ALEX.C〔攝影．玩物．淘樂〕

天 氣咁好～做咩好，都無諗過剛過去星期日有假，咁又咁好天更係又出動一下啦，今次同行三人，一同入左獅子會走一走，雖然我未去過，但係係網上找找資料原來都好易去，入面都算係咁上下大，不過可能由於秋天，好多旅客都去呢個地方。 一 早吃完早餐坐車入去去到都以經中午，開頭都唔覺得人多．之後就人來人往非常熱鬧，到了約３時仲開始見有影會來影相，原來獅子會都收好早下 (5:00pm)，所以我地４點就走人，仲有直通車返屋企．你話幾方便呢，相我就影得唔多，不過整理中，搞掂再放上 FaceBook 個相簿到，那... 各位都可以 add 下我個 FaceBook，睇完相仲可以留個言嫁．冇計啦，之前網頁而家都死死下，唔係成日上到，我都覺得煩．所以有 FaceBook 都係一個唔錯的地方呢。 Photo By Alex Chen Link @ FaceBook nows. ( 按下連結進入 )

零 六年開始的第一屇電單車展，由１／３遮打道直至今年第三屇用成條遮打道，真係知明道唔多之外，但係都給引左好多外國古董電單車同影相發燒友來觀看．真係好不熱鬧呢。 呢 日我都有去行左一行，不過車真係又多又靚，就算有錢買都怕比人偷啦，香港人除左鍾意靚之外，我就真係諗唔可用咩字可以來形容，要靚樓、靚車，更何況係靚女。不過呢 D 都係人性動物本色．人之常情，因為有熱愛友車一大班，更係熱愛靚女攝影發燒友係到影靚女，有時去到覺得好似自己去左旺角咁過引嫁，呵呵～～ 一 天的展覽又完了，又要下一年啦，希望一年搞得比一年更大啦，成個 Party 仲正。 Photo By Alex Chen Date at 2008/11/02 Link at FaceBook now. (第三屇電單車展)

上星期心情整 Down，咩事睇上文啦，心情唔好真係洗多左錢，本來打算同朋友一齊轉 IPHONE 電話玩下，但計落條數佢\話唔底，因為我 2G 舊舊客轉做 3G Plan + IPHONE 16GB 版，可以免去好多手續、轉名費等等，加上舊舊客出機平轉台小小，所以朋友心有不甘，放棄 3G @ IPHONE，就係咁就出唔成啦。 鬼叫上星期咁鬼得閒，開打個轉走左去 PCCW 睇，無 IPHONE 我更係推界 i908 啦，因為我自己之前一直都係用開 Samsung 嗎，由 N620 ($1800 - N628 的水機) 去到當時第一部影相手機 P408 ($4600)，再到 D528 ($2380) ＋ SE650i (二首機 $1300)，今次再轉返 Samsung Omina，我都係走唔出 Samsung 機嫁啦，唔知係我好彩定係點，Samsung 每部機都可用上 24 個月以上，希望今次都係啦。 今次係我第一次用 WM6 手機，以前老爸有買過 Pocket PC，我也有玩過，所以都有點印象，不過而家係連電話，第一次玩真係好唔習慣，第一、二天很難上手，上網找相關文章每晚也看到 2~3 點，一星期有了，以習慣上手，中了毒而愛不識手，不會買回來放在櫃裡觀賞，到手了不用那不如不買還好。

今 年電腦展又過去啦，今天開幕景然係風球之下開場，初時一大清早都仲未掛８號波，到掛左８號之後又唔洗開工之制，收到朋友來電話電腦展打風都開問去唔去行下，嘩～　打風喎，望落街連車都無，點出門口呀老友。哈～　仲話免費入場又如何呢，最後都係決定唔去啦，嘩～　點知到左下午仲改更高風球，晚上看新聞就以經出左事啦，香港人真係怕“執輸行頭慘過X家”，原來真係多人到呢．打風喎～　行車都無保險啦，更何況人行出街分分鐘有咩意外都無人知，但係呢D 無得講，明知打風玩水未必係好事，有事就真係自己囉來，就好似係大浪灣果位咁，唔怕死咪去玩囉，其實呢 D 我都覺得好難可憐。 講 返電腦展先，話時話我都有兩年無去過啦，今年有位朋友叫我去行下，咁入去又唔可能唔帶機啦，不過我都好耐冇係呢D 場合影相，好多後生仔呀，好多手提電話、DC 相機、DSLR 相機係腦場到係咁閃閃閃，不過唔知係唔係我地仲係去得早 (晚上聽朋友講話排隊都用兩小時以上先入到去)，人都唔算我果年去有咁多人，但係影 Pro-mo D 店就人頭湧湧，真係希望做到旺丁又旺財就 Very-Good 喇，同朋友行左個轉見到伍sir 吹左兩水，話叫我搞下影展喎，一些平平無其的作品真係可成功\嗎? 咁我都要常試一下搞下影展先得，但要先看看流程如何進行，還聽伍sir講話 Canon 快來 5D markII，其實真係好給引我，但係我而家部機都只係剛換左一年左右，更何況金錢上有壓力，都係還是首一首為佳，唔想再進入負資年代。 電 腦展更係有影相啦～　不過今次好快快手咁影，人太多又影唔到 D 咩好相，女像女像女像．．．．無理由嫁今年質素好像參差左小小，oh... 又無野想買，走人 LU。明年再見....

