ALEX.C〔攝影．玩物．淘樂〕

打 風過後又是工作天，今天貼張花花草草，其實都只係經常係大家身邊環境，我就真係無咩人像相出，成日都影影埋埋花花草草，就係太簡單先好難先影得好。 COPYRIGHT 2012, ALEX CHEN 小花 TAG.: 小花, 草

影 荷花我都出過一般作品，後來加多兩張黑白 (B/W) 荷花，不過黑白相真係唔易執，想玩多幾張都執唔出味道，幾日都無出相，今晚不過又玩下 HDR，如果用係荷花上會係如下，我個就幾 LIKE 啦，唔知你地又鍾唔鍾意咁呢。 COPYRIGHT 2012, ALEX CHEN PHOTOGRAPHER, ALEX CHEN 荷氣來鋒 (HDR) TAG.: 荷氣來鋒, HDR, SONY, NEX, PHOTOSHOP, PS

N EX 又出相，放左好多個日子都好少用的 CZJ，因為只係 MF 關係，唔算太方便但很愛的一支鏡頭，諗住下雨可以影下行雨，點知只係天陰陰又落唔出，不過當東德 ZEISS 加上 NEX 會出左咩發色咁呢，手動對焦未百發百中，但 Carl Zeiss 品味唔知大家又會否同樣愛上。 唔 理 AF/MF，影到好相就係你叻，器材先決又好，作品後製都好，大家好多時都只為愛一張“靚相＂，但有時味道呢家野就真係好難作準如何是好，有人愛味精、也有人愛淡淡風格，有人鍾意高對比，也有人鍾意淡淡色彩同一道理，所以作品無話有一定規律，做到構圖、采光出色、有主題才算是好作品，這是一個品藝的人。 但 手動對焦每每都會給我一點時間、一點想像，因為每一下快門可以好簡單地按下，但出來的畫像就難以想像，先不要理 F 值，但構圖和對焦要先理會，還有就係快門決定，一張相就是如此想像出來的，用手動鏡雖然係好煩，好浪費時間，但對我來講係好玩，因為好與不好，我都用了一點心機去拍。 CZJ 最後成品，一些簡單設定，最後如此得來會是如下作品！ ALL COPYRIGHT 2012, ALEX CHEN 註：原相直出，不經後期收改 TAG.: Sony, NEX, 7, CARL ZEISS, JENA, 35mm, MF

端 午龍舟又來啦，第一次去還記得 2010 年，上年唔記得仲咩無去到，今年假期食完早餐就先入左一轉，好熱同好鬧，今日潮漲嗎，沙灘企的位置又小了，人依然多的是。 雖 然只行左個轉，以為會下雨點知出了太陽我無準備之下又變了黑豬，ｙｏｏｏ，因為我過熱，要返一返出來東區食個午飯才再打算會否再行多轉，去到邊都依然有龍友出現，不過出來時紅以經塞車塞到好遠。先來個中場休息吧！ 飯 時好似落左陣雨，飯後我再次入去亂咁影下囉，由頭到尾差唔多只係用左四小時，雖然唔係影得好多，不過現場氣氛十分好，午後潮退沙灘上空間多左，多好隊可在灘上等待比賽，高哹，攝友更加無處不在，更有攝友跟 BIKINI 姐姐影相，呵～～醉翁之意不在酒，最後時睛時陰又時雨的一天，今年端午節又完了。明年見！ COPYRIGHT 2012, ALEX CHEN PHOTOGRAPHER, ALEX CHEN DATE 2012-JUN-23 LOCAL STANLEY Photo Link @ facebook.com/alexchkk (43 / 43) MOVIE 連結 1) 2012赤柱端午龍舟 (高啋) 2) 2012赤柱端午龍舟 (被抛跳水) 3) 2012赤柱端午龍舟 (勝利就是如此興奮) TAG.: 赤柱端午龍舟, Dragon Boat 2012, A55, SAL16-105, AF 80-200, 赤柱, STANLEY

