景相，各自精彩吧！ COPYRIGHT 2014, ALEX CHEN TAG.: 各自精彩, 全景, 香港, 風景

一 年一度電腦通訊節 2014 又好快又完啦，今年無無聊聊同朋友去左行個轉，原本諗住今年去換腦，不過月頭經朋友以經搞掂左，所以入去以經唔洗點花大錢，一早食完早餐就即刻去行個轉，經過慢場一個圈，原來真係用左唔少時間，不過一早無 MODEL 又無咁咁多人真係好好行，而今年目標我自己就好明確，買 SDHC 卡、SSD HDD、讀卡器等等.... 電 腦展入場費都成 $30 蚊，不過商會今年以擦擦卡回饋入場者，有 $20、$50 同 $100 即時回扣場內任何貨品，所以如果扣去最小 $20 擦擦卡，其實入場費都只係 $10 蚊，真係點都要 LIKE 下啦。 由 於我今年目標太明確，所以一早行完一個圈就可以即刻落手，但係我都只係買左張 32GB SDHC、64GB microSD、USB 3.0 DOSKING、USB (2.4Ax4) 叉電分坐，而朋友都買左好多野，4部 ASUS 電話、三洋 7800mAh 差電器、32GB SDHC、32GB microSD、USB DOCKING、256GB SSD 等等，去得呢 D 場真係洗唔少錢，不過洗錢意義係咩先，就係最更要洗得開心囉... HAAAAHA。 ** 雖然我最後都買唔成 HDD 或 SSD (因為真係唔係點平)，不過入場同出場都有小小插曲，就係又送 COUPON 又請飲可樂，哈~~ 計計下真係連入場費都唔洗錢，假日行電腦展節目又完啦，我今年無做龍友，所以無女睇啦，要睇，明天最後一日自己去睇啦。 2014/08/25 更新 電 腦節咁就完左，我今日都入返兩隻平平地 HDD 做後備，我咩都粗用，所以唔洗買太貴，而家呢個年代 HDD 真係用得唔會太耐，我自己四年內都死左兩隻，唔怪得而家出得咁快，因為快死又要快換囉，今日囉返隻 1999 年 20GB HDD　來過資料，而家仲幾精神，不過速度就更係無而家咁快啦，為有慢慢等囉...... haa~~ TAG.: 香港電腦通訊節 2014, 電腦展

唔 覺唔覺都成年無影過人像，今次又經 Daniel 邀請，上左去影樓玩，不過我都唔知幾多年無上影樓玩啦，其實有時反而真係唔知點影好，因為我以經退化了。 不 過今次係一個同多年朋友影大肚相，以經得到同意我先貼相，唔係都唔敢貼咁私人的相，不過影呢 D 相最怕就係影得唔好，但都好多謝 Meow Eunice & Tony Leung，仲有就係恭喜準媽媽。 大肚相真係點影先至靚，定係要執到佢靚，真係要對時人先感覺得，不過我對影大肚經驗基本上係零，就算以前影過一次，都係覺得唔知點咁，因為 POST 真係都好 COPY 人地，haaa~~ 當留個記念都好啦，最更要係靚同鐘意，當時間過後，重執自己舊照真係會覺得好得意同歡喜 ^o^ COPYRIGHT 2014, ALEX CHEN TAG.: 準媽媽, Meow Eunice, Tony Leung, 大肚相, 黑白, B/W

係 今年年頭先把電話升級至 Android 4.3，不過過了幾個月又有得再更新，但係睇左唔少文章都係話又發生其它問題，今日得閒又無聊玩下電話不足三個月內，Sony 再次把它直接更新到 Android 4.4.4 (KitKat)，主要是把 Android 的版本更新到最新的 4.4.4、並把之前韌體的眾多 bug 修掉，除此之外應該是沒有功能上的重大改變。 今次更新同上次有小小唔同，Sony PC Companion 會先自行下載到電腦，才再確定 USB 連接 (下載前它會叫你把 USB 移除)，和確定電話電源時否足夠 50% 或以上才可進行更新，全部過程大約十分鐘左右。 兩三個步驟完成後，再次把 USB 移除，開機後會即時把 52個(應用程式更新)，最後還有 NFC Firmware 更新。 Update 2014/08/12 (我的更新) 手機更新功能如下： - Android 4.4.4 內含 Google 最新的增強功能和安全性更新 - 給您更新且更優質的相機體驗 - Google Voice、通訊錄、音樂串流和 Google+ 操作功能改良 - Sony 最新版應用程式供您享用 - 還有 Sony 所有最新的錯誤修正程式、最佳化技術和改良功能 - Launcher 更新到 6.2.1.A.0.11、多了「簡易首頁」 - 通知聲的問題終於修好了 - 加入 Pixlr Express - 長壓 Home 鍵，除了 Google Now、還多了一個 what’s new - 相機沒有回應的問題大致修正 - NFC Firmware 更新 Update 2014/08/14 (我的更新) 手機更新功能如下： - 電池量明顯更優化 (更省電) - 差電時間縮短 (差電明顯快左) - 更新 KitKat 後 YouTube app's 只能睇 720p 高清影片, 1080p 全高清無左 - 改進了相機體介面 - 打電話的畫面變更美觀 (但字體細好多) - 改進了音樂播放功能 - 收正開機時插入 Micro-SD 自動重新掃瞄 - 版面一體化, 程式內由6格改為5格, 有些位置改動等等 Update 2014/09/17 (我的更新) 手機更新功能如下： - 更新最新 YouTube app'...