想打 Blog，但係因為 Loggin 出了點問題，所以搞到遲遲都更新唔到，不過我以打入文字後等待收好個 Blog 後先為有再更新。 當無錢用，得兩百蚊又可以做啲咩，行街睇戲定係食飯，七月一日係一個咩日子，對我來講只係一個假期的過度期，天氣多麼好、如此悶熱，當睡醒後回覆了個朋友電話後，一個遊行的日子我選擇了入新界一行吧，熱就一定熱死，估都估到，但係咁好多更係當然去影下相過一下日神啦，hohooo... 一個月都唔知有幾多日可以影相，人像．沒有，風景．沒有，甚至 Snapshot 也沒有。真係可笑呢，今天就一於去馬吧，死就死，影相大過天。 濕地一遊，未去過可以直得一去，但可能因為假期的問題，未想過會真係有咁多人，真係大汗臨頭，可以點呢，一個保育公園如此多人，真係想也想不到，係好事、還是壞事，就真係見人見智，在家庭中係好事來，大家出來行下，親子一下，但係對我們影相的來講就未必太好了，人太多自然動物也會怕呢，更何況．．．　昆蟲。大家影友如果去的話平日去會好點，唔係假期嗎，人自然會少點。其實我今次都影得唔多，而今次去都住要係影風景，去過一次其實好難想像會有第二次，不過如果愛影 model 的話，入面的人如果唔理會其實又係一個很不錯的景點。

回憶 (後記 2004~2007） 當 在零四年的時候，有次機會給我一點改變，這就是攝影，我不知不覺間慢慢引著我愛上它，愛拍攝的那一殺那，愛過著無時無刻的快樂，也可愛著一個人寧靜的時間，不看別人的眼光而拍，不聽別人的笑聲而攝出成品，我就是我，不去作多餘的後其改作，成品是最真實的，我希望的只是如此，美不美只是一線的眼光，可美．可不美。 興 趣也是要慢慢育成，時間就可正明的，攝影也給了我人生的第二轉變，朋友也作出第三方面的應識，高興的是朋友真的作為朋友，大家由互不相讓到了互相信任，我很高興，但．．．是當引入了第三世界的人，我都覺得要改變的就要改變，只希望你會係腦海對我有點記憶就好了。你也教我很多相關的智識，我很多謝你。攝影就是這樣開始直至現在。 熱 誠似鍾不變，但可惜是時間不會等著我，也不會時光倒流，人老了就是老了，苦惱的只是由現起。 直 到零六年，又同屋企人返了一面，努力把自己的金錢又一大筆把出走，是氣盛還是幼稚，只作別人的評論，但做了我就不後悔，有時真係想不到日後會如何改變，但生活圈子又進一步加大，如何分配時間是由我來決定，有了自己的車個人就更加愛四維去，海邊、交區、山頂、或寧靜的地方，可得我個人返思考者，可惜只是我沒有主意，事事如願以償就得了了知。 一 生之中我都俾人呃過唔少，我都無所謂，因為最多都只係金錢上而以，感情可說是零，因為慢熱者好難有機會找到好知己，沒有注意身邊的人，往往有時都難以說定而改變，所以直到現在生活感情也是為零，我只是怕你難忍受我的另類性格，但我會為別人著想而先行。 現在都 25 歲了，一次無聊的下午識了位新網友，但會是老實還又是虛構，要時間証明，但為何會關心我就不太明白，相識是大家的緣份，希望能真識就好了，日後或可去見識別的新人，現只等待朋友你有空閒時間介紹老師給我，我也希望能改變我的人生。 日後有何打算，只有面對現在，也希望改變將來。 只是記憶過去而引發的文章 ...完...