發 覺自己攝影都差不多十年時間，如果睇返自己作品，係可以話有改進，之不過現今入門級相機真係做得很好，而我係呢一兩年來玩器材真係花了不少金錢，但又不想放棄舊相機，以至相機數數下都有好幾部有手，用都用唔哂。 十年以來，真係買了不少相機： ** KODAK DX4900 (2002) ** CANON EOS 20D (2004) ** PANASONIC FX12 (2007) ** CANON EOS 30D (2007) ** SONY DSL-R α350 (2009) ** SONY DSL-R α700 (2009) ** SONY SLT α55 (2011) ** SONY NEX 7 (2012) 用 Sony 就要去就 Sony，因為電子產品呢家野真係好難搞，以前用開 OVF 為例，而家我真係返而覺得 EFV 係方便，但舊相機如何處置，二手都唔值錢，等放到佢用唔到或用到壞才完善吧。 今 日決定先來做個記錄，因為我唔會想再浪費時間去玩器材，以前用 CANON 一心諗住上 FF，點知自己諗都無諗過會轉會，轉一轉會浪費左好多錢，當然而家都有再打算上 FF，但～～　先要把舊機處理或便用到完全壞，最後才決定 FF 吧，不過我相信呢個日子都可能要數十年後了。 我 會再大膽向不同方向拍攝，或有一天我完全放棄影相的時候，我不會放棄你，會好好的收藏吧。我不是什麼有錢人家，也只是做一份辛勞工作，我知器材我永遠都追不上，因為我的收入只是區區那麼小，每一件都係要精打細算或慢慢供回來的，雖然辛苦又得來不易，但攝影給了我不會辛苦的樂趣，我有點滿足就足夠了。 最後今天是二零一二年的端午節，祝大家“端午節＂快樂. ALEX CHEN 2012-06-23 : 12:10AM TAG.: 玩得太多, 相機, KODAK, CANON, SONY, PANASONIC

睇 睇下原來仲有張未出的雀鳥，今次呢隻係咩，個名叫個黑翅長腳鷸，係半年前所影的，因為有了短短炮仔，當時又四為去影鳥，生態真係一 Ｄ 都唔係咁易影，要時間耐性、體力、精神等等。。。 由 於我無生態攝支的長炮，所以作品都係有 D CROP 相，不過影到都笑囉，因為覺得好得意。 Bird Data : 中名： 黑翅長腳鷸 英名： Black-winged Stilt 特徵： 身形修長，身長有35厘米，身體黑白分明，一對紅色嘅長腿好容易辨認。黑翅長腳鷸嘅咀黑色細長，雄鳥嘅繁殖羽從眼後面到頭頂，頸後黑色，背部同翅為黑色，但同頸後嘅黑色唔相連，其他部位為白色；雌鳥嘅繁殖羽喺頭同頸後無黑色，眼後有灰色斑。亞成體嘅鳥色塊分布接近成鳥，但色水較淺，為灰褐色。黑翅長腳鷸嘅腿同跗趾都好修長，為紅色，亞成體鳥嘅腿顏色略淺，明顯嘅橙紅色；飛嗰陣長腿拖喺尾後，係重要嘅辨認特徵。虹膜粉紅色。 分佈範圍： 黑翅長腳鷸分布喺歐洲東南部至南部、印度、中國同東南亞、北非、澳洲、加拉巴戈斯群島、夏威夷、加拿大中部同南部、美國西部同東南部。中國嘅新疆西部、青海東部同內蒙古西北部繁殖，喺台灣、廣東同香港等地過冬，全境有過境紀錄。 食物： 昆蟲、蝌蚪 COPYRIGHT 2011, ALEX CHEN PHOTOGRAPHER, ALEX CHEN DATE 2011 LOCAL H.K. TAG.: 長腳仔, 黑翅長腳鷸, 紅腿娘子, 高蹺鴴, Black-winged Stilt, SNAPSHOT, 生態

一 種不耐熱，不耐孤獨的植物，為求生全，身上成千上萬針刺來保護自己，又是一種特別的生全能力。 仙人掌也有各色各樣的品種，也有各色各樣色彩。 TAG.: 仙人掌

人 生如何才開心，如果能回到幼年時，真的可什麼都不想，只有學習、玩耍、交朋友、走走跳跳，這簡單以是人生的一大快活，人大了，有錢買東西只是為滿足目前要求，但當時間慢慢地過去，那些滿足只會同樣成為過去。 有時簡簡單大哭大叫、走走跳跳，如小朋友追氣球以是他人生快樂中的時間，如人生無憂無愁多麼好呢！ COPYRIGHT 2012, ALEX CHEN TAG.: 攝, 童真, 2, 香港

日 前我又再去曬相，因沖曬店結業又要另我走去別的舖頭試曬，真係有點感覺不安，因為每一間舖頭曬相都有唔同 OUT-PUT，真係好難統一，昨日囉左相片，我個人都好滿意，因為有我預期效果，咁都安心Ｄ，之但係價錢就...... 貴囉。 雖 然唔洗再由東去西曬相，但係我只是曬曬數張，以經成舊水囉 (連沖曬大相)。 COPYRIGHT 2012, ALEX CHEN TAG.: 試新店, 沖印店, 曬相舖

