ALEX.C〔攝影．玩物．淘樂〕

今 日都叫個可以走去玩即興日落，不過去到時以經太多雲個太陽都不見了，只留下光...... 今 天即興日落 - MAGIC HOUR (全手動設定 / WB, 18mm 原相) COPYRIGHT 2013, ALEX CHEN TAG.: MAGIC HOUR, 香港, 日落

家 中使用好幾年的高清機頂盒開始出問題了，好經常開不到畫面，轉台都要等等等好耐時間或要重新接電源先正常，但好快又出問題，剛剛買回來時真係貴到飛天，而家機頂盒真係平到大眾化，幾百蚊就可以買到回來。 本 來開始想買 ACL，不過因為盒上連一個製都無，全部都係要用遙控制才能使用，不過我最後都選擇 SPUER，機同 ACL 都差不多大小，不過就貴小小，以當年 1/4 價錢真係仲可以諗住點，都係睇電視姐。 SUPER多媒體高清機頂盒DMR-33 (支援RMVB) [產品資料] - 支援RMVB影片格式 - 接收所有無線及亞視高清台節目 - 支援1080P高清影音多媒體播放 - 支援格式TS/TP/MKV/MOV/DIV/H.64/AVI/MPG/DAT/VOB/MP3/WMA/JPEG - 預較時間錄影，同頻雙台同步錄播 - USB 外接硬碟，HDMI 及色差輸出 - 原廠行貨，一年保用 TAG.: SUPER, 多媒體, 高清, 機頂盒, DMR-33, 支援, RMVB

又 係出下 HDR 相片時間，呢個幾月來我都無咩點影下相，因為個人事同工作關係，到假期又成日落雨搞到 DOWN 上 DOWN，今晚係咁易出下一張車頭相玩玩 HDR 吧! COPYRIGHT 2013, ALEX CHEN - 大頭車 (HDR) TAG.: 大頭車, 貨車, HDR, SNAPSHOT, PS

當 我完全放棄 DT 鏡之前，我又比朋友搞到我心思思入多支 ULTRA WIDE 鏡玩下，因為都算係能力之耐，所以好快就做左決定，就算左計計右計計都算合理，兩年前我都玩過支 TOKINA 11-16，果種 ULTRA WIDE 感覺真係好好，變型一定有，不過用來影風景日落真係好心動。 係 入 FF 之前 (唔知幾時)，今次係多年沒有入 SIGMA 鏡再一次選擇，因為無第二個品牌係 12mm 起跳，所以別無它選，當然原廠鏡係好好好好好多，之但係一個好重要問題就係錢囉，但係都只係由 16mm 起，今年我個荷苞又要好似倒水咁倒 TvT" 咁 WIDE 鏡我唔係第一次上手用，我玩過有三支，第一支係 SIGMA 15-30，因為只用過一次沒有特別印象，第二支係 TOKINA 11-16，上過兩次手一次影風景，感覺很不錯，室內用問題都不大，因為有大光圈使用方便性大增，第三支就係 SIGMA 8-16，用係 APS-C 上等同而家呢支 12-24，可以話專係為 APS-C 機而出的一支 ULTRA-WIDE 鏡頭，最後一支當然係這文章內的 SIGMA 12-24 啦。 其 實呢支野真係唔知多唔多人用，不過又真係幾難搵，有貨果時你又唔捨得比錢買，當有錢時就四維頻撲都唔會有貨，所以做人有時都會有小小矛盾，呢支野好多網介紹都係 SONY 使用係唔會有 HSM，我都唔知真定假，因為使用 HSM 係 SLT 機身上可能大家都發覺問題多多，其實因為寫個 Firmware 問題，不過有無人知時否完全收正就無法正實，很多時 SIGMA 使用 HSM (超聲速馬達)，使相機唔可以正常使用，但係有 D 其怪就係，SIGMA 8-16 和 SIGMA 50 新版都有 HSM，我用過呢兩支都可正常使用。 經 過找過網上 SIGMA 12-24 資料，又係一鏡三版本： 2003年出產： 第1代 ( 無 HSM 版) - SIGMA 12-24 f/4.5-5.6 EX DG Aspherical (FOR MINOLTA / PENTAX) 2003年出產： 第1代 HSM 版本 (有EX字樣) - SIGMA 12-24mm f/4.5-5.6 EX DG ASP HSM (FOR CANON / NIKON / SIGMA) 2011年出產： 第2 代 HSM 版本...