買 完電腦又買其它家電電器，的起肝行下電器鋪，因為之前用更細細個手提吸塵機掉壞左，所以又再買個新吸塵機，不過睇來睇去都無邊個好，店員介紹個話好多人買的吸塵機，不過因為太大個而無諗住買，我都以經無睇價錢做人，不過睇來睇去都係買返個手提式，但係呢個比之前用更果個大好多，不過都係手提式才選擇，而且今次選擇用濕電 (唔洗再用叉電)，成日無電咁煩，仲有佢買點係 1000W 喎，家中舊式又大舊 PANASONIC 品牌都係 1100W，所以吸力都唔會差得去邊掛。 吸 塵機係我屋企真係日日都要用，無計得，家有兩隻小魔怪成日搞搞陣，兩隻一打交就搞到成屋都係毛，所以日日都要吸，人地用吸塵機係用來吸塵，我用吸塵機用來吸毛，哈~~ 係唔係又有點大才小用咁呢，不過當然吸塵都係為主。 用 後感：HK$300 蚊左右有好強吸力，塵室容量有0.6公升真係幾大，可直接用水容易清洗，不過用一陣都幾熱下，仲有就係以手提式吸塵機來講都幾重下，吸力強但噪音分貝都好強。 伊瑪無塵袋手提吸塵機 Imarflex IVC-10A 1000W Bagless Hand Vacuum Cleaners * 伊瑪【旋風。紅色】 * 透明塵室容量 0.6公升、龍捲式特大吸力 * 特長4米電線及自動回捲功能、吸力 : ~150W * 使用HEPA過濾網防止空氣再度污染 * 電機過熱自動停止裝置 * 機身可加肩膀帶於室內 * 附吸咀, 地刷, 軟喉及加長管 * 兩年保用 TAG.: Imarflex, IVC-10A, 1000W, 伊瑪, 無塵袋, 手提, 吸塵機

八 月又開始了，真係過左大半年有多，不過七、八月份今年天氣真係熱到無朋友，無咩動力外出影相，不過又成日心思思想買下野朋自己，相機、鏡頭、閃燈、玩具，電器、車等等，真係好多野都想買，不過最先都係頂唔順伴我多年桌上 (Desktop) 電腦，哈~~ 雖然仲有部唔多用又差唔多成十年 Intel Pentium M 手提電腦 (Notebook)，不過原來 Desktop PC 都以經換左兩部咁多，不過如果同相機相比，我換相機差唔多係換電腦三倍咁多上，之不過電腦我都知同樣追唔到，對於我以經無打機來講，現是任何一部有雙核心處理器 (Dual-Core Processor) 我都以經很滿足。 不 過時代一日一日咁進步，我雖然以經無點去再細心玩電腦，不過以前留下最基本智識都仲可用到，以前我買電腦會以價錢先決，因為 AMD 一向都係比 Intel 平，所以一直用 AMD 了經十幾年以上，不過電器呢家野仲要日日用真係好快就老化，我用了好幾年 AMD Athlon 64 雙核心處理器電腦，不是死 CPU 而是就快死底板了，所以決定的起心干換電腦日子，哈~~ 做 人留有一手好，他日好相處嗎，如果我用到日子到期，入面軟件同資料要還原就比較麻煩，今次來個小小升級就好了，轉用 Intel Core i3 (2C/4T 雙核心處理器)，換完之後覺得原來我係換得太遲，因為分別真係都幾大下，至少用 PHOTOSHOP 執下相都唔洗等到頸都長，而家張張都 2400百萬像數，真係都幾囉命，一部電腦用兩三年又可能要再換機，到時先再算囉。 講 真，好多人都會問我仲換 i3 電腦，有錢點解唔換 i5 or i7，其實我而家對電腦要求都唔係好高，因為你睇我用 AMD Athlon 64 都咁多年，唔係死板 (無舊板合用) 我都無打算去換，我都只係一般文書同睇下 FHD 電影，所以要求咁鬼少，就算你幫我執部過萬蚊我都只係用呢 D 簡單功能，真係下下大才少用，所以我以足夠滿足就好了，兩年後再換過吧，到時都以經唔知平到去邊啦。 TAG.: 桌上, 電腦, Desktop PC, INTEL, CORE, I3

夏 天影日落可以去到幾點，真係要睇你係咩方位，不過香港真係我試過去到 8:00pm，不過呢張當然唔係係咁夜影，只係一個假期 TIME OUT 完結之前所拍。 COPYRIGHT 2014, ALEX CHEN TAG.: TIME OUT, 日落, MAGIC