相 機而家真係好鬼方便，影相之娛仲可以拍下短片，不過都唔係今時今日的事了，入門級相機有更彈性價錢，不過高佳相機就玩得更重手，就如 5D(3) 可玩拍片、可玩重暴又 HDR，真係何欲何求呀。 不 過我自己就好少玩拍短片，不過而家真係一代比一代做得好，當然，科技進步嗎，上次去影日落時試拍了短片，由於係海邊錄影，所以好大風，不過重點係畫質嗎，又來試風吹水動 (仲有對焦)。 影片以上傳到 Facebook 之內, 按以下連結即可觀看試片. LINK   facebook.com/alexchkk/  (00:00:40) TAG.:  TAG.: SONY, NEX, 7, 風吹水動, 影片, MOVIE, HD

我 雖然唔係個個月都去沖曬店曬相，不過真係睇見現時數碼影像都很小人會拎去沖曬相片，一個網上分享或 E-mail 就可即時分享，不過我自己就會抽返一 D 我個人愛好作品出去曬，以前就會自己用 PRINTER 印，不過因為墨水價錢一直上升，最後我自己連自印相片都停左，直接去沖曬算。 我 最經常曬的是 3:2，價錢唔可能完全相等質數，4R、8F、8L、12R 我都會曬，不過你睇一睇都知曬大相係唔平，如果貴的話希望有其望。 今 日起又要小一間曬相舖啦，一直幫襯多年來的結業了，而家真係唔知要去邊到曬相好，我又要一間一間咁走，一間一間咁試睇下邊間合我心意 (曬相成品)，如果你有好介紹希望可提供或介紹比我啦，感謝。 更新： 哎呀～　我唔記得講返地區，最好香港 (港島區) 為佳，感謝提供。 TAG.: 沖印店, 曬相舖, 結業    

假 日經常落雨，真係戶外影相都要諗一諗，不過我又無咩去街可行，不如相約朋友又去婚紗展影下婚紗好過，唔洗係戶外横風横雨咁影，我都好幾個月無去會場，不過場內影相的都仲人頭湧湧，而且有些影友係未見過 (新血?)，睇落去都係用Ｄ好高級器材，唔通係做 JOB 用? 婚 紗設計真係期期換新意，不過我個人都係鍾意高雅白色的為主，唔知你地又係點睇呢，原來不知當日有“李亞男＂來行 SHOW。 第67屆夏日婚紗、婚宴及結婚服務博覽 67th Summer Wedding Service & Banquet Expo COPYRIGHT 2012, ALEX CHEN PHOTOGRAPHER, ALEX CHEN DATE 2012-JUN-09/10 LOCAL HKCEC Photo Link @ facebook.com/alexchkk TAG.: 第67屆, 夏日婚紗, 婚宴及結婚服務博覽, 婚紗展, 67th, Summer Wedding Service, Banquet Expo, 李亞男

經 一事、長一智，係人生大道理，之不過呢........ 影相同玩相機係一個完全深不可測黑洞，無人知你會為咩而去影相，之不過呢，人就係有一種好奇心，幾時先至落葉歸根日子，可以話係無。 剛 剛開始接觸攝影就是對華麗畫面而給引，如何才能拍得好照片都同上不少時間同收集不同情報，當然器材也是很重要的，所以慢慢開始投資，不經不覺都快十年了，日子真不好過，由 CANON 轉 SONY 日子也決定了一個很長時間，但機緣巧合之下加上 SONY 新產品又另我重投 CANON (Lens)，來來回回真的心煩意亂。 我 人生之中買咩都相對比人貴 (即係賣貴左)，相機、鏡頭、電話、電腦、衫褲鞋物、日常生活物品等等等... 但我唔介意我買都係貴，不過真係要合理就可以了，我還細時家人說句平野無好野，不過有時諗下又真係掛，但我相信只要你行運，有時都會有一次半次執到好野，你唔洗問呀貴，我唔係執到平野，但今次入左 55/1.2 玩下，還記得第一次玩 M42 時，真係日日都好似係到做功課咁，晚晚對住個腦睇下呢樣好果樣好，真係浪費左唔知幾多個晚上，來者，今次真的要重投 CANON (Lens) 懷抱，第一次用上 f/1.2 大光圈 (我唔識睇其實同 f/1.4 全開有咩分別)，而網上佢又係好似好神秘咁，無咩人講，但係貴鏡 (AL/Aspherical) 就個個都有，唔好俾人沖昏頭腦，其實呢支真又是否一分錢一分貨，自己決定吧！ 好 耐我都無去過影夜景，無咁好意志力去拍，夏天到日日夜夜都熱到死，真係留係屋企好過，不過要有心有力真係好難，有支大光圈鏡真走去亂咁影，不過用落就知係唔我一直的品味，但老鏡又會否給你另一種感覺呢，我唔知我影左出來會係點，但係唔試係唔會知，所以今次走左去夜拍手持 SNAPSHOT 亂咁影。 簡單回憶一下以前拍攝過的相 鏡片組 5組7片 最大光圈 f/1.2 最小光圈 f/16 光圈葉 8片 最近對焦距離 (米) 0.6米 放大倍率 0.109x 濾光鏡尺寸(毫米) 58毫米 鏡長 x 最大直徑 (毫米) 75.8 x 52.5毫米 重量(克) 565克 遮光罩 BS-58 Canon FD 55mm f/1.2 S.S.C Canon FD 55mm f/1.2 呢支鏡係短短四年內就出左五個版本咁多, 而且價錢由￥39...