學 後，同年時代的另一個開始，人生另一個開始，由零學起，又係話要人生經，人一生苦幾多誰會有人知，但是一個開始又不嘗唔係好事呢。 1999 年起初 由 學校回到另一個生活方式，人生觀可以話一點也沒冇，如何開始，如何改變，如何得著等．．．都要由零的開始，頭數年都沒什麼可改，做人也想出一點為家做點事，可惜是人生經不足，小時又不太好愛讀書，直到現時改也有點難，只好想做就去做，不計較收益，學的只是．．．．．　只要努力去學，我係唔相信沒有回報，但以我的性格，做任何事都不是問題，問題只是三分鍾熱度，天生一點不想苦而簡單生活而活，性格要如何才能改變，朋友之中我都算係叫過得去，但一點腦神經永遠都係思亂想法，錯的永遠也是我一個。所以我只有單純的想法。 當 慢慢成長時，生活感到壓力，不過都只是無形壓力，想得太多可不是，不去想也是不可能，苦的腦問題發生永在我身邊，學了不少的只是千篇一律，這一個科學家的思為 0.01 的學識也沒有，我可用的只有努力面對人生，朋友就是朋友，你知我的問題就希望你也能為我解脫，我的命運是在朋友手裡，你能直接改變我，我就是不能為自己打算的麼，不很定我也不會去做下去，但好彩的還是我有一個連別也不明白的思想。 讀 書讀不成，時間過去我都不會想回頭，因為我知時間係唔會等我，在日後的日子等著我的只是．．．用工作來換取我的想法，不想停下來，有氣還有力就走下去，當停止後就只想心停下來一睡不起。多麼好. 學車的時候 2001 年起 車其實我不是太好愛，但由第一次開始，唔開心的事一定多過開心，為有努力的只是嘗試，由2001年起，車對我的改變也有點輕微，完全停止後是直接到2007年，一個沒想過的事實但我也可佷高興完成。 車牌錄：(1, 2, 3, 4, 5, 6, 9, 10, 18, 19, 20, 22) 2001~2003 年 19歲 (1、2) 2003 年 20歲 (3、22) 2006 年 23歲 (4、5、9、10、18) 2007 年 24歲 (19、20、6) 但又何用呢，這個也只是對我來說只是一個成績，只是給別人看的成績而以，我最不愛這樣，由出生到現在，腦海只是出現生活要有學識、錢係萬能，我想法是百份百倒換了。 代續... 2008/05/26 (pm22:47)

回 憶一事，長話短說，因為個腦大部記憶都不見了，去了那裡我也不知道，記憶可能也只是心想出來而以，完全不是真實的事，也可能是直口而以，那個字是真、那個字是假，由自己想法而家，因為人生活就是只活在虛無之中。 當出生於1983 在 我誕生的那時，聽家人說道的事，香港強風掛著十號風球，住在破舊木屋，水滴滴在家中的桶子裡，但在我現在印象之中只是想起的鐵和鐵之間的互相碰撞聲而以。過往之後數年就轉了家，也開始我要動腦的時候，記得那當天第一天上班，因為是第一次離開父母親，哭得像個傻瓜。 當起始回校時1985～1999 讀 書的時代開始了，三年幼稚園　=>　九年政府教育 => 兩年書院，人生於出來開頭出來只是為了學習，這為第一個生命點，因為無人一出生就什麼都會識，只是學而以，但很可惜的事，學生時代我真的沒想過人生態係好可怕，因為童年時思想幼稚，要吃要睡要玩具也只是求家人就可有，但是你想也不會想到錢重何來，米重何來。 小 學時代的中上年級，係我腦海之中，當時不知道、我也想不到旳事，夢境是什麼，天真的我沒想過一個夢境可以帶給說明什麼，但只知道它深深只在我心底裡，這多年來其實不開心也會自然由心底裡慢慢走出來，以過多年，但感覺的是，也好像剛剛才發生的事，可悲．．． 學生時代我也沒有什麼可留戀，因為記憶也洗掉不少，自慢慢開始走出校園的路後，記憶也只由這裡開始。 代續... 2008/05/22 (am06:46