我 有幾耐無去影過風景或日落? 我自己都唔記得了，睇返貼文先知原來都差唔多十個月了，嘩~ 無錯，真係十個月，真係唔覺唔覺好快又差唔多一年係無影過日落，今次未有日落之前影張"烈日長空"，等下日落咁又一個假期。 COPYRIGHT 2014, ALEX CHEN TAG.: 烈日長空, 香港, 風景

七 月開始了，今年影荷花唔多，要影都過左大半時候，不過雖然唔多太喜歡作品，但更有好幾張理想，一次一次又一次單獨咁貼出左"苞荷"、"荷也"、"荷照"、"荷明燈"，今次貼出α99戀上荷另一張，"一支獨秀"。 而 家個個攝影者都差唔多係大師，我無什麼 RF 鏡，無咩特別技巧，只係為愛色愛荷愛拍攝，其實都無咩大不了，但係我依舊就係用最直接光線所拍攝。 COPYRIGHT 2014, ALEX CHEN TAG.: α99, 戀上荷, 一支獨秀, 荷花

七 一七一遊花園，以經唔想去影相啦，因為今年仲未下水禮，七一約好朋友去玩水，如有興趣大家一齊 JOIN 吧。 6/29 睇完 Bikini Show，7/1 更係去沙灘啦，不過月尾搞到今夜都未訓，訓之前再出張新荷照先。 話時話荷花都差唔多開始尾升，如果大家仲未去影的話，就快 D 親身去影下或者睇下，慢慢感受一下佢果種美態。 COPYRIGHT 2014, ALEX CHEN TAG.: 賞荷明燈, 荷花, B/W, 黑白

夏 天以到，YATA 又搞搞 Lolly Beach Party 今年本來都以為去唔到，不過因為轉左日子有假放，去之前就做足準備，不過呢，上年去完一次一心以為個場差唔多，點不知原來又縮左水，真係兩邊人場，我以經早左成個鐘去到，點不知連企都無定企，唔好話影，真係又一差場一個，仲要搞個咁 HOT 活動，真係無返咁上下梯早到都無用。 今 次企位其差，不過只好影回頭相，當然無影正光咁好，不過我相信會係另一種相片風格，差就唔好講，算啦，睇下女睇下相睇下 BIKINI 姐，咁去得沙灘，點都要泳裝吧，今年最後有件全白色，唔識游水女仕穿上真係有小小潔白感。 今 次因為位置問題大家唔好問我有無執相或玩效果，由於現場太閃光燈同我係背光位置，要即場處理光暗真係好好難，不過我都無心去玩執相，比現場光先決去享受攝影吧！ Lolly Beach Party 又完，又要等出年見啦。 COPYRIGHT 2014, ALEX CHEN MODEL 鄭佳純, 趙茜, ‎金愛妍, 彭慧中, 黃婉曼‬ DATE 2014-06-29 LOCAL YATA PHOTO LINK @ facebook.com/alexchkk (32/32) - 請先 LOGGIN 才能進入 今年全場 SHOW 合共32件全女泳裝 TAG.: YATA, Lolly, Beach, Party, 2014, Bikini, 一田, 比堅尼, 泳衣, 鄭佳純, 趙茜, ‎金愛妍, 彭慧中, 黃婉曼‬

S ony 先後出部 A7 / A7R / A7S 三部 FF E-Mount 細機，我試過 A7R 用上 ISO 8000 都仲可以用得著，A7S 我就無玩過，不過手頭上部相機有 ISO 8000 我都得閒想試下，原相雖然係好粗粒，不過其相都還可見人，或者都可以呃到人，又要搵佢個 MODEL 試試高 ISO，不過呢，大家都知道係暗位會點，不過我隻野個 BODY 係白色 (背係黑色)，所以影出來又唔多似用 ISO 8000。 COPYRIGHT 2014, ALEX CHEN TAG.: HIGH, ISO 8000, Cat, 貓貓

近 排唔知搞咩東東無點影相，唔通我對影相興趣同熱情開始冷卻，係就真係可以遠離它吧，不過可惜唔係咁諗，只係太熱搞到人無咩動力，近排又心思思想買多支燈玩下，雖然我無咩人像可影，不過都想對燈有更多興趣咁，左諗諗右諗諗，我其實只係想洗錢姐，不過都係諗下先，因為而家連攝影進步都停止左，得閒等我又由基本慢慢再學起。 無 無聊聊玩下自拍相機，我對上一張係 A350，都唔記得幾年前影落，今次影下另一部相機吧，唔理影得好唔好，最後唔執唔舒適，玩下花邊 + 黑白，在我鏡頭下的 BODY 玉照。 COPYRIGHT 2014, ALEX CHEN 係 訓之前加多張玉照先，雖然網上以經好多它的照，不過親手拍攝感覺係唔同的，都算咁上下啦。 COPYRIGHT 2014, ALEX CHEN TAG.: SONY, a99, BODY, 玉照