今 日終於的起心肝，走轉入新界影荷花，今早一早起身天色真係麻麻，不過食完早餐唔理啦，出發去熱門地方“城門谷＂，途中落住雨粉，不過到左又無雨落喎，影返一個鐘荷花走人，今日諗住試下睇下有無雀運，影完荷花轉場去影雀，到了目的地人頭湧湧，天色唔多好，雀運一 D 都無，一企就企左三個半鐘運左個吉，都好，同 D 師兄吹吹水飲氣水，今日咁又一個假期啦。 COPYRIGHT 2012, ALEX CHEN

影 相除左“靚＂會給引外，仲有有咩會給引大家，我就有另一種體會，就係鏡片上的反光鍍膜，就如各家品牌時作拍攝的鏡頭產品，那些不同色彩就好似彩虹咁靚，唔理三七廿一，我就係比佢反光鍍膜給引左。 回 頭望一望，數數雪櫃相機器材以多到用唔哂，不過都仲係咁返 D 鏡來用 (我在搞什麼)，心思思成日都想轉返用手動鏡，真係唔知點算，一次又一次同自己講係最後了，真係呢 D 大話都講得出 (係咪好花心呢)，我本來都想放下 (出售) D 唔同鏡頭，不過網上老鼠多不勝數，還是算吧，留一下日後才再打算。 今 次係我重返 Canon (Lens) 時期，現今 CANON 友要用 L 鏡呢個問題以經唔係問題，因為大家都以經習慣性了 (我當年都係)，如一支鏡頭沒有它用處就完全沒用，不過當年我第一支 50/1.8 就跟到我轉 SONY 為止，所以我對佢都有不錯品評嫁，而家影友？有錢咪用 L 囉，無錢一樣大把人找代用品使用，唔靚其實係一個直口來姐 (我都係)，我而家搞到算係用家，又係收藏家囉 (點解我唔多講)，有質數的鏡頭永遠都係貴，但平價又是否唔好呢，如果以 L 鏡平民版來計，咁就唔同諗法嗎，Canon EF 85/1.8 二手都企穩 $2000 樓上，但如果相約價錢而又沒有 AF，真係每個人都會打退堂鼓，但係天價同靚鏡唔好唔記得係成正比呢，就算 MF 都係咁話。 咁 多年來今次我係第一次入 85mm 呢個焦距，我當然用過 MINOLTA 同 CARL ZEISS，不過兩者比較我係鍾意 CARL ZEISS 多 D，但價錢就真係算貴，如果我選擇 MF 價錢真係平了不少，CANON 係一個每個影相都會第一口中的品牌，以深入影 (友) 深，不過無可否認，有很多人都會品牌先決，好唔好用日後再算。 又 要講多次，就算相同一支鏡頭，係唔同人手上都會有唔同成品，係網上咩人都係，有人話呢支好、果支正，自自然然就會多人去買來用，當有知明人事一講話唔掂，就算支鏡做得幾好都無用 (網上大把例子)，如果 EF 50/1.8 唔好的話，那就沒一支鏡頭好了 (貴你又唔去買來用，平你地又呀吱呀咗)，真係為難廠家，而當年 FD 85/1.8 発売時価格 44,000 円，來到廿一世紀可否重拾當年勇，就真係好睇日後 CANON 要追趕無反新世代囉。 註： 唔好唔記得有一件事係好重要，就係呢個世界咩人都有，網上...