呢 個星期真係差不多日日雨，前幾日係好幾年一次黑雨，真係好耐都未試過，今日早上又再黃雨，真係行街都要睇住路來行。 成日雨真係無咩地方好去，今晚得閒又影張貓相。 COPYRIGHT 2013, ALEX CHEN TAG.: CAT, 貓, SANPSHOT

好 耐都無出過風光相，上次同朋友行下交遊徑，除左行更係影下風景相啦。 COPYRIGHT 2013, ALEX CHEN - TAI TAM RESERVOIR TAG.: TAI TAM, RESERVOIR, 大潭, 水塘

一 不離二、二不離三，人先病病地、再來 Y!BLOG 有點不正常、跟住前晚一開機電腦又死左，呢兩日搞到咩都做唔到，黑仔吔。 今 日係佛誕，我都有一兩年無去影龍 (舞龍)，今早一場大雨開始，今年去人流唔算多好好行，不過都係好鬼熱，又成身大汗臭賓賓咁返來，不過出門時因為有細細雨，所以決定一機一鏡就算。 沒 大特別鏡頭，沒有特別執相，只係簡簡單單慢快門拍攝，名為龍頭。 COPYRIGHT 2013, ALEX CHEN - 龍頭 TAG.: 龍頭,佛誕, 譚公誕, 筲箕灣, 2013, 舞獅

沒 有影相日子，又係睇舊相時候，有些唔知點解當時可以拍得咁靚，自己睇返都好開心，唔可以話係最好，但係我都滿足同喜悅。 今日係母親節，足各位母親天天開心快樂。 送上一張舊夕落相 COPYRIGHT 2012, ALEX CHEN TAG.: 夕落, 日落, 香港

呢 排事事都好似唔係好順利，今年我都知運氣唔多好，不過咩都要面對落去，原來我都大半個月無掂過相機，今日又拍出猫相一張，我自己睇完唔知點解笑左一笑。 COPYRIGHT 2013, ALEX CHEN - 即日貓照 TAG.: 即日貓照, 貓相, SNAPSHOT

當 放完假大家有否諗過再有大假放，有時有假放又唔係一件好事，我個人相信命運、緣份等等，係人生每個人命裡，每六年就會一次轉差 (即係所謂咩咩犯太歲)，唔到你身上真係唔可以唔信，我本人命格都以經唔多好，不過如果係睇返自己真係全部都中哂，無陰公。 我 都好多年無放大假 (過年假除外)，今年真係幾個多就出出入入醫院，上星期忽然胃抽痛痛到頂唔順一早入急症室，真係痛到人都癲，痛到發冷、腳軟、出眼淚等等，點忍都真係難以講出當時心情，當時只知自己打左 2ML 止痛針劑、入完 X-RAY 室出來仲痛更醫生再打多 1ml 止痛針劑，最後共打左 3ml，真係唔知話多定少。 真的入院了 (5/3) 係 我人生之中，今次係第一次入院，我真係諗都無諗過我人生會咁早有咁路程 (就係第一次入院)，入院前胃抽痛到醫生有無抽血、打左止痛針未我都唔知，當時我痛到完完全全覺得只係人生真短暫，何必要煩腦，但係家人/朋友擔心樣我流出眼淚來，人總想健健康康，那有人想住院呢。 入 院以經給家人擔憂，第一次見到主診醫生，因看見我忍痛只看看報告就走了，我還以為會再來，原來係一日只來看報告一次，第二次就要24小時後了。但24小時後還忍痛，而我在36小時內吊鹽水4次，食止痛藥2次後慢慢好轉下來，打完針17小時內頭重加劇痛又發燒，真係欲哭無淚心情只係家人心痛才會明白，第二次見醫生話要做一次胃鏡檢查，又要再休息一天，第三天因假期關係我不能出院，又要再等一天後醫生批准才可離開。 現 在你不用問我現在還有沒有痛，老實講係有小點痛，但係院內還有痛係不能給我回家，所以我都無計，現又要等排期下一次入院做超聲波才有更進一步了解。 其實大家都知道藥物就是毒物，所以小食藥多食水果生菜人才會健康，而人生有幾個多十年，有時真係話咁就過左去，大家要珍惜家人/朋友同人生。 註： 下次會係年前先約好做磁力共振，再做超聲波，真係年小時努力搵錢，但中年就以經開始洗錢，我。。。何時才到老年呢，最後回家睇見出院張單費用，我真係又再一次出冷汗。 呢個 BLOG 只係我個人網誌，只做個人記錄，如對大家不安深感抱歉，因我不愛手寫日記。 TAG.: 真的入院了, 胃鏡, 止痛針, 止痛藥, 吊鹽水